שַׁחַר עֲלֵה / ר' שלמה אבן גבירול
שַׁחַר עֲלֵה אֵלַי, דּוֹדִי, וְלֵךְ עִמִּי,
כִּי צָמְאָה נַפְשִׁי לִרְאוֹת בְּנֵי עַמִּי.
לָךְ אֶפְרְשָׂה מִטּוֹת זָהָב בְּאוּלַמִּי
אֶעְרָךְ‑לְךָ שֻׁלְחָן, אֶעְרָךְ‑לְךָ לַחְמִי,
מִזְרָק אֲמַלֵּא לָךְ מֵאַשְׁכְּלוֹת כַּרְמִי –
וּשְׁתֵה בְּטוּב לֵבָב, יִיטַב לְךָ טַעְמִי.
הִנֵּה בְּךָ אֶשְׂמַח שִׂמְחַת נְגִיד עַמִּי
בֶּן‑עבְדְּךָ יִשַׁי, הָרֹאשׁ לְבֵית לַחְמִי!