לוגו
[על אח בערוני]
פרק:
מיקום ביצירה:
0%
X
F
U

עַל אָח בִּעֲרוּנִי / עֶבֶד וְאָח, / בַּיָּם נִעֲרוּנִי.


אֶחֱרוּ זְמַנֵּי / קֵץ מוֹעֲדִי –

וַאֲנִי מְעֻנֶּה, / צָר צַעֲדִי,

צָרַי יִשְׂטְמוּנִי, / נָתְנוּ בְחָח / אַפִּי, יַחְמְסוּנִי.


בִּתְּקוּ בְנוֹתַי / וַיִּשְׁרְקוּ,

יִרְאוּ עַצְּבוֹתַי / וַיִּשְׂחֲקוּ,

יוֹם יוֹם צוֹדֲדוּנִי, / רַגְלַי בְּפַח – / אֵיךְ לֹא יִלְכְּדוּנִי?


רֹעֲעוּ לְחָיַי / בֵּין אוֹיְבִים

עַד קַצְתִּי בְּחַיַּי / מִסּוֹבֲבִים:

אֵלֶּה יִמְשְׁכוּנִי / לֵאמֹר “זְבַח!” / אֵלֶּה יִזְבְּחוּנִי.


מָה אֹמַר? וְאוֹיְבַי / בִּי נִלְחֲמוּ,

נוֹעֲצוּ מְרִיבַי, / לִי זָעֲמוּ,

לִשְׂחוֹק יִתְּנוּנִי / יֹאְמרוּ “זְנַח!” / חִנָּם יִרְמְסוּנִי.