גִּיטַאנְיַ’אלִי
א.
עֲשִׂיתַנִי בְּלִי אַחֲרית, כִּי־כֵן הָיָה חֶפְצֶךָ. תָּרִיק אֶת־הַכְּלִי הָרָצוּף הַזֶּה כְּפַעַם בְּפַעַם וּתְמַלְאֶנּוּ תָמִיד חַיִּים חֲדָשִׁים.
אֶת־הֶחָלִיל הַדַּל הַזֶּה הֶעָשׂוּי אַגְמוֹן נָשָׂאתָ עַל־גְּבָעוֹת וְעַל־עֲמָקִים וְחִלַּלְתָּ בוֹ נְגִינוֹת אֲשֶׁר לַנֶצַח חֲדָשׁוֹת.
מִפְּנֵי מַגַּע יָדֶיךָ אֲשֶׁר חַיֵּי־עַד לוֹ נִתַּר לִבִּי הַקָּטָן בַּעֲלִיצוּתוֹ מִגְּבוּלוֹתָיו וַיִּתֵּן נִיב לַאֲשֶׁר מִלָּה אֵין לוֹ.
נָזְלוּ מַתְּנוֹתֶיךָ בְּאֶפֶס מִדָּה עַל־כַּפּוֹת יָדַי הַצָּרוֹת. דֹּרוֹת־עַל־דֹּרוֹת חוֹלְפִים וְאַתָּה עוֹד יוֹצְקָן עָלַי וְעוֹד מָקוֹם בִּי לָהֶן בְּאֵין קֵץ.
ב.
כִּי תְצַוֵּנִי לָשִׁיר אֲדַמֶּה כִּי לִבִּי בִי יִשָּׁבֵר מִגָּאוֹן. אָז אַבִּיט אֶל־פָּנֶיךָ וְעֵינַי תִּמָּלֶאנָה דְמָעוֹת.
כָּל הַנִּקְשֶׁה וְכָל הַנֶּעְקָשׁ בְּחַיֵּי יִתְעָרֵב בִּי וְהָיָה לְזִמְרָה אַחַת עֲרֵבָה. אָז יִפְרֹשׂ שִׁיר תְּהִלָּתִי אֶת־כְּנָפָיו כְּצִפּוֹר עֲלִיזָה הַמְעוֹפֶפֶת עַל־פְּנֵי יָם.
יָדַעְתִּי כִּי שִׁירִי הָיָה לְךָ לְרָצוֹן. יָדַעְתִּי כִּי רַק בָּזֹאת אָבֹא לְפָנֶיךָ: בִּהְיוֹתִי לִמְשׁוֹרֵר.
אֶפְרְשָׂה כְּנַף שִׁירִי עַד־הַמָּקוֹם אֲשֶׁר אוּכַל, אֶגַּע בְּקָצֵהָ בַעֲקֵב רַגְלְךָ אֲשֶׁר לֹא קִוִּיתִי מֵעוֹלָם לְהַגִּיעַ אֵלֶיהָ.
שִׁכּוּר גִּילַת שִׁירִי שָׁכַחְתִּי נַפְשִׁי וָאֶקְרָא רֵעַ לַאֲשֶׁר אָדוֹן לִי.
ג.
לֹא יָדַעְתִּי, אֲדֹנָי, אֵיכָה תָּשִׁיר. אַךְ מַאֲזִין אָנֹכִי אֵלֶיךָ בְּחֶרְדַת דְּמָמָה.
אוֹר נְגִינָתְךָ הֵאִיר אֶת־הָאָרֶץ. שָׁטְפָה נִׁשְׁמַת זְמִירָתֶךְ מִשָּׁמַיִם וְעַד־שָׁמַיִם וְזֶרֶם שִׁירְךָ הַקָּדוֹשׁ הָרַס כָּל חַתְחַתֵּי אֶבֶן וַיִּשְתַּפֵּךְ מֵהֶם וָהָלְאָה.
כָּמַהּ לִבִּי לְהִתְחַבֵּר אֶל שִׁירְךָ – אַךְ לַשָּׁוְא יְגִיעוֹת קוֹלִי. דַּבֵּר חָפַצְתִּי – אַךְ אֵין לַדִּבֵּר מָבוֹא אֶל הַשִּׁירָה; אָז שִׁוַּעְתִּי בַצַּר לִי. אוֹי לִי, אֲדֹנָי, כִּי לָכַדְתָּ לִבִּי בְּרִשְׁתּוֹת נְגִינָתְךָ אֲשֶׁר אֵין לָהֵן קֵץ!
ד.
הוֹי חַיֵּי חַיָּי! מִי יִתְּנֵנִי תָמִיד וְשָׁמַרְתִּי בְשָׂרִי לְמַעַן יִטְהַר, כִּי יָדַעְתִּי אֲשֶׁר רוּחַ מַגָּעֲךָ שׁוֹכֵן עַל־יְצֻרַי כֻּלָּם.
מִי יִתְּנֵנִי תָמִיד וְשָׁמַרְתִּי מַחְשְׁבוֹתַי מִכָּל כָּזָב, כִּי יָדַעְתִּי כִּי אַתָּה הָאֱמֶת אֲשֶׁר הִצַּתָּ בְּקֶרֶב רוּחִי אֶת־נֵר תְּכוּנָתִי.
מִי יִתְּנֵנִי תָמִיד וְגֵרַשְׁתִּי כָּל־רָע מִקֶּרֶב לִבִּי וְשָׁמַרְתִּי אַהֲבָתִי בִּפְרָחֶיהָ, כִּי יָדַעְתִּי כִּי אַתָּה כּוֹנַנְתָּ כִּסְאֲךָ בְּסֵתֶר אֲרוֹן לִבִּי.
וְזֶה יִהְיֶה רֹאשׁ דַּרְכִּי: אֲשֶׁר אֶמְצָא אוֹתְךָ בְּכָל מִפְעָלַי. כִּי יָדַעְתִּי כִּי אַתָּה הוּא הַמְאַזְּרֵנִי כֹחַ לְמַעַן אֶפְעָל.
ה.
עֲשֵׂה עִמִּי חֶסֶד רַק רֶגַע אֶחָד: תְּנֵנִי וְאֵשֵׁב עַל־יָדְךָ וְאֶת־פֹּעַל יָדִי אַשְׁלִים אַחֲרֵי־כֵן.
כִּי אֶרְחַק מֵאוֹר פָּנֶיךָ לֹא יֵדַע לִבִּי מַרְגֵּעָה אוֹ שַׁלְוָה. אָז יֵהָפֵךְ לִי מִפְעָלִי לְעָמָל אֵין קֵץ בְּיַם עָמָל בְּאֵין גְּבוּל.
הִנֵּה עָלָה הַקַּיִץ בְּחַלּוֹנִי בִּנְכָאָיו וּבְתַאֲנִיּוֹתָיו – וְהַדְּבוֹרִים תְּהִימֶנָה הֲמִית שִׁירָן בִּשְׂדֵה חֹרֶשׁ רַעֲנָן.
הִנֵּה בָאָה הָעֵת כִּי אֵשֵׁב עִמְּךָ פָנִים אֶל־פָּנִים וַאֲזַמֵּר אֶת שִׁיר־חֲנֻכַּת הַחַיִּים בַּעֲתֶרֶת הַמַּרְגֵּעָה הַזֹּאת.
ו.
קְטָף לְךָ אֶת־הַפֶּרַח הַקָּטָן הַזֶּה וְקָחֶנּוּ לְךָ, אַל תְּאַחֵר. יָרֵאתִי פֶּן יִבֹּל וְיִפֹּל אֶל־הֶעָפָר.
וְאִם מָקוֹם אֵין־לוֹ בַעֲטַרְתְּךָ, אַל תַּחְמֹל עַל־עֲמַל כַּפֶּיךָ; כַּבְּדֶנִי נָא וּשְׁלַח יָדְךָ אֵלָיו וּקְטַפְתּוֹ. יָרֵאתִי כִּי בְטֶרֶם שִׂים לֵב יַעֲבוֹר הַיּוֹם וְעֵת הַקָּרְבָּן תַּחֲלֹף.
וְאִם צִבְעוֹ אֵינֶנּוּ עָמֹק וְאִם רֵיחוֹ עוֹדֶנּוּ רַךְ, אַל תַּחְמֹל מִקַּחְתּוֹ; שִׂים לִבְּךָ אֶל־הַפֶּרַח וְקָטְפֶנּוּ בְעוֹד מוֹעֵד.
ז.
שִׁירִי הִתְנַצֵּל אֶת־עֶדְיוֹ מֵעָלָיו. אַל לְשִׁירִי תִפְאֶרֶת לְבוּשׁ וּמִכְלוֹל, פֶּן יַשְׁחִיתוּ הַמַּכְלוּלִים אֶת־בְּרִיתִי עִמְּךָ וּפֶן יִפְרְצוּ בֵּינִי וּבֵינְךָ וּפֶן יַשְׁבִּיחַ שְׁאוֹנָם אֶת־דִּמְמַת שִׁיחֶךָ.
מִפָּנֶיךָ תִּמּוֹג בְּחֶרְפָּה גַאֲוַת הַמְשׁוֹרֵר בִּי. הוֹי מְשׁוֹרְרִי וַאֲדֹנִי, רְאֵה הִנֵּה יָשַׁבְתִּי לְרַגְלֶיךָ. תְּנֵנִי נָא וַאֲכוֹנֵן חַיַּי, וְהָיוּ חַיַּי נְכוֹנִים וִישָׁרִים כַּחֲלִיל הָאַגְמוֹן אֲשֶׁר תְּמַלְאֶנּוּ זִמְרָה.
ח.
אַל לְיֶלֶד לְבֹשׁ בִּגְדֵי מַלְכוּת וְלֹא יַעֲנוֹד שַׁרְשְׁרֹת לְצַוָּארוֹ, פֶּן יַחְדְּלוּ כְּלֵי שַׁעֲשֻׁעָיו לִמְצֹא חֵן בְּעֵינָיו. לְבוּשָׁיו יִהְיוּ לוֹ לְמִפְגָּע עַל־כָּל מִדְרַךְ רָגֶל.
כִּי יִירָא תָמִיד פֶּן יַשְׁחִיתֵם אוֹ יְטַנְּפֵם, וְנִזְהַר כָּל־הַיּוֹם מִפְּנֵי תֵבֵל וְחָרֵד תָּמִיד לָמוּשׁ מִמְּקוֹמוֹ.
לֹא טוֹבִים, אֵם, קִשֻּׁרֵי פְאֵרֵךְ, עַל־מָנְעָם אוֹתוֹ מִבִּרְכַּת עֲפַר הָאֲדָמָה וְעַל־גָּזְלָם מִמֶּנּוּ מִשְׁפָּטוֹ לָבֹא אֶל־הַתִּפְאֶרֶת הַגְּדוֹלָה אֲשֶׁר לְחַיֵּי אָדָם סָבִיב.
ט.
הוֹי פֶּתִּי, כִּי תֹאמַר לְהִנָּשֵׂא עַל־כְּתֵפֶיךָ אֲשֶׁר לְךָ אָתָּה! הוֹי עָנִי, כִּי תֹּאמַר לִשְׁאֹל נְדָבָה עַל־פִּתְחֲךָ אֲשֶׁר לְךָ אָתָּה!
גֹּל יְהָבְךָ עַל־יַד אֲשֶׁר כֹּחַ לוֹ לָשֵׂאת כָּל־מַשָּׂא, וְאַתָּה אַל תַּבֵּט מֵאַחֲרֶיךָ וְאַל יֵצַר לָךְ.
חָפַצְתָּ לְכַבּוֹת בְּרֶגַע אֶחָד אֶת־אוֹר הַמְנוֹרָה אֲשֶׁר נָגְעָה אֵלָיו רוּחַ אַפּוֹ. חַטָּאת הִיא, אַל־תִּגַּע בְּיָדַיִם טְמֵאוֹת בְּמַתְּנוֹתֶיךָ אֲשֶׁר נִתְּנוּ לְךָ. רַק־זֶה יִהְיֶה לוֹ לְרָצוֹן אֲשֶׁר תָּשִׂים לוֹ הָאַהֲבָה הַטְּהוֹרָה.
י.
פֹּה הֲדוֹם לְרַגְלֶיךָ: יָנוּחוּ נָא כַפּוֹת רַגְלֶיךָ בַּאֲשֶׁר־שָׁם הָעֲנִיִּים וְהַשְּׁפָלִים וְהָאוֹבְדִים.
כִּי אָמַרְתִּי לְהִשְׁתַּחֲוֹת אֵלֶיךָ, לֹא תִּגַּע בִּרְכִּי עַד־הַמַּעֲמַקִּים אֲשֶׁר שָׁם יָנוּחוּ כַפּוֹת רַגְלֶיךָ עִם־הָעֲנִיִּים וְהַשְּׁפָלִים וְהָאוֹבְדִים.
לֹא יִקְרַב לָנֶצַח גָּאוֹן לִמְקוֹם־שָׁם תְּהַלֵּךְ בִּלְבוּשׁ עַנְוָתְךָ עִם־הָעֲנִיִּים וְהַשְּׁפָלִים וְהָאוֹבְדִים.
לֹא יוּכַל לִבִּי לָנֶצַח לִמְצֹא נָתִיב לִמְקוֹם־שָׁם הִתְחַבַּרְתָּ עִם־חִדְלֵי חֶבֶר עִם־הָעֲנִיִּים וְהַשְּׁפָלִים וְהָאוֹבְדִים.
יא.
מְנַע פִּיךָ מִזִּמְרָה וּמִתְּחִנָּה וַחֲדַל מֵהַקְטִיר לְבוֹנָה. אֶל מִי אַתָּה מִתְפַּלֵּל פֹּה בַּפִּנָּה הַחֲשֵׁכָה וְהָעֲזוּבָה אֲשֶׁר בַּהֵיכָל הַזֶּה עִם־הַדְּלָתַיִם הַסְּגֻרוֹת? פְּקַח עֵינֶיךָ וְהַבֵּט: אֵין אֱלֹהֶיךָ לְפָנֶיךָ!
הִנֵּה שָׁם הוּא בַּאֲשֶׁר הַחֹרֵשׁ חֹרֵשׁ אֶת־הָאֲדָמָה הַקָּשָׁה וְהַחוֹצֵב מְנַפֵּץ אֲבָנִים. עִמָּם הוּא בַשָּׁרָב וּבְמִטְרוֹת עֹז וּבִגְדוֹ כָבֵד מֵאָבָק. פְּשֹׁט אַדֶּרֶת קָדְשְׁךָ וְצֵא כָמֹהוּ אֶל־הַשָּׂדֶה וְאֶל־הֶעָפָר.
לָמָּה תֹאמַר גְּאֻלָּה? אַיֵּה הַגְּאֻלָּה הַזֹּאת לְמַעַן תִּמְצָאֶנָּה? הִנֵּה הֶעֱמִיס אֱלֹהִים בְּשִׂמְחָה אֶת־עֹל הַבְּרִיאָה עַל־נַפְשׁוֹ וְאֵלֵינוּ נִקְשַׁר לַנֶּצַח.
הִנָּעֵר מֵהֶגְיוֹנוֹתֶיךָ וַעֲזָב פְּרָחֶיךָ וְאֶת־קְטֹרֶת לְבוֹנָתֶךָ! מַה־לְּךָ יָרֹא כִּי יֵהָפְכוּ לְבוּשֶׁיךָ לִבְלוֹיֵי סְחָבוֹת? לֵךְ לִקְרָאתוֹ וַעֲשֵׂה עִמּוֹ יַחְדָּו אֶת עֲבוֹדָתְךָ בְּזֵעַת אַפֶּיךָ.
יב.
עֵת נְדוּדַי אֲרֻכָּה וְדַרְכִּי אָרֹךְ.
עָלִיתִי בְמִרְכֶּבֶת נִיצוֹץ הָאֹור הָרִאשׁוֹן, כּוֹנַנְתִּי דַרְכִּי בֵּין־שִׁמֲמוֹת עוֹלָּמוֹת וְאֶת־שָׁרְשֵׁי רַגְלַי עָזַבְתִּי אַחֲרַי בֵּין־כֹּכָבִים וּמַזָּרוֹת.
מִכָּל נָתִיב רָחוֹק הַנָּתִיב הַזֶּה – וְקָרוֹב הוּא אֵלֶיךָ, דֶּרֶךְ חַתְחַתִּים הִיא – וּבָהּ נָבֹא עַד לִקְצֵה הַגְּבוּל אֲשֶׁר לַזִּמְרָה הַטְּהֹרָה.
עַל־כָּל דֶּלֶת נָכְרִיָּה יִתְדַּפֵּק הַהֵלֶךְ עַד־יָבֹא אֶל־דַּלְתּוֹ וּבֵין כָּל הָעוֹלָמוֹת הַקִּיצוֹנִים יַעֲבֹר עַד־יַגִּיעַ בְּאַחְרִיתוֹ אֶל־הַקֹּדֶשׁ פְּנִימָה.
עֵינַי תָּעוּ אָנֶה וְאָנָה עַד־סָגַרְתִּי אוֹתָן וְעַד־אָמַרְתִּי: “פֹּה אַתָּה!”
וּשְׁאֵלָתִי וּקְרִיאָתִי אֲשֶׁר שָׁאַלְתִּי וַאֲשֶׁר קָרָאתִי: “אַיֵּה אַתָּה?”
הֵן נָמוֹגוּ בְּאַלְפֵי זִרְמֵי דְמָעוֹת וְשָׁטְפוּ מְלֹא תֵבֵל בְּמַבּוּל אִמְרָתְךָ: “הִנֵּנִי!”
יג.
הַשִּׁיר אֲשֶׁר אָמַרְתִּי לָשִׁיר לֹא הוּשַׁר עַד־הַיּוֹם הַזֶּה.
אֶת־יַָמַי כִּלִּיתִי בָזֶה אֲשֶׁר כּוֹנַנְתִּי וְשַׁבְתִּי וְכוֹנַנְתִּי אֶת־מֵיתְרֵי כְלִי שִׁירִי.
הַקּוֹלוֹת לֹא הִקְבִּילוּ, הַמִּלִּים לֹא הִתְאִימוּ, וְרַק עֱנוּת תַּאֲוֹת מִלְּאָה אֶת־לִבִּי.
הַצִּיץ לֹא פִתַּח, וְרַק הָרוּחַ הִתְיַפַּח בּוֹ.
לֹא רָאִיתִי אֶת־פָּנָיו, לֹא הֶאֱזַנְתִּי אֶת־קוֹלוֹ, וְרַק אֶת־פַּעֲמֵי רַגְלָיו שָׁמַעְתִּי בַּחוּץ לִפְנֵי בֵיתִי.
עָבַר עָלַי כָּל־הַיּוֹם מִדֵּי הֲכִינִי מָכוֹן לוֹ בְּבֵיתִי, וְרַק הַמְּנוֹרָה לֹא הֵאִירָה לְבַעֲבוּר קַדֵּם פָּנָיו בְּבֵיתִי.
כָּל הַיּוֹם קִוִּיתִי כִּי נִוָּעֵד יַחְדָּו, וְעַד־הַיּוֹם הַזֶּה לֹא נוֹעַדְתִּי עוֹד.
יד.
רַבּוֹת מִשְׁאֲלוֹתַי וְקוֹלִי קָטָן, אַךְ אַתָּה הַמַּצִּילֵנִי תָמִיד; כִּי בְעֻזְּךָ הֲשִׁיבוֹתָ תָמִיד פָּנַי – וְזֶה חַסְדְּךָ הַגָּדוֹל רֻקַּם בְּכָל־יְמֵי חַיָּי.
רָצוּי תַּעֲשֵׂנִי מִיּוֹם אֶל־יוֹם לְמַתְּנוֹתֶיךָ הַטְּהֹרוֹת וְהַגְּדֹלוֹת אֲשֶׁר נַָתַתָּ לִי וַאֲנִי לֹא שָׁאַלְתִּי: אֶת־הַשָּׁמַיִם הָאֵלֶּה וְאֶת־הָאוֹר, אֶת־בְּשָׂרִי זֶה וְאֶת־הַחַיִּים וְאֶת־הַנְּשָׁמָה – וְהִצַּלְתַּנִי מִן הָרָעָה לִשְׁאֹל בְּאֵין מִדָּה.
לִרְגָעִים תַּעֲרֹג נַפְשִׁי בְּאֵין כֹּחַ, לִרְגָעִים אֶתְעוֹרֵר וְאֶשְׂתָּעֵר וְאֶת־כָּל־גְּבוּלִי אֲחַפֵּשׂ – אַךְ אַתָּה בְּאֵין חֶמְלָה תִסְתַּתֵּר מִפָּנַָי.
רָצוּי לְךָ תַּעֲשֵׂנִי מִיּוֹם אֶל־יוֹם אֲשֶׁר אוּכַל לְקַדֵּם פָּנֶיךָ כִָּלִיל, כִּי לָזֹאת תָּשִׁיב פָּנַי בְּכָל־יוֹם תָּמִיד וְתַצִּילֵנִי מִן־הָרָעָה לִשְׁאֹל מִשְׁאָלוֹת דַּלוֹת וְלֹא נֶאֱמָנוֹת.
טו.
הִנְנִי פֹּה לְמַעַן אֲזַמֵּר לָךְ. קֶרֶן פִּנָּה לִי בְּהֵיכַל קָדְשֶׁךָ.
אֵין לִי עֲבוֹדָה בְעוֹלָמֶךָ, וְרַק בְּאֶפֶס תַּכְלִית מִשְׁתַּפְּכִים חַיַּי בְּקוֹלוֹת בְּאֶפֶס תַּכְלִית.
בְּבֹא הַמּוֹעֵד לַעֲבוֹדַת קָדְשְׁךָ בְּדִמְמַת אֹפֶל הֵיכָלֶךָ בַּחֲצוֹת הַלַּיְלָׂה, אָז צִַוֵּנִי נָא אֱלֹהַי וַאֲדוֹנִי וְאֶעֱמֹד לְפָנֶיךָ לְזַמֵּר.
בַּבֹּקֶר בְּהִשָּׁמַע קוֹל־נֵבֶל הַזָּהָב עַל־כַּנְפֵי הָרוּחַ, אָז כַּבְּדֵנִי נָא וּקְרָא אוֹתִי אֵלֶיךָ.
טז.
נִקְרֵאתִי לָבֹא אֶל־חַג הָעוֹלָם הַזֶּה – אָז הָיִיתִי לִבְרָכָה לְכָל־יְמֵי חַיָּי. עֵינַי רָאוּ וְאָזְנַי שָׁמֵעוּ.
וְזֶה הָיָה חֶלְקִי אֲשֶׁר עָלָה בְגוֹרָלִי: אֲשֶׁר אֶפְרֹט לֲעֵת הַחַג הַזֶּה עַל־פִּי כְלִי שִׁירִי – אָז זִמַּרְתִּי כְּכָל־אֲשֶׁר יָכֹלְתִּי.
וְעַתָּה הִנֵּה אֶשְׁאַל: הֲבֹא בָאָה הָעֵת אֲשֶׁר אָבוֹא לִרְאוֹת פָּנֶיךָ וְלָתֵת לְךָ דוּמָם אֶת־בִּרְכַּת שְׁלוֹמִי?
יז.
וַאֲנִי אֲצַפֶּה אֶל־חַסְדְּךָ אֲשֶׁר יָכֹל אוּכַל לָתֵת נַפְשִׁי בְיָדֶךָ. רַַק זֹאת אַשְׁמָתִי וְזֹאת חַטָּאתִי כִּי אֵחַרְתִּי מְאֹד.
הִנֵּה אֲנָשִׁים בָּאִים עִם־חֻקּוֹתֵיהֶם וְתוֹרוֹתֵיהֶם לְאָסְרֵנִי בָהֶן הֵיטֵב, וַאֲנִי אֶתְמַלֵּט כְּפַעַם בְּפַעַם מִיָּדָם וְרַק אֲצַפֶּה אֶל־חַסְדְּךָ אֲשֶׁר יָכֹל אוּכַל לָתֵת נַפְשִׁי בְיָדֶךָ.
וּבְנֵי הָאָדָם נֶחֱרִים בִּי וְזֶה אֲשֶׁר יִקְרְאוּ לִי רְפֵה יָדַיִם – וַאֲנִי יָדַעְתִּי כִּי צָדְקוּ כִּי נֶחֱרוּ בִי כָכָה.
הִנֵּה חָלַף יוֹם הַשּׁוּק וְהַמְּלָאכָה שָּׁבָתָה. וְאֵלֶּה אֲשֶׁר לְחִנָּם קְרָאוּנִי הָלְכוּ לְדַרְכָּם בָּחֳרִי־אָף. וַאֲנִי רַק אֲצַפֶּה אֶל־חַסְדְּךָ אֲשֶׁר יָכֹל אוּכַל לָתֵת נַפְשִׁי בְיָדֶךָ.
יח.
עָבִים עַל־עָבִים נֶעֱרָמִים וְהָאֶרץ תֶּחְשַׁךְ. אוֹי לִי מַחְמַד עֵינַי, לָמָּה תִּתְנֵנִי לְחַכּוֹת גַּלְמוּד מִחוּץ לַדֶּלֶת?
בְּעֵת הָעֲבוֹדָה בְּצָהֳרֵי יוֹם הִנְנִי עִם־הָעָם, אַךְ בִּקְדֹר הַיּוֹם בִּהְיוֹתִי גַלְמוּד עֵינַי נְשׂוּאוֹת רַק אֵלֶיךָ.
אִם לֹא תַרְאֵנִי אֶת־מַרְאֶיךָ וְאִם תִּרְחַק מְמֶּנִּי מְאֹד, לֹא אֵדַע מֶה עָלַי לַעֲשׂוֹת בְּעֵת הַסּוּפָה הָאֲרֻכָּה הַזֹאת.
אַבִּיט לַשָּׁמַיִם הַקֹּדְרִים מֵרָחוֹק וְאֶשְׁתּוֹמֵם וְלִבִּי בִי תֹּעֶה וּבֹכֶה עִם־הָרוּחַ הַבֹּכֶה.
יט.
אִם תַּחֲרִישׁ, אָז אֲמַלֵּא לִבִּי בְדֻמִיָּתְךָ וַאֲצַפֶּה לָךְ. עַל־מִשְמַרְתִּי אֶעֱמֹד וּכְמוֹ לֵיל כֹּכָבִים אֶאֱרֹב דּוּמָם לְרֹאשׁ אַשְׁמֹרֶת וְאַט רֹאשִׁי בַעֲנָוָה.
הִנֵּה בֹקֶר יָבֹא לְנָכוֹן, הַחֹשֶׁךְ יַחֲלוֹף, וְקוֹלְךָ יִתַּךְ אַרְצָה כִּמְטַר זָהָב מִבַּעַד לַשָּׁמַיִם.
וּדְבָרֶיךָ יִנָּשְׂאוּ עַל־כַּנְפֵי זִמְרָה מִכָּל־קֵן אֲשֶׁר לְצִפֳּרַי וּנְגִינוֹתֶיךָ תִּפְרַחְנָה מִכָּל־פֶּרַח אֲשֶׁר בְּיַעֲרוֹת־שָׂדָי.
כ.
אוֹי לִי כִּי בַיּוֹם אֲשֶׁר צָץ הַלֹּוט תָּעָה לִבִּי לְמֵרָחוֹק וְעֵינַי לֹא רָאוּ. סַלִּי נִשְאַר רֵיק וְהַפֶּרַח צָץ בְּאֵין־שָׂם אֶל־לֵב.
וְרַק לִרְגָעִים אֲחָזַנִי יָגוֹן פִּתְאֹם וְאֶשְׂתָּעֵר מִשְּׁנָתִי וָאָחוּשׁ וְהִנֵּה שְׁאֵרִית מְתוּקָה אֲשֶׁר לְרֵיחַ זָר בָּאָה מִן־הַדָּרוֹם עַל־כַּנְפֵי הָרוּחַ.
וְהַמֶּתֶק הַתֹּעֶה הַזֶּה מִלֵּא לִבִּי יָגוֹן תַּאֲוֹת וְיֵשׁ כִּי דִמִּיתִי אֲשֶׁר נִשְׁמַת הַקַּיִץ הַבֹּעֶרֶת הִיא הַמְבַקֶּשֶׁת לָהּ תְּקוּמָה.
וַאֲנִי רַק זֹאת יָדַעְתִּי כִּי קְרוֹבָה הָיְתָה לִי וְכִי בִי הָיְתָה וְכִי הַמֶּתֶק הַהוּא צָץ וּפָרַח בְּמַעֲמַקֵּי לִבִּי.
כא.
בָּא לִי הַמּוֹעֵד לָצֵאת לַחְתֹּר בְּסִירָתִי. אוֹי לִי מָה־אֲרֻכָּה וּמַה־כְּבֵדָה הָעֵת עַל־פְּנֵי הַחוֹף!
הָאָבִיב נָתַן אֶת־פְּרָחָיו וַיַּקְשִׁיחֵם. אֲנִי הִנְנִי יוֹשֵׁב פֹּה עִם־פְּרָחִים נוֹבְלִים אֲשֶׁר אֵין־בָּם חֵפֶץ וְנַפְשִׁי בִּי תַעֲרֹג.
דָּכְיֵי הַיָּם זֹעֲפִים וְעַל־שְׂפַת הַמִּשְׁעוֹל הַקֹּדֵר עָפִים הֶעָלִים הַצְּהֻבִּים וְנוֹפְלִים.
מָה־רַבָּה הַשְּׁמָמָה הַקֹּפֵאת פֹּה! הַאֵין לִבְּךָ חָשׁ צְלִיל קוֹל שׁוֹמֵם עִם־הֵד זִמְרָה רְחוֹקָה שׁוֹטֵף אֵלֶיךָ מֵעֵבֶר הַחוֹף הַשֵּׁנִי?
כב.
בְּמַאֲפֵל צְלָלִים בְּמִטְרוֹת תַּמּוּז אַתָּה מְהַלֵּךְ בְּצַעֲדֵי סֵתֶר, דּוּמָם כְּמוֹ לַיְלָה, וּמִתְחַמֵּק מֵעֵין כָּל־אֹרֵב.
בֹּקֶר סָגַרְתָּ אֶת־עֵינֶיךָ וְרוּחַ הַמִּזְרָח הַסֹּעֵר קָרָא לְךָ בְּכֹחַ וְאַתָּה לֹא שַׂמְתָּ לֵב, וַיְהִי צָעִיף עָב פָּרוּשׂ עַל־תְּכֵלֶת הַשָּמַיִם הָעֵרִים נֶצַח.
הִשְׁבִּיחוּ הַיְּעָרוֹת קוֹל זִמְרָתָם וְדַלְתוֹת כָּל־הַבָּתִּים נִסְגְרוּ, רַק אַתָּה הָיִיתָ הַהֵלֶךְ הָאֶחָד אֲשֶׁר נִשְׁאַרְתָּ בָּרְחוֹב הַשֹּׁומֵם הַזֶּה. הוֹי רֵעִי הָאֶחָד, רֹאשׁ כָּל־מַחֲמַדַּי, שַׁעֲרֵי בֵיתִי פְּתוּחִים לְךָ – אַל־נָא תִּדֹּד מִזֶּה כַּחֲלוֹם חֶזְיוֹן לָיְלָה.
כג.
הֲבַחוּץ אַתָּה, רֵעִי. בְּלֵיל־סְעָרָה זֶה וְאַתָּה בַדֶּרֶךְ לְבַקֵּשׁ אַהֲבָה? – הִנֵּה מִתְיַפְּחִים הַשָּׁמַיִם וְהָיוּ כִּבְלִי תִקְוָה.
לֹא יָשַׁנְתִי הַלַּיְלָה, רֵעִי. אֶת־הַדֶּלֶת פָּתַחְתִּי מִרֶגַע אֶל־רֶגַע הִבַּטְתִּי לְתוֹךְ הַחֲשֵׁכָה.
לֹא תִּרְאֶינָה עֵינַי דָּבָר וְנִפְלָא נְתִיבְךָ מִמֶּנִּי.
הֲמִגְּדוֹת נַחַל עָכוּר אֲשֶׁר כַּדְּיוֹ שְׁחֹרִים מֵימָיו וְאִם מִמֶּרְחַקֵּי קְצוֹת יַעַר קֹדֵר מִמַּעֲמַקֵּי חֲשֵׁכָה אֲיֻמָּה כּוֹנַנְתָּ אֶת צְעָדֶיךָ לַחֲדֹר אֵלַי, רֵעִי?
כד.
כַּאֲשֶׁר יֵרֵד הַיּוֹם וְהַצִּפֳּרִים יַחְדְּלוּ מִזַּמֵּר וְהָרוּחַ הֶעָיֵף יַחֲרִישׁ, אָז פְּרֹשׂ עָלַי סֻכַּת חָשְׁכְּךָ הֶעָבָה כַּאֲשֶׁר פָּרַשְׂתָּ אֶת כְּסוּי הַשֵּׁנָה עַל־פְּנֵי הָאֲדָמָה לְכַסּוֹת אוֹתָהּ בּוֹ וְאֶת־עֲלֵי הַלּוֹט הֶעָיֵף סָגַרְתָּ בַּלָּאט בַּעֲלֹט הַיּוֹם.
הִנֵּה הַהֵלֶךְ אֲשֶׁר תַּמָּה הַצֵּדָה מִיַּלְקוּטוֹ בְּטֶרֶם תִּתֹּם דַּרְכּוֹ וַאֲשֶׁר בְּגָדָיו בָּלוּ וְכָבְדוּ מֵאָבָק וַאֲשֶׁר כֹּחוֹ פַס – הָסִירָה נָא מִמֶּנּוּ כְלִמָּה וָעֹנִי וְחַדֵּשׁ חַיָּיו כְּפֶרַח תַּחַת כְּסוּי לֵילְךָ הֶעָרֵב.
כה.
תְּנֵנִי בְלֵיל־נְדוּדִים, וְאֶתֵּן לְעֵינַי שְׁנָת בְּלִי שָׂטָן רָע, כִּי בְךָ אֶבְטָח.
אַל תִּתְנֵנִי לְיַגַּע חִנָּם אֶת־רוּחִי הָרָפָה לְבַעֲבוּר הָכֵן נַפְשִׁי לְעָבְדְּךָ דַּל וָרֵיק.
הֲלֹא אַתָּה זֶה אֲשֶׁר תִּפְרׂשׂ סֻכַּת לַיְלָה עַל־עֵינַיִם עֲיֵפוֹת מִנִּי־יוֹם לְמַעַן חַדֵּשׁ אֶת־מְאוֹרָן וּלְמַעַן שְׁפוֹךְ בָּהֶן חֶדְוָה חֲדָשָׁה לְעֵת הִפָּקְחָן.
כו.
בָּא אֵלַי וַיֵּשֶׁב לִימִינִי וַאֲנִי לֹא הֱקִיצוֹתִי. אַלְלַי לִי, מַה־נוֹרָאָה הָיְתָה שְׁנָתִי!
בָּא אֵלַי עִם־דִּמְמַת הַלַּיְלָה. בְּיָדוֹ תָפַשׂ נִבְלוֹ וַחֲלוֹמוֹתַי הָמוּ לְקוֹל זְמִירוֹתָיו.
אוֹי לִי, לָמָּה כָּלוּ לֵילוֹתַי לָרִיק כֻּלָּם? אוֹי לִי, לָמָּה יִמְנַע מִמֶּנִּי פָנָיו – וְנִשְׁמַת אַפּוֹ הִנֵּה נָגְעָה אֶל־שְׁנָתִי?
כז.
נֵר, אֵי אֵיפֹה הַנֵּר? הַעֲלֵה־נָא אוֹתוֹ בְלַבַּת תַּאֲוָתִי הַבּוֹעָרֶת!
הִנֵּה הַמְּנוֹרָה וְנִיצוֹץ אֵשׁ אֵין בָּהּ. זֶה גוֹרָלְךָ, לִבִּי! אָכֵן נִבְחָר לְךָ הַמָּוֶת שִׁבְעָתָיִם!
דָּפַק הָאֵיד עַל־דְּלָתְךָ וּבְשׂוֹרָה בְּפִיו: הִנֵּה אֲדוֹנְךָ עֵר וְהוּא קוֹרֵא לְךָ לְמוֹעֵד־אֲהָבִים בְּחֶשְׁכַּת הַלָּיְלָה.
הַשָּׁמַיִם מְכֻסִּים בֶּעָבִים וְהַמָּטָר סֹחֵף אָרְצָה וְלֹא יֶחְדַּל. לֹא יָדַעְתִּי נַפְשִׁי – לֹא יָדַעְתִּי מַה־זַּמֹּתִי.
לְרֶגַע יִבָּקַע הַבָּרָק וְאַחֲרָיו יָשׁוּב הַחֹשֶׁךְ וְהָיָה עָמֹק מִבָּרִאשׁוֹנָה – וְלִבִּי מִתְרַפֵּק עַל־הַנָּתִיב הַמִּסְתַּתֵּר אֲשֶׁר מִשָּׁם תִּקְרָא לִי שִׁירַת הַלָּיְלָה.
נֵר, אֵי אֵיפֹה הַנֵּר? הַעֲלֵה־נָא אוֹתוֹ בְלַבַּת תַּאֲוָתִי הַבּוֹעָרֶת! הָרַעַם שָׁאַג וְהַסַּעַר יֵהוֹם בַּגַּלְגָּל. שָׁחוֹר הַלַּיְלָה כְּסֶלַע שָׁחוֹר. אַל־תִּתֵּן לְמוֹעֵד זֶה לַעֲבוֹר בַּחֹשֶׁךְ. הַעֲלֶה־נָא אֶת־מְנוֹרַת הָאַהֲבָה בְּלַפִּיד חַיֶּיךָ!
כח.
חֲזָקִים הָעֲבֹתִים. וְאִם אָמַרְתִּי אֲנַתְּקֵם וְכָאַב לִבִּי בְּקִרְבִּי.
גְאֻלָּה חָפַצְתִּי וְזוּלָתָהּ לֹא דָבָר, וְאִם אֲקַוֶּה אֵלֶיהָ וְכִסַּתְנִי כְלִמָּה.
יָדַעְתִּי מְאֹד כִּי אוֹצָרְךָ אֵין עֲרוֹךְ לוֹ וְכִי אַתָּה לִי הַטּוֹב מֵרֵעַי, אַךְ לִבִּי לֹא יַעֲמֹד בִּי לְטַאטֵא אֶת־בְּלוֹיֵי הַסְּחָבוֹת הַמַּזְהִירִים אֲשֶׁר מָלְאוּ אֶת־בֵּיתִי.
הַשִּׂמְלָה אֲשֶׁר יַעֲטֶה בְשָׂרִי מָלְאָה אָבָק וָמָוֶת. תִּעַבְתִּיהָ – וּבְאַהֲבָה אֶשְׁמְרֶנָּה עִמִּי.
עֲוֹנוֹתַי רַבִּים, חָטָאתִי גְּדוֹלוֹת וְגַם כְּלִמָּתִי מְסֻתָּרָה וּכְבֵדָה, אַךְ כִּי־אָבֹא לְבַקֵּשׁ חֶסֶד אָז אִירָא פֶּן תֵּרָצֶה תְפִלָּתִי.
כט.
זֶה אֲשֶׁר בִּשְׁמִי אֲסוֹבְבֶנּוּ מִתְיַפֵּחַ בַּמַּסְגֵּר הַזֶּה. אַךְ אֲנִי שָׁקַדְתִּי תָּמִיד לִבְנוֹת אֶת־הַחוֹמָה הַזֹּאת מִסָבִיב, וְכַאֲשֶׁר תַּעֲלֶה הַחוֹמָה מִיּוֹם אֶל־יוֹם הָלֹךְ וְהִנָּשֵׂא הַשָּׁמַיְמָה כֵּן תֹּאבַד לִי בְּמַאֲפֵל צְלָלֶיהָ תַּבְנִית נַפְשִׁי הַנֶּאֱמָנָה.
גֵּא אָנֹכִי עַל־שִׂיא הַחוֹמָה הַבְּצוּרָה הַזֹּאת וַאֲנִי טָח אוֹתָהּ בַּשִּׂיד וּבַחוֹל לְבִלְתִּי תֵּת לְפֶרֶץ קָטָן לִפְרֹץ בַּשֵׁם הַזֶּה – וְיַעַן אֲשֶׁר אֶשְקֹד עָלֶיהָ כָּכָה לָכֵן תֹּאבֵד לִי תַּבְנִית נַפִׁשי הַנֶּאֱמָנָה.
ל.
יָצָאתִי לְבַדִּי לְדַרְכִּי לְמוֹעֵד־הָאֲהָבִים. אַךְ מִי הוּא זֶה הַהוֹלֵךְ אַחֲרַי בְּדִמְמַת הַחֲשֵׁכָה?
נוֹטֶה אָנֹכִי הַצִּדָּה לְהִתְחַמֵּק מִפָּנָיו – וּמִמֶּנּוּ לֹא אָמָּלֵט.
אֶת־הָאָבָק הוּא מַעֲלֶה מֵעַל הָאֲדָמָה בְּרָב־הִתְהַלְּלוֹ וְאֶת־קוֹלוֹ הָרָם הוּא מְחַבֵּר אֶל־כָּל מִלָּה הַיּוֹצֵאת מִפִּי.
הֲלֹא זֶה הוּא אָנֹכִי, זֶה “אָנֹכִי” הַדַּל אֲשֶׁר לִי, וְהוּא לֹא יֵדַע בֹּשֶׁת, אֲדוֹנִי! אוּלָם נִכְלַמְתִּי מְאֹד לָבֹא עַד־פֶתַח דַּלְתְּךָ בַּחֹבֶרֶת עִמּוֹ.
לא.
“אַסִּיר, הֲלֹא תַגִּיד לִי: מִי שָׂם אוֹתְךָ בַכְּבָלִים?”
“אֲדוֹנִי וּמוֹשְׁלִי הוּא הַשָּׂם אוֹתי בַכְּבָלִים”, עָנָה הָאַסִּיר.“דִּמִּיתִי כִּי לֹא יִבָּצֵר מִמֶּנִּי לַעֲלוֹת בְּעֹשֶׁר וּבְכֹחַ עַל־כָּל הָאָדָם אֲשֶׁר עַל־פֵּני הָאֲדָמָה, וְלָכֵן צָבַרְתִּי בְּתוֹךְ בֵּית־אוֹצָרִי אֶת־כָּל הַכֶּסֶף אֲשֶׁר לְמַלְכִּי. בִּנְפֹל עָלַי תַּרְדֵּמָה עָלִיתִי עַל־הַמִּטָה אֲשֶׁר לַאֲדוֹנִי, וּבַהֲקִיצִי וְהִנֵּה אָנֹכִי אָסוּר בְּעֶצֶם בֵּית אוֹצָרִי”.
“אַסִּיר, הֲלֹא תַגִּיד לִי: מִי עָשָׂה אֶת־הַנְּחֻשְׁתַּיִם הָאֵלֶּה אֲשֶׁר לֹא יִשָּׁבֵרוּ?”
“אָנֹכִי הוּא הָעֹשֶׂה”, עָנָה הָאַסִּיר. “אָנֹכִי הוּא אֲשֶׁר הָלַמְתִּי לִי אֶת־הַבַּרְזֵל הַזֶּה לִכְבָלִים לְעוֹלְמֵי עוֹלָמִים. דִּמִּיתִי כִּי לָנֵצַח כֹּחִי לֹא יִכָּנַע, אֶת־מְלֹא כָל־הָאָרֶץ יִקַּח בַּשְּׁבִי וְרַק אָנֹכִי לְבַדִּי חָפְשִׁי אֶהְיֶה בְּאֵין מַעְצֹר. אָז פָּעַלְתִּי יוֹם וָלַיְלָה אֶת־הַכְּבָלִים בְּלַבּוֹת אֵשׁ גְּדוֹלוֹת וּבְפַטִּישׁ גָּדוֹל הֲלַמְתִּים. וְכַאֲשֶׁר שָׁלְמָה הַמְּלָאכָה וְהַטַּבָּעוֹת רֻקְעוּ עַד־בִּלְתִּי הִשָּׁבֵר לְעוֹלָם, וָאֵרֶא וְהִנֵּה אָנֹכִי לְבַדִּי נִלְכַּד בָּהֵנָּה”.
לב.
אֵלֶּה אֲשֶׁר יֶאֱהָבוּנִי עַל־פְּנֵי הָאֲדָמָה יְנַסּוּ כֻלָּם בְּכָל־כֹּחָם לְהַחֲזִיק אוֹתִי תַּחַת מַחְסֵה יָדָם. אַךְ לֹא כֵן אַהֲבָתְךָ אַתָּה: גְּדוֹלָה הִיא מֵאַהֲבָתָם – וְאַתָּה נוֹתֵן אוֹתִי לִהְיוֹת חָפְשִׁי עַל־פִּי רוּחִי.
כִּי לֹא אֶשְׁכַּח אוֹתָם, לָכֵן לֹא יַעֲמֹד בָּם לִבָּם לִנְטֹשׁ אוֹתִי לְבַדִּי – וְאַתָּה הִנֵּה יוֹם עַל־יוֹם יַחֲלוֹף וּפָנֶיךָ לֹא יֵרָאוּ.
גַּם כִּי לֹא אֶקְרָא אוֹתְךָ בִּתְפִלּוֹתַי וְלֹא אָשִׂים מָקוֹם לְךָ בְּלִבִּי, אַהֲבָתְךָ אוֹתִי תֶאֱרֹב תָּמִיד אֶל־אַהֲבָתִי.
לג.
בִּהִיוֹת הַבֹּקֶר בָּאוּ אֶל־בֵּיתִי וַיֹּאמְרוּ: רַק אֶת־הַקָּטָן
מִן־הַחֲדָרִים נִבְחַר לָנוּ פֹּה".
וַיּוֹסִיפוּ וַיֹּאמְרוּ עוֹד: “נַעֲזָר־נָא עִמְּךָ לַעֲבֹד אֶת־אֱלֹהֶיךָ וְלָנוּ נִקַּח בַּעֲנָוָה רַק אֶת־הַחֵלֶק הַקָּטָן מֵחַסְדּוֹ”. וַיֵּלְכוּ וַיֵּשְׁבוּ לָהֶם בַּפִּנָּה וַיִּהְיוּ יוֹשְׁבִים בַּלָּאט וּבְשִׁפְלוּת־רוּחַ.
אַךְ בְּחֶשְׁכַת הַלַּיְלָה וְהֵם פָּרְצוּ בְחֹזֶק־יָד וּבְחֹזֶק־מֵצַח אֶל־אֲרוֹן הַקֹּדֶשׁ אֲשֶׁר לִי וַיִּגְזְלוּ בְתַאֲוָה טְמֵאָה מִן־הַקָּרְבָּן אֲשֶׁר עַל־מִזְבַּח אֲדֹנָי.
לד.
מִי־יִתֵּן וְנִשְׁאַר רַק הַמְּעַט מִמֶּנִּי, לְבַעֲבוּר אוּכַל לְהַגִּיד כִּי אַתָּה לִי כֹל.
מִי־יִתֵּן וְנִשְׁאַר רַק הַמְּעַט מֵרְצוֹנִי, לְבַעֲבוּר אוּכַל לָדַעַת בְּלִבִּי, כִּי אַתָּה תְסֻבֵּנִי נֶצַח. אָז אָבֹא בְּכָל־עִנְיָן רַק אֵלֶיךָ וְאַקְרִיב לְךָ אֶת־אַהֲבָתִי בְּכָל־רָגַע.
מִי־יִתֵּן וְנִשְׁאַר רַק הַמְּעַט מִמֶּנִּי, לְבַעֲבוּר יִבָּצֵר מִמֶּנִּי לָנֶצַח לְהִתְחַבֵּא מִפָּנֶיךָ.
מִי־יִתֵּן וְנִשְׁאַר רַק הַמְּעַט מִכְּבָלַי, לְבַעֲבוּר אוּכַל לִהְיוֹת אָסוּר רַק אֶל־רְצוֹנְךָ וּלְבַעֲבוּר תִּשְלַט מַחְשַׁבְתְּךָ בְּכָל־חַיַּי – וְהָיוּ לִי כְבָלִים רַק מִיַּד אַהֲבָתֶךָ.
לה.
בִּמְקוֹם אֲשֶׁר הָרוּחַ בְּלִי מָגוֹר וְהָראֹשׁ נִשָּׂא לְמָעְלָה;
בִּמְקוֹם אֲשֶׁר הַתְּבוּנָה חָפְשִׁית לְרוּחָה;
בִּמְקוֹם אֲשֶׁר לֹא הִתְפּוֹצְצָה הָאֲדָמָה לִרְסִיסִים וּגְבוּלִים צָרִים אֵין בֵּין־הַחוֹמוֹת;
בִּמְקוֹם אֲשֶׁר יוֹצְאִים הַדְּבָרִים מִמַּעֲמַקֵּי הָאֱמֶת;
בִּמְקוֹם אֲשֶׁר שׁוֹלַחַת מַשְׂאַת־הַנֶּפֶשׁ אֶת־זְרוֹעוֹתֶיהָ בְלִי־מַעְצוֹר אֶל־כָּל־שָׁלֵם;
בִּמְקוֹם אֲשֶׁר פַּלְגֵי הַשֵּׂכֶל הַזַכִּים לֹא יֹאבְדוּ בְתֹהוּ בְמִדְבַּר הַחוֹל הַשָׁמֵם אֲשֶׁר לְמִצְוַת אֲנָשִׁים מֵתָה וּמְלֻמָּדָה;
בִּמְקוֹם אֲשֶׁר אַתָּה הוּא הַמּוֹלִיךְ אֶת־הָרוּחַ לְמַחֲשָׁבוֹת וּלְמַעֲשִׂים אֲשֶׁר תָּמִיד נַעֲלִים –
שָׁם, אָבִי, בִּשְׁמֵי הַחֻפְשָׁה הָאֵלֶּה, תֵּן נָא וְקָמָה לִי אֶרֶץ חֲדָשָׁה.
לו.
הִנֵּה זֹאת תְּפִלָּתִי אֵלֶיךָ, אֲדֹנָי: נְתֹשׁ, נְתֹשׁ עִם הַשֹּׁרֶשׁ אֶת רֵישִׁי מִקֶּרֶב לִבִּי.
תֶּן־לִי כֹּחַ לָשֵׂאת עַל־נְקָלָה אֶת־חֶדְוָתִי וְאֶת־דַּאֲגָתִי.
תֶּן־לִי כֹּחַ לַהֲפֹךְ אֶת־אַהֲבָתִי לַעֲשׂוֹת פְּרִי בְּכָל־אֲשֶׁר
תִּפְנֶה.
תֶּן־לִי כֹּחַ לְבִלְתִּי הַזְנִיחַ לְעוֹלָם דַּל וּלְבִלְתִּי כְפֹף בִּרְכַּי לִפְנֵי עָרִיץ גְּבַהּ־רוּחַ.
תֶּן־לִי כֹּחַ לְנַשֵּׂא אֶת־רוּחִי מֵעַל תַּעְתֻּעֵי יוֹם וְיוֹם.
וְתֶּן־לִי כֹחַ לְהַסְגִּיר אֶל־חֶפְצְךָ אֶת־כָּל־כֹּחִי בְּאַהֲבָה.
לז.
דִּמִּיתִי כִּי עִם־הַגְּבוּל הָאַחֲרוֹן אֲשֶׁר לְכֹחִי תַּמּוּ גַם נְדוּדַי וְכָלָה נְתִיבִי אֲשֶׁר לְפָנַי וְשָׁלְמָה הַצֵּדָה אֲשֶׁר עִמִּי וּבָאָה הָעֵת לְבַקֵּשׁ לִי חָסוּת בְּדִמְמַת עֲרָפֶל –
אָכֵן רְאֵה הִנֵּה חֶפְצְךָ אֵינֶנּוּ יוֹדֵעַ קֵץ בִּי. כַּאֲשֶׁר תִּגְוַעְנָה הַמִּלִּים הַיְשָׁנוֹת בְּתוֹךְ־פִּי וְנָבְעוּ זְמִירוֹת חֲדָשׁוֹת מִקֶּרֶב לִבֶּךָ; וְכַאֲשֶׁר תֹּאבַדְנָה הַנְּתִיבוֹת הַיְשָׁנוֹת וְהִתְגַּלְּתָה פִּתְאֹם אֶרֶץ חֲדָשָׁה.
לח.
כִּי עָרַגְתִּי אֵלֶיךָ, רַק אֵלֶיךָ לְבַדֶּךָ – אֶת־זֶה יֹאמַר־נָא לִבִּי וְיָשׁוּב וְיֹאמַר עַד־בְּלִי־קֵץ. כָּל־מַחְשְׁבוֹתַי אֲשֶׁר יַבְהִילוּנִי יוֹם וְלַיְלָה כּוֹזְבוֹת וְרֵיקוֹת עַד־הַיְסוֹד.
כְּלַיְלָה הַמַּסְתִּיר בְּתוֹךְ חָשְׁכּוֹ אֶת־תַּאֲוָתוֹ אֶל־הָאוֹר, כֵּן בְּמַעֲמַקֵּי נַפְשִׁי בְּלִי־דַעַת רֹעֶדֶת קְרִיאָתיִ: עָרַגְתִּי אֵלֶיךָ, רַק אֵלֶיךָ לְבַדֶּךָ.
כְּסַעַר שֹׁאֵף אֶל־קִצּוֹ בְתוֹךְ הַדְּמָמָה וְהוּא עִם־הַדְּמָמָה נִלְחָם, כֵּן רוּחַ הַפְּרָצִים אֲשֶׁר־בִּי מִתְפָּרֵץ מִפְּנֵי אַהֲבָתְךָ וְאֶל־אַהֲבָתְךָ הוּא שֹאֵף וְהוּא קֹרֵא: עָרַגְתִּי אֵלֶיךָ, רַק אֵלֶיךָ לְבַדֶךָ.
לט.
בְּעֵת יִקְשֶׁה לִּבִּי וְיֵחַר, אָז בֹּא עָלַי בִּמְטַר חֶמְלָתֶךָ.
בְּעֵת יֹאבַד חֶסֶד מֵעִם הַחַיִּים, אָז בֹּא עָלַי בְּפֶרֶץ זִמְרַתֶךָ.
בְּעֵת יִשְׂאוּ אֶת־שְׁאוֹנָם פָּעֳלֵי הַיּוֹם הַסּוֹעֲרִים לְהַרְגִּיז אוֹתִי מִמִּסְגְרוֹתַי, אָז בֹּא עָלַי, אֲדוֹן הַמְּנוּחָה, עִם־שְׁלוֹמֶךָ וְעִם־מְנוּחָתֶךָ.
בְּעֵת יִשְׁתּוֹחַח בַּסֵּתֶר לִבִּי הַדַּל, אָז פְּתַח דְּלָתָיו בְּחָזְקָה, מַלְכִּי, וְהִגָּלֶה אֵלָיו בַּהֲדַר מַלְכוּתֶךָ.
בְּעֵת תַּכֶּינָה תַּאֲוֹתַי אֶת־רוּחִי בְסַנְוֵרִים וּבְתַרְמִית עֵינַיִם, אָז אַתָּה, קְדוֹשִׁי הָאֶחָד, אַתָּה הָעֵר, בֹּא אֵלַי אַתָּה עִם־אוֹרְךָ וְעִם־רַעֲמֶךָ.
מ.
נֶעְצָר הַגֶּשֶׁם בְּקֶרֶב לִבִּי הַיָּבֵשׁ יָמִים עַל־יָמִים, אֱלֹהָי. רְקִיעַ הַשָּׁמַיִם עָרֹם עַד לַחֲרָדָה. אַף עָב אֶחָד דַּק לֹא יִהְיֶה לוֹ לְמִכְסֶה מְעַט, אַף אוֹת קַל אַיִן לְמָטָר קַר לְמֵרָחוֹק.
מִי־יִתֵּן וְשָׁלַחְתָּ אֶת־סַעַרְךָ הַזּוֹעֵם הַקֹּדֵר מִנִּי־מָוֶת וְהִכִּיתָ בְּשִׁבְטֵי בְרָקִים אֶת־הַשָּׁמַיִם מִן־הַקָּצֶה אֶל־הַקָּצֶה.
רַק הַשְׁמֵד, אֲדֹנָי, הַשְׁמֵד אֶת־הַשָּׁרָב הָאִלֵּם הַלָּז, הָעַז וְהָאַכְזָרִי, הַלּוֹהֵט בְּנוֹרְאוֹתָיו כָּל־לֵב עַד לְאֶפֶס תִּקְוָה.
תֵּן לַעֲנַן חַסְדְּךָ וְיֵרָאֶה כְּמַבַּט אֵם טוֹבֵל בְּדִמְעָה בְּיוֹם חֲרוֹן אַף הָאָב.
מא.
לָמָּה תַּעֲמֹד, מַחְמַד עֵינִי, מֵאַחֲרֵי כָּל־הֶהָמוֹן, מִסְתַּתֵּר בְּקֶרֶב צִלֶךָ? הִנֵה הֵם הוֹדְפִים אוֹתְךָ וְעוֹבְרִים עַל־פָּנֶיךָ בַּעֲפַר הָרְחוֹב וְלֵב לֹא יָשִׂימוּ אֵלֶיךָ. וַאֲנִי פֹה מְחַכָּה לְךָ מוֹעֵד וּמוֹעֲדִים וַהֲכִינוֹתִי לְךָ אֶת־קָרְבָּנִי, וּבָאוּ הָעוֹבְרִים וְהַהוֹלְכִים וְלָקְּחוּ אֶת־פְּרָחַי אֶחָד אַחַר הָאֶחָד וְטַנְאִי כִמְעַט רֵיק.
מוֹעֵד הַבֹּקֶר חָלַף וְגַם מוֹעֵד הַצָּהֳרַיִם. בְּתוֹךְ צִלְלֵי הָעֶרֶב תִּכְבַּדְנָה עֵינַי מִשֵּׁנָה. הָאֲנָשִׁים הַשָּׁבִים הַבַּיְתָה מַבִּיטִים בִּי וּמְשַׂחֲקִים – וַאֲנִי מָלֵאתִי כְלִמָּה. אֵשֵב כִּבְתוּלָה עֲנִיָּה וְאָלִיט פָּנַי בְּחֵיקִי, וְהָיָה כִי יִשְׁאָלוּנִי לְחֶפְצִי וְאוֹרִיד לָאָרֶץ עֵינַי וְלֹא אֶעֱנֶה דָבָר.
אוֹי לִי, אֵיךְ אוּכַל וְאַגִּיד לָהֶם כִּי לְךָ אֲנִי מְחַכָּה וְכִי אָמֹר אָמַרְתָּ לִי כִּי תָבוֹא? אֵיךְ אוּכַל וְאוֹדֶה עַל־כְּלִמָּתִי כִּי אֶת־רִישִׁי זֶה הֵבֵאתִי לְךָ לְמֹהַר? רְאֵה הִנֵּה הִסְתַּרְתִּי אֶת־סוֹדִי זֶה בְּגַאֲוָה בְסֵתֶר לִבִּי.
יוֹשֶׁבֶת אָנֹכִי עַל־פְּנֵי הַדֶּשֶׁא וְעֵינַי חוֹדְרוֹת הַשָּמַיְמָה וַאֲנִי חוֹלֶמֶת אֶת־תִּפְאֶרֶת בֹּאֲךָ לְפֶתַע פִּתְאֹם. הִנֵּה הַמְּאוֹרוֹת יָאִירוּ מִסָּבִיב כֻּלָּם, נִסֵּי הַזָּהָב יִתְעוֹפְפוּ עַל־פְּנֵי מֶרְכַּבְתְּךָ, וְעָמַד עַם רַב בְּפַאֲתֵי הַדֶּרֶךְ וְהִבִּיט וְהִשְׁתָּאָה וְרָאָה בְּרִדְתְּךָ מִן הַמֶרְכָּבָה וּבְהֲרִימְךָ אוֹתִי מֵעַל הֶעָפָר לְהוֹשִׁיב לִימִינְךָ אֶת־הַנַּעֲרָה הָעֲנִיָּה הַזֹּאת הָרוֹעֶדֶת מִכְּלִמָּה וּמִגַּאֲוָה כִּסְבַךְ־צֶמַח בִּנְשֹׁב בּוֹ רוּחַ קָיִץ.
מב.
בַּבֹּקֶר הַשְׁכֵּם הִתְלַחַשְׁנוּ אִישׁ בְּאָזְנֵי רֵעֵהוּ לֵאמֹר: נֵרֵד בְּסִירַת דּוּגָה רַק אֲנִי וְאַתָּה וְנַחְתּוֹר מִזֶּה, וְלֹא יֵדַע אִישׁ עַל־פְּנֵי כָל־הָאֲדָמָה אֶת־דְּבַר מַסַּעֵנוּ בְאֵין מָחוֹז לְחֶפְצֵנוּ וּבְאֵין תַּכְלִית.
עַל־פְּנֵי יָם זֶה בְּאֵין חוֹף, בִּהְיוֹת אָזְנְךָ קַשֶּׁבֶת וּפִיךָ מְשַׂחֵק, שָׁם יִשְׁתַּפְּכוּ שִׁירַי וְהָיוּ לִרְנָנוֹת, חָפְשִׁים כְּמוֹ גַלִּים וְחָפְשִׁים מִכַּבְלֵי מִלִּים.
הַעוֹד לֹא בָאָה הָעֵת? אִם הַמְּלָאכָה לֹא שָׁלְמָה עוֹד? רְאֵה הִנֵּה יָרַד הַלַּיְלָה עַל־הַיָּם וּבְתוֹךְ הָאוֹר הַגֹּוֵעַ בָּאוֹת צִפֳּרֵי הַמַּיִם בִּיעָף אֶל־קִנֵּיהֶן.
מִי יֵדַע מָתַי תִּפֹּלְנָה טַבְּעוֹת הַזִּקִּים וּמָתַי תֵּעָלֵם סִירַת הַדּוּגָה בְּקֶרֶב הַלַּיְלָה כַּזִּיק הָאַחֲרוֹן אֲשֶׁר לִמְבוֹא הַשֶּמֶשׁ?
מג.
הִנֵּה יוֹם הָיָה אֲשֶׁר לֹא הֲכִינוֹתִי נַפְשִׁי אֵלֶיךָ; וְאַתָּה, מַלְכִּי, בָּאתָ אֶל־תּוֹךְ לִבִּי לֹא־קָרוּא וְהָיִיתָ כְּאַחַד הָעָם הָעוֹמֵד בַחוּץ אֲשֶׁר לֹא אֵדָעֶנּוּ וְחָתַמְתָּ בְּטַבַּעְתְּךָ חוֹתַם נֶצַח עַל־רְגָעִים רַבִּים בְּחַיַּי הַמִּתְעוֹפְפִים וְחוֹלְפִים.
וְכַיּוֹם הַזֶּה כִּי יִּקָּר מִקְרֶה וְאַבִּיט אֶל־כָּל־זֹאת, אָז אֶרְאֶה כִּי מִתְגּוֹלְלִים זִכְרוֹנוֹת הַיָּמִים הָאֵלֶּה אָרְצָה מִתְבּוֹסְסִים בְּאָבָק יַחְדָו עִם־זִכְרוֹן תַּעֲנוּגַי וּמַכְאוֹבַי אֲשֶׁר לְחַיַּי הַדַּלִּים וְהַנִּשְׁכָּחִים.
לֹא פָנִיתָ בְּבוּז מֵעַל שַׁעֲשֻׁעֵי יַלְדוּתִי אֲשֶׁר בָּאָבָק וְקוֹל הַצְּעָדִים אֲשֶׁר שָׁמַעְתִּי בְיַלְדוּתִי בַחֲדַר שַׁעֲשֻׁעַי הֲלֹא אֵלֶה הֵם אֲשֶׁר הֵד קוֹלָם הוֹלֵךְ מִכּוֹכָב אֶל־כּוֹכָב.
מד.
הִנֵּה זֶה אֲשֶׁר יְשַׂמַּח לִבִּי: כִּי אֵשֵׁב וְאֶאֱרֹב אֶל־פַּאֲתֵי הַדְּרָכִים בְּעֵת יָנִיסוּ הַצְּלָלִים אֶת־הָאוֹר וְהַגֶּשֶׁם יָבֹא לְמוֹעֵד תְּקוּפַת הַקַּיִץ.
מַלְאֲכֵי בְשׂוֹרָה הֵמָּה לִי הַבָּאִים מִכְּנַף־שָׁמַיִם אֲשֶׁר לֹא־יָדַעְתִּי וְדֹבְרִים שָׁלוֹם לִי וּמְמַהֲרִים לָרוּץ לְדַרְכָּם מִן־הָרְחוֹב וָהָלְאָה. לִבִּי יַעֲלֹץ בָּם וְנִשְׁמַת הָרוּחַ הָעוֹבֶרֶת מְתוּקָה לִי.
מֵעֲלוֹת הַשַּׁחַר וְעַד־אֲפֵלַת הָעֶרֶב פֹּה אֵשֵׁב עַל־יַד שַׁעֲרִי וַאֲנִי יָדַעְתִּי כִּי הָרֶגַע אֲשֶׁר לוֹ קִוִּיתִי בֹּא יָבֹא בְּפֶתַע פִּתְאֹם. אָז אֶרְאֶה אֶת־פָּנֶיךָ.
וְעַד־בֹּא הָעֵת הַהִיא אֵשֵׁב־לִי וַאֲשַׂחֵק וַאֲזַמֵּר לְבָדָד. וְעַד־בֹּא הָעֵת הַהִיא מָלֵא הָרוּחַ אֲשֶׁר מִסָּבִיב אֶת־הָרֵיחַ הַטּוֹב אֲשֶׁר לַתִּקְוֹת.
מה.
הַאִם לֹא שְׁמַעְתֶּם אֶת־קוֹל מִצְעֲדָיו בַּלָּאט?
הִנֵּה הוּא הוֹלֵךְ, הוֹלֵךְ, תָּמִיד הוּא הוֹלֵךְ.
בְּכָל־רֶגַע וּבְכָל־עֵת, בְּכָל־יוֹם וּבְכָל־לַיְלָה הוּא הוֹלֵךְ, הוֹלֵךְ, תָּמִיד הוּא הוֹלֵךְ.
זְמִרוֹת רַבּוֹת זִמַּרְתִּי כְּנוֹחַ עָלַי הָרוּחַ אִם טוֹבָה וְאִם רָעָה, אַךְ קוֹלוֹתֵיהֶן קָרְאוּ תָּמִיד כֻּלָּם: “הוּא הוֹלֵךְ, הוֹלֵךְ, תָּמִיד הוּא הוֹלֵךְ”.
בִּימֵי הַשֶּׁמֶשׁ עִם־רֵיחַ בְּׂשֵמי הַנִּיסָן בֵּינוֹת לִנְתִיבוֹת הַיַּעַר הוּא הוֹלֵךְ, הוֹלֵךְ, תָּמִיד הוּא הוֹלֵךְ.
בְּלֵילוֹת הַגֶּשֶׁם עִם־אֲפֵלַת הַתַּמּוּז הַנִּדַּחַת בְּמִרְכֶּבֶת עָבִים רֹבֵי חֲזִיזֵי רַעַם הוּא הוֹלֵךְ, הוֹלֵךְ, תָּמִיד הוּא הוֹלֵךְ.
בְּיָגוֹן עַל־יָגוֹן לוֹחֵץ רַק קוֹל מִצְעָדָיו אֶת־לִבִּי – וְרַק מַגַּע הַזָּהָב אֲשֶׁר לְכַף רַגְלוֹ הוּא הַנּוֹתֵן זֹהַר לְשִׂמְחָתִי.
מו.
לֹא אֵדַע מִסְפָּר לָעִתִּים הָרְחוֹקוֹת אֲשֶׁר אַתָּה הוֹלֵךְ לִקְרָאתִי הָלֹךְ וְקָרֹב. שִׁמְשְׁךָ וְכוֹכָבֶיךָ לֹא יוּכְלוּ לְהַסְתִּיר אוֹתְךָ מִמֶּנִּי לָנֶצַח.
בְּקָרִים וַעֲרָבִים רַבִּים נִשְׁמַע קוֹל צְעָדֶיךָ וּמַלְאַךְ הַבְּשׂוֹרָה אֲשֶׁר לְךָ בָּא אֶל־תּוֹךְ לִבִּי וַיִּקְרָא לִי בַסָּתֶר.
לֹא אֵדַע מַדּוּעַ כָּכָה נִבְהֲלוּ הַיּוֹם כָּל־חַיַּי וְלָמָּה־זֶה רִגְשַׁת חֶרְדַּת־גִּיל עָבְרָה אֶת־לִבִּי.
הָיִיתִי כְּמוֹ בָא לִי הַמּוֹעֵד לְכַלּוֹת אֶת־מִפְעָלִי וַאֲנִי בְתוֹךְ הָרוּחַ־אֲשֶׁר מִסָּבִיב אָרִיחַ אֶת־הָרֵיחַ הַדַּק אֲשֶׁר לְקִרְבָתְךָ הַמְּתוּקָה.
מז.
הַלַּיְלָה כִּמְעַט נָמַס וַאֲנִי מְחַכָּה לוֹ לַשָּׁוְא. יָרֵאתִי פֶּן יָבֹא פִּתְאֹם אֶל־דַּלְתִּי בַבֹּקֶר אַחֲרֵי־נִפְלִי מֵרֹב יְגִיעָה וַאֲנִי שׁוֹכֶבֶת וִישֵׁנָה. הוֹי רֵעַי, פִּתְחוּ־נָא לוֹ אֶת־הַדֶּלֶת וְאַל תַּעְצְרוּ אוֹתוֹ מִבֹּא.
אִם־לֹא יְעִירֵנִי קוֹל מִצְעָדָיו, אֶמְצַא־נָא חֵן בְּעֵינֵיכֶם וְאַל־תְּנַסּוּ לְעוֹרְרֵנִי גַם אַתֶּם. לֹא־חָפַצְתִּי כִּי יְעוֹרְרֵנִי קוֹל־מַקְהֲלוֹת הַצִּפֳּרִים הַמְצַפְצְפוֹת אוֹ קוֹל הָרוּחַ הַסּוֹעֵר לִקְרַאת חַג אוֹר הַבֹּקֶר. תְּנוּנִי וְאִישַׁן בְּלִי־מַעְצוֹר בָּרֶגַע אֲשֶׁר יִגַּשׁ אֶל־דַּלְתִּי פִּתְאֹם אֲדוֹנִי וּמוֹשְׁלִי.
הוֹי שְׁנָתִי, שְׁנָתִי הָעֲרֵבָה, הַמְּחַכָּה רַק לָרֶגַע אֲשֶׁר יִגַּע בִּי אֲדוֹנִי וּמוֹשְׁלִי לְמַעַן תַּחֲלֹף. הוֹי עֵינַי הַסְּגוּרוֹת, אֲשֶׁר תִּפְתַּחְנָה אֶת־עַפְעַפֵּיהֶן רַק לְאוֹר קוֹלוֹ בְּשַׂחֲקוֹ, כַּאֲשֶׁר יַעֲמֹד לְפָנַי כְּמוֹ חֲלוֹם הָעוֹלֶה פִּתְאֹם מִתְּהוֹם חֶשְכַת הַשֵּׁנָה.
תְּנוּ־נָא וְיִגָּלֶה אֲדוֹנִי וּמוֹשְׁלִי לְנֹכַח פָּנַי לִהְיוֹת לִי רִאשׁוֹן מִכָּל־אוֹר וּמִכָּל־דְּמוּת. תְּנוּ־נָא וִיהִי קוֹל תְּרוּעַת הַגִּיל הָרִאשׁוֹן הַנֵּעוֹר בְּנִשְמָתִי יְלִיד מַבַּט־עֵינוֹ. תְּנוּ־נָא וְשָׁבָה אֵלַי נַפְשִי רַק עִם־שׁוּבִי אֵלָיו!
מח.
בָּקְעוּ גַלֵּי זִמְרַת הַצִּפֳרִים אֶת־יַם דִּמְמַת הַבֹּקֶר, הַפְּרָחִים אֲשֶׁר בְּפַאֲתֵי הַדְּרָכִים עָלְזוּ וַעֲתַר הַזָּהָב פָּרַץ מִבֵּין בְּקִיעֵי הֶעָבִים – וַאֲנַחְנוּ הָלַכְנוּ כֻּלָּנוּ וְעֵינֵינוּ לֹא נָתְנוּ מַס לְכָל־מַרְאֶה בַדָּרֶךְ.
לֹא שַׁרְנוּ בְשִׁירִים עֲלִיזִים וֹלא הִשְׁתַּעֲשָׁעְנוּ, לֹא יָרַדְנוּ אֶל־הַכְּפָרִים לַעֲשׂוֹת קִנְיָן וּתְמוּרָה, לֹא דִּבַּרְנוּ דָבָר וְלֹא שִׂחַקְנוּ וְלֹא פִגַּרְנוּ בְּלֶכְתֵּנוּ. הָלַכְנוּ הָלֹךְ וְהָחֵשׁ אֶת־צְעָדֵינוּ וְהָעֵת עָבָרָה.
הַשֶּׁמֶשׁ עָלְתָה עַד־חֲצִי הָרָקִיעַ וְהַיּוֹנִים הָגוּ בְּתוֹךְ הַצֵּל. עָלִים יְבֵשִׁים רָקְדוּ וַיָּחוּלוּ לְחֹם הַצָּהֳרַיִם. הַנַּעַר הָרֹעֶה נָם וַיִּישַׁן בַּצֵּל תַּחַת הַתְּאֵנָה, וְגַם אֲנִי כָרַעְתִּי אַרְצָה עַל־שְׂפַת הַמַּיִם וָאַרְבִּיץ אֶת־יְצֻרַי הָעֲיֵפִים עַל־פְּנֵי יֶרֶק הַשָּׂדֶה.
וְאֵלֶּה אֲשֶׁר אָרְחוּ לִי בַדֶּרֶךְ שַׂחֲקוּ וַיִּלְעֲגוּ לִי. אֶת־רֹאשָׁם נָשְׂאוּ לְמַעְלָה וְהֵם אָצִים לְדַרְכָּם. לֹא הִבִּיטוּ עַל־סְבִיבֵיהֶם רֶגַע וְלֹא יָשְׁבוּ לָנוּחַ, וַיֵּעָלְמוּ בִתְכֵלֶת הָעֲרָפֶל לְמֵרָחוֹק וַיָּשׁוּטוּ עַל־פְּנֵי כָרִים וּגְבָעוֹת וַיַּעֲבְרוּ מְחוֹזוֹת רְחוֹקִים וְנִדָּחִים. יְהִי אֱלֹהִים עִמָּךְ, אֹרְחַת גִּבּוֹרִים, עַל־דַּרְכֵּךְ אֲשֶׁר קֵץ אֵין לָהּ! בְּלַעַג וּבְתוֹכָחָה הֵאִיצוּ בִי לָקוּם, וְלִבִּי לֹא הָיָה עִמִּי. אֹבֶדֶת הָיְתָה נַפְשִׁי בִּתְהוֹם מִשְׁמַעַת עֲלִיזָה – בְּתוֹךְ הַצֵל אֲשֶׁר לְחֶדְוָה קֹדָרֶת.
וְהַמְּנוּחָה הָעֲמֻקָּה אֲשֶׁר עַל־פְּנֵי יֶרֶק הַשָׂדֶה מַעֲשֵׂה יְדֵי רִקְמַת הַשֶּׁמֶשׁ רָחֲבָה וְנָסְבָה בַעֲצַלְתַּיִם עַל־לִבִּי. שָׁכַחְתִּי אֶת הַדָּבָר אֲשֶׁר עַל־אֹדוֹתָיו אֲנִי הוֹלֶכֶת וְהִסְגַּרְתִּי נַפִׁשי בְּלִי דַעַת אֶל־נְתִיבוֹת תַּעְתֻּעֵי הַצְּלָלִים וְהַזְּמִירוֹת.
וְאַחַר־כֵּן בַּהֲקִיצִי מִתְּנוּמָתִי וּבְפָתְחִי אֶת־עֵינַי וָאֵרֶא וְהִנֵּה אַתָּה עוֹמֵד עָלַי וְאֶת־שְׁנָתִי תִּשְׁטֹף מֵעָלַי בְּשַׂחֲקֶךָ. מַה־יָּרֵאתִי כִּי אֲרֻכָּה תִּהְיֶה דַרְכִּי וְכִי יִרְבֶּה כָּכָה הֶעָמָל לָבֹא אֵלֶיךָ!
מט.
יָרַדְתָּ מֵעַל כִּסֵּא מַלְכוּתְךָ וְעָמַדְתָּ בְּפֶתַח סֻכָּתִי.
לְבַדִּי זִמַּרְתִּי בְּסֵתֶר פִּנָּה וּנְגִינָתִי בָאָה עַד אָזְנֶיךָ. יָרַדְתָּ וְעָמַדְתָּ בְּפֶתַח סֻכָּתִי.
חָרָשֵׁי זִמְרָה רַבִּים לְךָ בְּהֵיכָלְךָ וּזְמִירוֹת יְזַמְּרוּ לְךָ בְּכָל־עֵת. אַךְ זִמְרַת הַתּוֹדָה הַדַּלָּה אֲשֶׁר לִצְעִירַת הַנְּעָרוֹת הַזֹּאת עוֹרְרָה אֶת־אַהֲבָתֶךָ. בְּרָב־עָנְיָהּ עָרַב לִבָּהּ לְהִתְעָרֵב בַּזִּמְרָה הַגְּדוֹלָה אֲשֶׁר עַל־פְּנֵי הָאָרֶץ, וְאַתָּה בָאתָ וּפֶרַח הֵבֵאתָ לִי לַשָּׂכָר וְהִתְיַצַּבְתָּ בְּפֶתַח סֻכָּתִי.
נ.
הָלַכְתִּי מִבַּיִת אֶל־בַּיִת בַּדֶּרֶךְ הָעוֹלֶה הַכְּפָרָה לִקְבֹּץ עַל־יָד – וּמֶרְכֶּבֶת הַזָּהָב אֲשֶׁר לְךָ נִרְאֲתָה פִתְאֹם מֵרָחוֹק וְהִיא דוֹמָה לַחֲלוֹם חֶזְיוֹן נֹגַהּ. אָז נִפְלֵאתִי מְאֹד לְמַרְאֵה מֶלֶךְ הַמְּלָכִים!
תִּקְוֹתַי נָשְׂאוּ רֹאשׁ וַאֲנִי דִמִּיתִי כִּי יָמַי הָרָעִים תָמּוּ. אָז עָמַדְתִּי וְחִכִּיתִי לִנְדָבוֹת אֲשֶׁר לֹא שָׁאַלְתִּי וּלְמַטְמוֹנִים אֲשֶׁר יִזָּרוּ לֶעָפָר מִסָּבִיב.
בִּמְקוֹם אֲשֶׁר עָמַדְתִּי, שָׁם הִתְיַצְּבָה הַמֶּרְכָּבָה. מַבַּט עֵינְךָ דָּבַק אֵלַי וְאַתָּה יָרַדְתָּ אֵלַי וּשְׂחוֹק עַל־פִּיךָ: אָז יָדַעְתִּי כִּי גְאֻלַּת חַיַּי בָּאָה לִי הַפָעַם. אַךְ פִּתְאֹם שָׁלַחְתָּ אֵלַי אֶת־יְמִינְךָ וְאָמַרְתָּ: “מַה־לָּךְ אַתְּ לָתֵת לִי?”
מֶה־עָצוּם הוֹד הַמַּלְכוּת אֲשֶׁר הֶרְאֵיתָ בְּנִיד יָדְךָ זֶה בְּשַׁלְּחֲךָ אֶת־כַּפְּךָ לִשְׁאֹל נְדָבָה מֵאֵת שׁוֹאֶלֶת נְדָבוֹת! נִבְהָלָה הָיִיתִי וְעָמַדְתִּי וְלֹא יָדַעְתִּי מַה־לַּעֲשׂוֹת, וְאַחַר־כֵּן הוֹצֵאתִי מִתּוֹךְ יַלְקוּטִי בַלָאט גַּרְגֵּר דָּגָן מְעַט וְדַל וּנְתַתִּיו לָךְ.
אַךְ מַה־נִּפְלֵאתִי בָעֶרֶב בַּהֲרִיקִי אֶת־שַׂקִּי אַרְצָה וְהִנִּה גַּרְגַּר זָהָב מְעַט וְדַל בֵּין צְרוֹרוֹת עָנְיִי. אָז בָכִיתִי מָרָה וָאֶשְׁאַל בְּלִבִּי לֵאמֹר: מִי־יִתֵּן וְהָיָה עִם־נַפְשִׁי לָתֵת לְךָ אֶת־כָּל אֲשֶׁר לִי בְּאֵין מַעְצוֹר!
נא.
הַלַּיְלָה קָדַר וּפֹעַל יוֹמֵנוּ שָׁלֵם. חָשַׁבְנוּ כִּי הָאֹרֵחַ הָאַחֲרוֹן הִנֵּה זֶה בָא בְּטֶרֶם יָבֹא הַלַּיְלָה וְדַלְתוֹת כָּל־הַבָּתִים אֲשֶׁר בַּכְּפָר נִסְגְּרוּ כֻלָּן. אָז יֹאמַר הָאֶחָד: “עוֹד הַמֶּלֶךְ יָבֹא”. וַאֲנַחְנוּ שִׂחַקְנוּ וְאָמַרְנוּ: “הָיֹה לֹא יִהְיֶה!”
חָשַׁבְנוּ כִּי אִישׁ דָּפַק עַל־הַדֶּלֶת וְאָמַרְנוּ: אֵין־זֶה כִּי־אִם הָרוּחַ. כִּבִּינוּ אֶת־הַמְּנוֹרוֹת וְשָׁכַבְנוּ לִישׁוֹן. אָז יֹאמַר הָאֶחָד: “הִנֵה הַמְּבַשֵּׂר!” וַאֲנַחְנוּ שִׂחַקְנוּ וְאָמַרְנוּ: “אֵין־זֶה כִּי־אִם הָרוּחַ!”
וּבְדִמְמַת הַלַּיְלָה נִשְׁמַע קוֹל רַעַשׁ. חָשַׁבְנוּ בִּשְנָתֵנוּ כִּי הוּא הָרַעַם מֵרָחוֹק. הִתְרוֹעֲעָה הָאָרֶץ, הִתְמוֹטְטוּ הַחוֹמוֹת וַיַּבְהִילוּנוּ מִשְּׁנָתֵנוּ. אָז יֹאמַר הָאֶחָד: הִנֵּה זֶה קוֹל רַעַשׁ אוֹפָן!" וַאֲנַחְנוּ אֲחוּזֵי שֵׁנָה וְדִבַּרְנוּ וְלֹא יָדַעְנוּ: “רַק אֵין־זֶה כִּי־אִם שְׁאוֹן הֶעָבִים בַּגַּלְגָּל!”
עוֹד חֶשְׁכַת הַלַּיְלָה רָבְצָה עַל־הָאָרֶץ בְּהִשָּׁמַע קוֹל הַתֹּף. וַיְהִי קוֹל קֹרֵא: “הִתְעוֹרְרוּ, אַל תִתְמַהְמָהוּ!” אָז לָחַצְנוּ אֶת־כַּפֵּינוּ אֶל־לִבְבוֹתֵינוּ וְחָרַדְנוּ מִיִּרְאָה. וְהָאֶחָד אָמַר: “רְאוּ הִנֵּה דֶּגֶל הַמֶּלֶךְ!” וַאֲנַחְנוּ עָמַדְנוּ עַל־רַגְלֵינוּ וְקָרָאנוּ: “אֵין לָנוּ מוֹעֵד לְהִתְמַהְמֵהַּ עוֹד!”
הַמֶּלֶךְ בָּא – אַךְ אֵי נֵרוֹת, אֵי עַטְרוֹת פְּרָחִים? אֵי הַכִּסֵּא לְהוֹשִׁיבוֹ עָלָיו? הוֹי כְּלִמָּה, הוֹי כְּלִמַּת עוֹלָם! אַיֵּה הַהֵיכָל וְאַיֵה מִכְלוֹלֵי הַפְּאֵר? – אַךְ הָאֶחָד אָמַר: “מַה־לָּכֶם תִּצְעֲקוּ וְהִיא לֹא תוֹעִיל? בַּרְכוּהוּ לְשָׁלוֹם בְּיָדַיִם רֵיקוֹת, הֲבִיאוּהוּ אֶל הַחֲדָרִים הַצָּרִים!”
פִּתְחוּ אֶת הַדְּלָתוֹת, הָרִיעוּ בְצִלְצְלֵי קוֹנְכוֹת! בְּחֶשְכַת הַלַּיְלָה בָּא הַמֶּלֶךְ אֶל־בֵּיתֵנוּ הַקֹּדֵר וְהַדָּל. הָרַעַם שֹׁאֵג בַּשָׁמַיִם. מִפְּנֵי הַבָּרָק יִסּוֹב הַחֹשֶׁךְ לְאָחוֹר. הוֹצֵא אֶת־בְּלוֹיֵי הַסְּחָבוֹת אֲשֶׁר לְמַחְצַלְתְּךָ הַקְּרוּעָה וְהַצַּע אוֹתָם בֶּחָצֵר. עִם־הַסְּעָרָה בָּא פִּתְאֹם מַלְכֵּנוּ מֶלֶךְ הַלַּיְלָה הַנּוֹרָא.
נב
חֲשַׁבְתִּי וְלֹא עָרַבְתִּי לִבִּי לִשְׁאֹל מֵעִמְּךָ אֶת-מִקְלַעַת הַשּׁוֹשַׁנִּים אֲשֶׁר עַל-גַּרְגְּרוֹתֶיךָ. אָז חִכִּיתִי עַד-הַבֹּקֶר עַד-צֵאתְךָ לַדֶּרֶךְ, לְמַעַן אֶמְצָא שְׁאֵרִית מְעַט מִמֶּנָּה עַל-הַמִּטָּה. כְּמוֹ עָנִי הַקֹּבֵץ עַל-יָד בִּקַּשְתִּי לִפְנוֹת-שַׁחַר מַפַּל עָלֶה אֶחָד אוֹ שְׁנָיִם.
רָזִי לִי! מַה-מָּצָאתִי וּמַה-נִּשְׁאַר לִי מֵאַהֲבָתֶךָ? לֹא פֶרַח וְלא רֵיח נִיחוֹחַ וְלֹא כְלִי עִם-מֵי בֹשֶׂם, כִּי-אִם חַרְבְּךָ הָעֲצוּמָה הַנּוֹצֶצֶת כְּלַבַּת אֵשׁ וּכְבֵדָה כִּמְטִיל רָעַם. אוֹר הַבֹּקֶר הָרַךְ בָּא בְּעַד הָאֶשְׁנָב וַיִּתְמוֹדֵד עַל-מִטָּתֶךָ. צִפּוֹר הַבֹּקֶר צִפְצְפָה וַתִּשְׁאַל: “הוֹי אִשָּׁה, מַה-זֶּה נִתַּן לָךְ?” – לֹא פֶרַח וְלא רֵיח נִיחוֹחַ וְלֹא כְלִי עִם-מֵי בֹשֶׂם, כִּי-אִם חַרְבְּךָ הַנּוֹרָאָה.
יוֹשֶׁבֶת אֲנִי וְחוֹשֶׁבֶת לָדַעַת מַה-זֹּאת לִי מַתְּנָתֶךָ. אֵין לִי מָקוֹם לְהַצְפִּינָהּ. בֹּשְתִּי לַחֲגוֹר אוֹתָהּ וַאֲנִי אִשָּׁה חַלָּשָׁה, וְאִם אֶלְחָצֶנָּה אֶל-שָׁדַי וְהִכְאִיבָה לִי. וּבְכָל-זֹאת אֶשָּׂא בְלִבִּי אֶת-כְּבוֹד נֵטֶל יְגִיעִי: אֶת-הַמַּתָּנָה אֲשֶׁר נָתַתָּ לִי.
מִן-הַיּוֹם הַזֶּה וָמַעְלָה לֹא יִהְיֶה עוֹד פַּחַד לְנֶגֶד עֵינַי עַל-פְּנֵי הָאֲדָמָה, כִּי יָדְךָ תָּעֹז לִי בְּכָל-מִלְחֲמוֹתָי. אַתָּה נָתַתָּ אֶת-הַמָּוֶת לְחָבֵר לִי וַאֲנִי אֶעְטְרֶנּוּ חַיָּי. חַרְבְּךָ עִמִּי לְמַעַן אֲגַדַּע אֶת-כְּבָלַי וְלֹא יִהְיֶה עוֹד פַּחַד לְנֶגֶד עֵינַי עַל-פְּנֵי הָאֲדָמָה.
מִן-הַיּוֹם הַזֶּה וָמַעְלָה אַשְׁלִיךְ מֵעָלַי אֶת-כָּל-צַעֲצֻעֵי תִפְאַרְתִּי הָרֵיקִים. וְעַתָּה, אֲדוֹנִי, אֲדוֹן לִבִּי! לֹא אוֹסִיף עוֹד לְחַכּוֹת וּלְבַכּוֹת בְּסֵתֶר פִּנָּה וְלֹא אוֹסִיף עוֹד לְהִתְהַלֵּךְ בַּעֲנָוָה וּבִנְעִימוֹת. אֶת-חַרְבְּךָ נָתַתָּ לִי לִהְיוֹת לִי לִפְאֵר וְלֹא יִהְיוּ לִי צַעֲצֻעֵי-תִּפְאֶרֶת אֲחֵרִים.
נג
יָפֶה הַצָּמִיד עַל-יָדְךָ הַמְּשֻׁבָּץ כּוֹכָבִים וּמְמֻלָּא אַבְנֵי חֵפֶץ מַעֲשֵׂה חשֵׁב עִם-רִבֹּא רִבֲבוֹת הַצְּבָעִים. אַךְ יָפָה מִמֶּנּוּ שִׁבְעָתַיִם חַרְבְּךָ הָעֲקֻבָּה עִם-לַהַט בְּרָקָהּ, אֲשֶׁר דִּמְיוֹנָהּ כִּכְנַף אֱלֹהֵי וִישְׁנוּ הַפְּרוּשָׂה בְּעֵת תִּקֹּב אֶת-הָאַרְגָּמָן הַבֹּעֵר לְמוֹעֵד מְבוֹא הַשֶּׁמֶשׁ.
רֹעֶדֶת הִיא כִּצְלִיל קוֹל הַחַיִּים הָאַחֲרוֹן תַּחַת עָצְמַת הַמַּכְאוֹבִים בְּתֵת הַמָּוֶת אֶת-מַכָּתוֹ הָאַחֲרוֹנָה: נוֹצֶצֶת הִיא כְּשַׁלְהֶבֶת הַחַיִּים הַטְּהוֹרָה הָאוֹכֶלֶת בְּזַעַם לַבָּתָהּ אֶת-כָּל-הַבָּא מִן-הֶעָפָר.
יָפֶה הַצָּמִיד עַל-יָדְךָ הַמְּשֻׁבָּץ כָּל-כּוֹכְבֵי סְגֻלָּה; אַךְ חַרְבְּךָ, אֲדוֹנִי, אֲדוֹן הָרַעַם, מְמֻלָּאָה יִפְעַת כָּל-יִפְעָה אֲשֶׁר תֶּחֱרַד כָּל-נֶפֶש מֵהַבִּיט עָלֶיהָ וַאֲשֶׁר יִבָּצֵר מֵאָדָם לַהֲגוֹת בָּהּ.
נד
דָּבָר לֹא שָׁאַלְתִּי מֵעִמְּךָ וּשְׁמִי לֹא קָרָאתִי בְאָזְנֶיךָ. דּוּמָם הָיִיתִי בְּהִפָּרֶדְךָ מֵעָלָי. נִצַּבְתִּי עַל-שְׂפַת הַבְּאֵר עֲזוּבָה, וְצִלְלֵי הָעֵץ יָרְדוּ עָלֶיהָ עֲקַלְקַלּוֹת, וְהַנְּעָרוֹת שָׁבוּ הַבַּיְתָה עִם-כַּדֵּי הַחֶרֶשׂ הָאֲדַמְדַּמּוֹת הַמְּלֵאוֹת עַד לִשְׂפָתָן. אָז קָרְאוּ לִי, צָעֲקוּ לִי וַתֹּאמַרְנָה: “לְכִי עִמָּנוּ, הִנֵּה חָלַף הַבֹּקֶר וַיְהִי צָהֳרָיִם”. אַךְ לִבִּי נָמוֹג בִּי וָאֶעֱמוֹד תַּחְתַּי וָאֶצְלוֹל בִּתְהוֹם מַחֲשָׁבוֹת וּמָה לֹא יָדָעְתִּי.
לֹא שָׁמַעְתִּי אֶת קוֹל צְעָדֶיךָ בְּבֹאֶךָ. עֵינֶיךָ מָלְאוּ יָגוֹן בְּדָבְקָן בִּי וְקוֹלְךָ הָיָה יָגֵעַ בְּדַבְּרֶךָ. אָז דִּבַּרְתָּ אֵלַי בִּדְמָמָה: “אִישׁ הֵלֶךְ אָנֹכִי וְצָמֵא” – וַאֲנִי הִתְעוֹרַרְתִּי מֵחֲלוֹמִי בְהָקִיץ וָאֶסּוֹךְ מִצַּפַּחְתִּי מַיִם אֶל-כַּפּוֹת יָדֶיךָ הַמְּצֻמָּדוֹת. הֶעָלִים רָעֲשׁוּ מִמַּעַל לָנוּ, הַקּוּק זִמֵּר מִמַּחֲבֹאִים אֲשֶׁר לֹא נִרְאוּ וְרֵיח פִּרְחֵי הַבַּבְּלָה נָזַל מִמּוֹרְדוֹת הַדֶּרֶךְ.
כִּבְדַת לָשׁוֹן וּכְסוּיַת כְּלִמָּה עָמַדְתִּי בִשְׁאָלְךָ לִי לִשְׁמִי. כִּי מֶה עָשִׂיתִי לְמַעֲנְךָ אֲשֶׁר זָכֹר תִּזְכְּרֵנִי? וְרַק אֲשֶׁר לֹא נִבְצְרָה מִמֶּנִּי לָתֵת לְךָ מַיִם לִצְמָאֲךָ הִנֵּה זֶה לֹא יִמַּח עוֹד מִלִּבִּי לָנֶצַח וְזֶה יְמַלֵּא אֶת-חַיַּי בִּנְעִימוֹת תָּמִיד. הִנֵּה עֵת הַבֹּקֶר חָלְפָה, רִנַּת הַצִּפּוֹרִים רָפְתָה, עֲלֵי הַנִּים רֹעֲשִׁים מִמַּעַל לִי וַאֲנִי יוֹשֶׁבֶת וְחוֹלֶמֶת בְּהָקִיץ.
נה
עַצְלוּת רֹבֶצֶת עַל-לִבֵּךְ וּבְעֵינַיךְ עוֹד תְּלוּיָה הַתְּנוּמָה. הַאִם לֹא בָאָה הַשְּׁמֻעָה אֵלַיִךְ כִּי-הִנֵּה זֶה מָלַךְ הַפֶּרַח בְּתִפְאַרְתּוֹ בֵּין-הַחוֹחִים? הִתְעוֹרְרִי נָא, קוּמִי נָא! אַל-נָא תִתְּנִי לָעֵת לַעֲבוֹר חִנָּם!
בִּקְצֵה מִשְׁעוֹל הָאֲבָנִים אֲשֶׁר בְּאֶרֶץ שִׁמְמוֹת-עוֹלָמִים יוֹשֵׁב רֵעִי גַלְמוּד וְנֶעֱזָב. אַל-נָא תַשְׁלִי אוֹתוֹ. הִתְעוֹרְרִי נָא, קוּמִי נָא!
מַה-לָּךְ כִּי הַחוֹל הַלֹּהֵט יִשְׁטַח לוֹ אֶת אַדֶּרֶת הַצִּמָּאוֹן – הַאֵין אֵפוֹא גִיל בְּמַעֲמַקֵּי לִבֵּךְ? הַאִם עַל-כָּל מִדְרַךְ כַּף-רַגְלֵךְ לֹא יָרִיעַ נֶבֶל-דַּרְכֵּךְ בִּנְעִימוֹת זִמְרַת מַכְאוֹבָיִךְ?
נו
הִנֵּה כָכָה גָדְלָה שִׂמְחָתְךָ בִי. הִנֵה יָרֹד יָרַדְתָּ אֵלָי. הוֹי אֱלֹהֵי כָּל-שְׁמֵי הַשָּׁמָיִם! מֶה הָיְתָה כָּל-אַהֲבָתְךָ אֲשֶׁר לְךָ לוּלֵא הָיִיתִי אָנֹכִי פֹה?
עֲשִׂיתַנִי לְחָבֵר לְךָ לְחַלֵּק עִמִּי אֶת-כָּל-אוֹצְרוֹתֶיךָ. בְּלִבִּי הֲקִימוֹתָ לְךָ לְשַׁעֲשֻׁעֶיךָ מִשְׁכָּן אֲשֶׁר-לֹא-יִמָּד. בְּתוֹךְ חַיַּי יָצַר לוֹ רְצוֹנְךָ אֶת-צַלְמוֹ.
וְעַל זֹאת עָטִיתָ תִּפְאֶרֶת כָּל-הוֹד, אַתָּה מֶלֶךְ הַמְּלָכִים, לְבַעֲבוּר לָכֹד אֶת-לִבִּי בְּיָפְיֶךָ. וְעַל-זֹאת תִּמַּס אַהֲבַתְךָ בְּתוֹךְ אַהֲבַת אֹהַבְךָ לְמַעַן יִרְאוּ אוֹתְךָ בְּהִתְחַבֶּרְךָ עִמּוֹ הִתְחַבְּרוּת שְׁלֵמָה וְכָפַלְתָּ אוֹתְךָ לִשְׁנָיִם.
נז
הויֹ אוֹרִי, אוֹרִי! הָאוֹר אֲשֶׁר מָלְאָה מִמֶּנּוּ כָל-הָאָרֶץ, הָאוֹר הַנּוֹשֵׁק לָעֵינַיִם, הָאוֹר הַמָּתוֹק לַלֵּב!
הִנֵּה מְרַקֵּד הָאוֹר בְּלֵב-חַיַּי, חֲמוּדִי; הִנֵּה רֹעֵד הָאוֹר עַל-מֵיתְרֵי אַהֲבָתִי, חֲמוּדִי. הַשָּׁמַיִם נִפְתָּחִים, הָרוּחַ סֹעֵר בְּחָזְקָה וְהַשְּׂחוֹק עוֹבֵר עַל-פְּנֵי הָאֲדָמָה.
צִפֳּרֵי הַקַּיִץ פֹּרְשׂוֹת אֶת-מִפְרְשֵׂיהֶן בְּיַם-אוֹר. חֲבַצָּלוֹת וְיַסְמִינִים יִגְאוּ בִנְשׂוֹא הָאוֹר אֶת-גַּלָּיו.
הָאוֹר יֵחָלֵק וְהָיָה לְזָהָב עַל-פְּנֵי כָל-עָב, חֲמוּדִי, וְיִזְרַע אַבְנֵי חֵפֶץ לָרֹב.
הַשִּׂמְחָה תִפְרוֹץ מֵעָלֶה לְעָלֶה, חֲמוּדִי, וְהָיָה גִיל אֲשֶׁר לֹא יִמָד. נַחֲלֵי הַשָּׁמַיִם עָבְרוּ אֶת-גְּדוֹתֵיהֶם וְשֶׁטֶף הַחֶדְוָה פָרַץ הַחוּצָה.
נח
תְּנוּ וְהִתְעַרְבוּ צְלִילֵי הַשִּׂמְחָה כֻלָּם בְּשִׁירִי הָאַחֲרוֹן – הִיא הַשִּׂמְחָה הָאוֹמֶרֶת לָאֲדָמָה וְנָתְנָה אֶת-כֹּחָהּ בְּסַעֲרוֹת עֹז בְּקֶרֶב צֶמַח כָּל-יֶרֶק, הִיא הַשִּׂמְחָה הַפּוֹקֶדֶת עַל-תְּאוֹמֵי הָאַחִים, עַל-הַחַיִּים וְהַמָּוֶת, וְחוֹלְלוּ בְאֵין מַעְצוֹר לְרֹחַב כָּל-הָאָרֶץ, הִיא הַשִּׂמְחָה הַפֹּרֶצֶת עִם-רוּחוֹת הַסְּעָרוֹת וְסֹעֶרֶת וּמְעוֹרֶרֶת אֶת-כָּל-חַי בִּשְׂחוֹק קוֹלָהּ, הִיא הַשִּׂמְחָה הָעֹלָה דוּמָם בְּשֶׁטֶף דִּמְעוֹתֶיהָ עַל-הַלּוֹט הַדַּל הָאָדֹם וְהַפָּתוּחַ וְהִיא הַשִּׂמְחָה אֲשֶׁר תַּשְׁכִּין לֶעָפָר אֶת-כָּל אֲשֶׁר לָהּ וְדָבָר לֹא תֵדָע.
נט
אָמְנָם יָדַעְתִּי, אֲהוּב לִבִּי, כִּי רַק אַהֲבָתְךָ הִיא הַנְּשָׁמָה בָּאוֹר הַמָּזְהָב הַמְּרַקֵּד עַל-פְּנֵי הֶעָלִים וְהִיא הַנְּשָׁמָה בֶּעָבִים הָעֲצֵלִים הַשָּׁטִים בַּשָּׁמַיִם וְהִיא הַנְּשָׁמָה גַם בָּרוּחַ הַצַּחָה אֲשֶׁר תָּפוּחַ בְּקָרָתָהּ עַל-פְּנֵי מִצְחִי.
אוֹר הַבֹּקֶר שָׁטַף אֶת-עֵינַי – בְּשׂרָתְךָ הִיא אֲשֶׁר שָׁלַחְתָּ אֶל-לִבִּי. אֶת-פָּנֶיךָ הִטֵּיתָ מִמָּרוֹם, עֵינֶיךָ הִבִּיטוּ לְתוֹךְ עֵינַי, אָז נָגַע לִבִּי עַד-כַּפּוֹת רַגְלֶיךָ.
ס
עַל-שְׂפַת הַיָּם אֲשֶׁר לְעוֹלָמוֹת אֵין-קֵץ מִתְקַבְּצִים יְלָדִים. הַשָּׁמַיִם מִמַּעַל אֲשֶׁר אֵין לָהֶם חֵקֶר לֹא יָנוּעוּ וְהַמַּיִם מִתַּחַת אֲשֶׁר אֵין לָהֶם מְנוּחָה יִסְעָרוּ. עַל-שְׂפַת הַיָּם אֲשֶׁר לְעוֹלָמוֹת אֵין-קֵץ מִתְקַבְּצִים יְלָדִים בִּתְרוּעוֹת גְּדוֹלוֹת וּבִמְחוֹלוֹת.
בָּתִּים הֵם בּוֹנִים לָהֶם מִן-הַחוֹל וְהֵם מְשַׁעַשְׁעִים בִּקְלִפּוֹת קוֹנְכִיּוֹת רֵיקוֹת. מִן-הֶעָלִים הַנּוֹבְלִים הֵם מְשָׂרְגִים לָהֶם אֶת-אֳנִיּוֹתֵיהֶם וּמְשַׁלְּחִים אוֹתָן בְּקוֹל שִׂמְחָה עַל-פְּנֵי תְּהוֹמוֹת רְחוֹקוֹת. הַיְּלָדִים מְשַׁעַשְׁעִים עַל-שְׂפַת הַיָּם אֲשֶׁר לָעוֹלָמוֹת.
אֵין הֵמָּה יוֹדְעִים לִשְׂחוֹת. אֵין הֵמָּה יוֹדְעִים לְהַשְׁלִיךְ חַכּוֹת. דַּוָּגֵי פְנִינִים צוֹלְלִים לִתְהוֹמוֹת לְמַעַן פְּנִינֵיהֶם, רוֹכְלִים שָׁטִים בְּאֳנִיּוֹתֵיהֶם, וְרַק יְלָדִים מְלַקְּטִים חַלּוּקֵי חָצָץ וְשָׁבִים וְזֹרִים אוֹתָם לָרוּחַ. אֵין הֵמָּה מְבַקְּשִׁים מַטְמוֹנִים נֶחְבָּאִים, אֵין הֵמָּה יוֹדְעִים לְהַשְׁלִיךְ חַכּוֹת.
הַיָּם סוֹעֵר בִּתְרוּעַת גִּילוֹ וְהוֹלֵךְ הָלֹךְ וְגָאֹה וְהַחוֹפִים מַזְהִירִים בְּזֹהַר שְׂחוֹק יָגֵעַ. הַגַּלִּים זֹרְעֵי הַמָּוֶת מְזַמְּרִים בְּאָזְנֵי הַיְּלָדִים זְמִרוֹת בְּלִי מַחֲשָׁבָה וְהָיוּ כָאֵם הַמְּטַלְטֶלֶת אֶת-עוֹלָלָהּ בְּעָרֶשׂ. הַיָּם מְשַׁעֲשֵׁעַ אֶת-הַיְּלָדִים וְהַחוֹפִים מַזְהִירִים בְּזֹהַר שְׂחוֹק יָגֵעַ.
עַל-שְׂפַת הַיָּם אֲשֶׁר לְעוֹלָמוֹת אֵין-קֵץ מִתְקַבְּצִים יְלָדִים. רוּחוֹת הַסְּעָרָה פוֹשְׁטוֹת עַל-רְקִיעַ הַשָּׁמַיִם בְּאֵין נָתִיב, אֳנִיּוֹת נִשְׁבָּרוֹת וְצוֹלְלוֹת בַּמַּיִם וְאוֹבְדוֹת, הַמָּוֶת מְהַלֵּךְ סָבִיב סָבִיב – וְהַיְּלָדִים מְשַׁעַשְׁעִים. עַל-שְׂפַת הַיָּם אֲשֶׁר לְעוֹלָמוֹת אֵין-קֵץ נִקְבָּצִים יְלָדִים לִקְבֻצָּה.
סא
הַשֵּׁנָה הַנּוֹפֶלֶת עַל-עֵינֵי עוֹלָל – הֲיֵשׁ אִישׁ יוֹדֵעַ אֵי מִזֶּה בָאָה? הִנֵּה שְׁמֻעָה תִשָּׁמַע לֵאמֹר: מָעוֹן לָהּ בְּכִפְרֵי הַפְּלָאוֹת בְּתוֹךְ צִלְלֵי יַעֲרוֹת-עַד הַמּוּאָרִים בְּאוֹר תּוֹלָעֵי הָאֵשׁ הַכֵּהֶה אֲשֶׁר שָׁם שְׁנֵי צִיצִים רְוֵי קֶסֶם. מִשָּׁם הִיא בָאָה לְמַעַן נַשֵּׁק אֶת-עֵינֵי הָעוֹלָל.
הַשְּׂחוֹק הָרֹעֵד עַל-שִׂפְתֵי הָעוֹלָל מִדֵּי יָשְׁנוֹ – הֲיֵשׁ אִישׁ יוֹדֵעַ אֵי אֵיפֹה נוֹלָד? הִנֵּה שְׁמֻעָה תִשָּׁמַע לֵאמֹר: קֶרֶן צְעִירָה וְחִוְרָה אֲשֶׁר לְחֶרְמֵשׁ הַיָּרֵחַ דָּבְקָה בִקְצֵה עֲנַן סְתָו גֹּוֵע וּבַחֲלוֹם בֹּקֶר טְבוּל טַל נוֹלָד פֶּטֶר רֶחֶם – זֶה הַשְּׂחוֹק הָרֹעֵד עַל-שִׂפְתֵי הָעוֹלָל מִדֵּי יָשְׁנוֹ.
הַטַּל הַמָּתוֹק וְהַצַּח הָרֹבֵץ עַל-יְצֻרֵי עוֹלָל – הֲיֵשׁ אִישׁ יוֹדֵעַ אֵיפֹה הִתְחַבֵּא עַד-כֹּה? הִנֵּה בְעוֹד הָיְתָה אִמּוֹ נַעֲרָה צְעִירָה חָלַף אֶת-לִבָּהּ בְּתַעֲלֻמוֹת לַחַשׁ אַהֲבָה עֲנֻגָּה – זֶה הַטַּל הַמָּתוֹק וְהַצַּח הָרֹבֵץ עַל-יְצֻרֵי הָעוֹלָל.
סב
כִּי-אָבִיא לְךָ צַעֲצֻעִים צְבוּעֵי צְבָעִים שׁוֹנִים, בְּנִי, אָז תָּבִין נַפְשִׁי אֶת-מִשְׁפַּט נֹגַהּ הַצְּבָעִים הַנִּפְלָאִים אֲשֶׁר עַל-הֶעָבִים וַאֲשֶׁר עַל-הַמַּיִם וּמַדּוּעַ-זֶה נֶהְדָּרִים כָּכָה הַפְּרָחִים בִּשְׁלַל צִבְעֵיהֶם הַשּׁוֹנִים – כִּי-אָבִיא לְךָ צַעֲצֻעִים צְבוּעֵי צְבָעִים שׁוֹנִים, בְּנִי.
כִּי-אָשִׁיר לְךָ אֶת-שִׁירַי לְבַעֲבוּר הַרְקִידֶךָ, אָז תֵּדַע נַפְשִׁי מְאֹד מַדּוּעַ-זֶה תִזְרוֹם זִמְרָה בְּתוֹךְ הֶעָלִים וּמַדּוּעַ יִשְׁלְחוּ הַגַּלִּים אֶת-צְלִילֵי קוֹלוֹתֵיהֶם אֶל-לֵב הָאֲדָמָה הַקַּשֶּׁבֶת – כִּי-אָשִׁיר לְךָ אֶת-שִׁירַי לְבַעֲבוּר הַרְקִידֶךָ.
כִּי-אָשִׂים לְךָ מַמְתַּקִּים עַל-כַּפּוֹת יָדֶיךָ הַחוֹמְדוֹת, אָז תֵּדַע נַפְשִי פִתְאֹם לָמָּה-זֶה יִהְיֶה הַדְּבַש בְּכוֹס הַפֶּרַח וְעַל-מַה-זֶּה יִמָּלֵא כָּל-פְּרִי עֲסִיס-צוּפִים בַּסֵּתֶר – כִּי-אָשִׂים לְךָ מַמְתַּקִּים עַל-כַּפּוֹת יָדֶיךָ הַחוֹמְדוֹת.
כִּי-אֶשַּׁק אֶת-לְחָיֶיךָ לִנְטוֹעַ שְׂחוֹק בִּשְׂפָתֶיךָ, חֲמוּדִי, אָז אָבִין הֵיטֵב מַה-מִּשְׁפַּט הַחֶדְוָה הַזֹּרֶמֶת מִן-הַשָּׁמַיִם עִם-אוֹר הַבֹּקֶר וּמַה-דְּבַר הַנְּעִימוֹת אֲשֶׁר יִתֵּן רוּחַ-הַקַּיִץ לִבְשָׂרִי – כִּי-אֶשַּׁק אֶת-לְחָיֶיךָ לִנְטוֹעַ שְׂחוֹק בִּשְׂפָתֶיךָ.
סג
עֲשִׂיתַנִי מוֹדָע לְרֵעִים אֲשֶׁר לֹא יָדַעְתִּי. שַׂמְתָּ לִי מוֹשָב בְּבָתִּים אֲשֶׁר לֹא לִי. אֶת-הָרָחוֹק מִמֶּנִּי הִקְרַבְתָּ אֵלַי וְאֶת-הַנָּכְרִי עָשִׂיתָ לִי לְאָח.
כִּי-יִהְיֶה עָלַי לַעֲזוֹב אֶת-מַחְסִי הַנֶּאֱמָן וְרַע הַדָּבָר בְּעֵינָי. אָכֵן אֶשְׁכַּח כִּי שֹׁכֵן הַיָּשָׁן בְּקֶרֶב הֶחָדָשׁ וְכִי אַתָּה שֹׁכֵן בַּכֹּל.
בֵּין-לֵדָה וָמָוֶת, בְּעוֹלָם-זֶה אוֹ בְעוֹלָמוֹת אֲחֵרִים, בְכָל-מָקוֹם אֲשֶׁר אַתָּה מֵבִיא אוֹתִי שָׁמָּה, שָׁם אַתָּה לִי הֶחָבֵר הָאֶחָד לְחַיַּי לָעַד וּלְעוֹלָם אֲשֶׁר תְּקַשֵּׁר אֶת-לִבִּי בַּעֲבֹתוֹת חֶדְוָה אֶל-כָּל-זָר.
וְזֶה אֲשֶׁר יָדַע אוֹתְךָ, אֵין-דָבָר זָר לוֹ וְאֵין-דֶּלֶת סְגוּרָה לְפָנָיו. אָנָּא רְצֵה אֶת-תּפִלָּתִי וְאַל יֹאבְדוּ מִמֶּנִּי לָנֶצַח נְעִימוֹת מַגַּע הָאֶחָד מִפְּנֵי שַׁעֲשֻׁעַי הָרַבִּים.
סד
בְּמוֹרַד הַנַּחַל הַשָּׁמֵם בֵּין-טַרְפֵּי הֶחָצִיר הַנִּשָׂא שָׁאַלְתִּי אוֹתָהּ לֵאמֹר: “נַעֲרָה, לְאָן אַתְּ הוֹלֶכֶת וְאֶת-מְנוֹרָתֵךְ אֲשֶׁר בְּיָדֵךְ אַתְּ מְכַסָּה בְאַדַּרְתֵּךְ? רְאִי הִנֵּה בֵיתִי אָפֵל כֻּלּוֹ וְנֶעֱזָב – הַשְׁאִילִינִי אֶת-נֵרֵךְ”. אָז נָשְׂאָה אֶת-עֵינֶיהָ הַשְּׁחוֹרוֹת רֶגַע אֶחָד וַתַּבֵּט אֶל-פָּנַי מִן-הָעֲרָפֶל וַתֹּאמַר: “הִנֵּה בָאתִי אֶל-הַנַּחַל לְהָצִיף בְּזִרְמָתוֹ אֶת-הַמְּנוֹרָה כַּאֲשֶׁר יֵרֵד אוֹר הַיּוֹם לִנְטוֹת מַעֲרָבָה”. וַאֲנִי לְבַדִּי עָמַדְתִּי בֵין-טַרְפֵּי הֶחָצִיר הַנִּשָׂא וָאֶתְבּוֹנֵן אֶל-הַלְּהָבָה הַכֵּהָה אֲשֶׁר לַמְּנוֹרָה הַצָּפָה לְלֹא-הוֹעִיל עַל-פְּנֵי הַזָּרֶם.
בְּדִמְמַת הַלַּילָה אֲשֶׁר-יָרַד שָׁאַלְתִּי אוֹתָהּ לֵאמֹר: “נַעֲרָה, נֵרוֹתַיִךְ הֹעֲלוּ כֻלָּם – לְאָן אֵפוֹא אַתְּ הוֹלֶכֶת עִם-מְנוֹרָתֵךְ? רְאִי הִנֵּה בֵיתִי אָפֵל כֻּלּוֹ וְנֶעֱזָב – הַשְׁאִילִינִי אֶת-נֵרֵךְ”. אָז נָשְׂאָה אֶת-עֵינֶיהָ הַשְּׁחוֹרוֹת אֶל-פָּנַי וַתַּעֲמֹד רֶגַע אֶחָד כְּפסַחַת עַל-הַסְּעִפִּים וְאַחַר אָמְרָה: “הִנֵּה בָאתִי הֲלוֹם לְהַקְדִּישׁ אֶת-מְנוֹרָתִי קֹדֶשׁ לַשָּׁמָיִם”. וַאֲנִי עָמַדְתְּי וָאֶתְבּוֹנֵן אֶל-נֵרָהּ בִּהְיוֹתוֹ אֻכָּל לְלֹא-הוֹעִיל בַּתֹּהוּ.
בְּחֶשְׁכַת חֲצוֹת-לַיְלָה בְּאֵין נֹגַהּ יָרֵחַ שָׁאַלְתִּי אוֹתָהּ לֵאמֹר: “נַעֲרָה, לָמָּה-זֶּה לָךְ אֲחז אֶת-הַמְּנוֹרָה קָרוֹב אֶל-לִבֵּךְ? רְאִי הִנֵּה בֵיתִי אָפֵל כֻּלּוֹ וְנֶעֱזָב – הַשְׁאִילִינִי אֶת-נֵרֵךְ”. אָז הִתְיַצְּבָה רֶגַע אֶחָד וַתַּחֲשֹׁב מַחֲשָׁבוֹת וַתִּתְמַהּ וַתַּבֵּט אֶל-פָּנַי מִן-הָעֲרָפֶל וַתֹּאמַר: “הִנֵּה הֵבֵאתִי אֶת-נֵרִי, לְמַעַן שִׂים חֶלְקִי אַף-אֲנִי בְּחַג חֲנֻכַּת הַמְּנוֹרוֹת”. עָמַדְתִּי וָאֶתְבּוֹנֵן אֶל-מְנוֹרָתָהּ הַקְּטַנָּה הָאֹבֶדֶת לְלֹא-הוֹעִיל בֵּין-הַנֵּרוֹת.
סה
מָה אֱלֹהַי, הַשִּׁקּוּי הַנִּבְחָר אֲשֶׁר חָפַצְתָּ מִכּוֹס חַיַּי זֹאת הַמְּלֵאָה עַד לִשְׂפָתָהּ?
מְשֹׁרְרִי! הֲשָׂמֹחַ תִּשְׂמַח לְהַבִּיט עַל-פִּי עֵינַי אֶת-בְּרִיאָתְךָ אֲשֶׁר בָּרָאתָ וְלַעֲמֹד עַל-פִּתְחֵי אָזְנַי לְבַעֲבוּר הַקְשִׁיב עַל-פִּיהֶן בִּדְמָמָה לְקוֹל צְלִילֵי זְמִירוֹתֶיךָ נֶצַח?
עוֹלָמְךָ בֹּרֵא מִלִּים בְּתוֹךְ רוּחִי וְחֶדְוָתְךָ מוֹסִיפָה עֲלֵיהֶן אֶת-הַנְּגִינוֹת אֲשֶׁר לָהֶן. מַסְגִּיר אַתָּה אֶת-רוּחֲךָ אֵלַי בְּאַהֲבָה וּבִי אַתָּה מוֹצֵא אֶת-כָּל-מִתְקְךָ אֲשֶׁר לָךְ.
סו
זֹאת אֲשֶׁר הִתְלוֹנְנָה תָמִיד בְּמַעֲמַקֵּי נַפְשִׁי בְּזִיו עֲרָפֶל וּנְגֹהוֹת, זֹאת אֲשֶׁר לֹא הֵסִירָה מֵעוֹדָהּ אֶת-צְעִיפֶיהָ מֵעָלֶיהָ בִּהְיוֹת הַבֹּקֶר, – תְּהִי-נָא זֹאת מַתָּנָתִי הָאַחֲרוֹנָה אֵלֶיךָ, אֱלֹהַי, מְעֻלֶּפֶת אַחֲרִית זִמְרָתִי.
מִלִּים עָרְגוּ אֵלֶיהָ וְהֶחֱטִיאוּ מִלְּמָצְאָהּ; תַּחֲנוּנִים שִׁטְּחוּ אֵלֶיהָ לַשָּׁוְא אֶת-כַּפֵּיהֶם הַחוֹמְדוֹת.
תֹּעֶה הָיִיתִי מִמְּדִינָה לִמְדִינָה וְאוֹתָהּ שָׁמַרְתִּי בְלִבִּי; מִסָּבִיב לָהּ עָלוּ וְיָרְדוּ חַיַּי בְּמַעֲלוֹת וּבְמוֹרָדוֹת.
בְּמַחְשְׁבוֹתַי וּבְמַעֲשַׂי, בְּחֶזְיוֹנוֹתַי וּבַחֲלוֹמוֹתַי הָיְתָה הִיא הַמּוֹשֶׁלֶת, וְרַק אֲשֶׁר עָמֹד עָמְדָה תָמִיד מֵרָחוֹק בֹּדֵדָה.
רַבִּים דָּפְקוּ עַל-דַּלְתִּי וַיִּשְׁאֲלוּ לָהּ וַיָּשׁוּבוּ עַל-עֲקֵבָם בְּלֹא חֶמְדָּה.
לֹא הָיָה אִישׁ בְּכָל-הָאָרֶץ אֲשֶׁר רָאָה אוֹתָהּ פָּנִים אֶל-פָּנִים, וְהִיא נִשְׁאֲרָה בֹדֵדָה וּמְחַכָּה עַד-תָּבֹא וּתְבַקֵּשׁ אוֹתָהּ.
סז
אַתָּה הַשָּׁמַיִם וְאַתָּה גַם הַקֵּן.
הוֹי אַתָּה הַנּחְמָד, אֲשֶׁר אַהֲבָתְךָ מְקֻנֶּנֶת בַּשָּׁמַיִם וְעֹטֶה אֶת-כֹּל הַנְּשָׁמָה צְבָעִים וּצְלִילֵי-קוֹל וְרֵיחוֹת.
הִנֵּה בָא הַבֹּקֶר עִם טֶנֶא זְהָבוֹ, נֹשֵׂא מִכְלוֹל יֹפִי לְעַטֵּר בּוֹ דוּמָם אֶת-הָאֲדָמָה.
אַחַר בָּא הָעֶרֶב עַל-פְּנֵי כָרִים בֹּדְדִים הָעֲזוּבִים מִנִּי עֲדָרִים וּבֵינוֹת לְמִשְׁעוֹלִים לֹא-דְרוּכִים הוּא נֹשֵׂא בְּכַד-זְהָבוֹ שָׁלוֹם מִיַּם-הַמְּנוּחָה הַגָּדוֹל בַמַּעֲרָב.
וְשָׁם בַּאֲשֶׁר הַשָּׁמַיִם פְּרוּשִׂים בְּאֵין-חֵקֶר לְנֹכַח הַנְּשָׁמָה, וְהִיא עֹרֶגֶת לָעוּף אֶל-תוֹכָם, שָׁם יִמְשׁוֹל הַזֹּהַר הַלָּבָן בְּאֵין שֶׁמֶץ כָּתֶם. שָׁם אֵין יוֹם וְאֵין לַיְלָה, אֵין דְּמוּת וְאֵין צֶבַע וְאֵין מִלָּה אַף-אֶחָת.
סח
קַו הַשֶּׁמֶשׁ אֲשֶׁר לְךָ יָרַד אֵלַי עַל-פְּנֵי הָאֲדָמָה וּזְרוֹעוֹתָיו פְּרוּשׂוֹת, וְהוּא עוֹמֵד עַל-יַד פִּתְחִי כָּל-הַיּוֹם לְבַעֲבוּר קַחַת עִמּוֹ וּלְבַעֲבוּר הַרְבִּיץ לְרַגְלֶיךָ אֶת-הֶעָבִים אֲשֶׁר יָצְרוּ לְךָ דִּמְעוֹתַי וְאַנְחוֹתַי וּזְמִירוֹתַי.
בְּהוֹלֵלוּת שִׂמְחָה תַעֲטֶה עַל-לִבְּךָ טְבוּל הַכּוֹכָבִים אֶת-אַדֶּרֶת הֶעָבִים הַקֹּדְרִים וְשׂוֹם תָּשִׂים לָהּ מַרְאוֹת שׁוֹנִים וְתִכְפּוֹל לָהּ מַכְפְּלוֹת בְּאֵין מִסְפָּר וְתִתֵּן לָהּ צְבָעִים אֲשֶׁר יִתְחַלְּפוּ בְאֵין מַעֲצוֹר.
קַלָּה הִיא מְאֹד וְנָמוֹגָה. עֲנֻגָּה וּרְוַת דִּמְעָה וְקֹדֶרֶת, עַל-כֵּן אָהַבְתָּ אוֹתָה, אַתָּה הַטָּהוֹר וְהַצָּח. וְזֶה הַדָּבָר אֲשֶׁר לֹא יִכְבַּד מִמֶּנִּי לְכַסּוֹת אֶת-אוֹרְךָ הַלָּבָן וְהַנֶהְדָּר בִּצְלָלֶיהָ הָאַדִּירִים.
סט
זֹאת זִרְמַת-הַחַיִּים הַשּׁוֹטֶפֶת יוֹם וָלַיְלָה בְּתוֹךְ גִּידַי הִיא הַשּׁוֹטֶפֶת בְּתוֹךְ הַיְקוּם וּמְחוֹלֶלֶת אֶת-מְחוֹלוֹתֶיהָ בְּקֶצֶב וּבְמִדָּה.
וְהֵם גַּם הַחַיִּים הַדּוֹפְקִים בַּעֲלִיצוּת-גִּיל בְּקֶרֶב עֲפַר הָאֲדָמָה בְּתוֹךְ טַרְפֵּי עֵשֶׂב אֵין-מִסְפָּר וּמִשְׁתַּפְּכִים בַּהֲמוֹן גַּלִּים סֹעֲרִים בְּתוֹךְ עָלִים וּפְרָחִים.
וְהֵם גַּם הַחַיִּים הַמְּטֻלְטָלִים בְּעֶרֶשׂ הַיָּם הַגָּדוֹל אֲשֶׁר לַלֵּדָה וַאֲשֶׁר לַמָּוֶת, אֲשֶׁר בְּמוֹרָדוֹת הַיָּם וַאֲשֶׁר בְּמַעֲלוֹת הַיָּם.
וַאֲנִי יָדַעְתִּי מְאֹד כִּי גַם יְצֻרַי יִמָּלְאוּ זִיו נֹגַהּ כֻּלָּם בִּהְיוֹתָם נֹגְעִים אֶל-צְבָא הַחַיִּים הַזֶּה. הִנֵּה זֹאת כָּל-גַּאֲוָתִי כִּי דֶפֶק הַחַיִּים אֲשֶׁר מֵעוֹלָם מְפַזֵּז גַּם בְּקֶרֶב דָּמִי בָרֶגַע הַזֶּה.
ע
הֲיִפָּלֵא מִמְּךָ לַעֲלוֹץ עִם עֲלִיצוּת הַסֵּדֶר הַזֶּה אֲשֶׁר מֵעוֹלָם? אִם יִבָּצֵר מִמְּךָ לְפַזֵּז וּלְכַרְכֵּר וְלִגְוֹעַ עִם-שִׁבֹּלֶת הַחֶדְוָה הָאֲיֻמָּה הַזּאֹת?
כָּל-הַיְּקוּם סֹעֵר וְלֹא יַעֲמוֹד, אֵין מַבִּיט לְאָחוֹר, אֵין כֹּחַ אֲשֶׁר יַעְצוֹר אוֹתוֹ לְהַעֲמִידוֹ מִסַּעֲרָתוֹ.
יַחַד עִם-הַזִּמְרָה הַנֶּחְפָּזָה וְהַסֹּעֶרֶת הַזֹּאת בָּאִים הַזְּמַנִּים בִּמְחוֹלוֹתֵיהֶם וְחוֹלְפִים – צְבָעִים וּצְלִילִים וְרֵיחוֹת מִשְׁתַּפְּכִים זְרָמוֹת זְרָמוֹת בְּאֵין קֵץ בַּעֲתֶרֶת חֶדְוָה אֲשֶׁר תַּחֲלוֹף וְתִגְוַע וְתָמוּת בְּכָל-רָגַע.
עא
טוֹב לִי כִּי אֲסַלְסֵל אֶת-נַפְשִׁי וְאֶהֶפְכֶנָּה לְכָל-רוּחַ, לְמַעַן אֲשֶׁר תַּשְׁלִיךְ צִלְלֵי צְבָעִים עַל-פְּנֵי הֲדַר זִיוְךָ – זֶה הַמַּיָּה אֲשֶׁר לָךְ.
אַתָּה בְעֶצֶם יָדְךָ שַׂמְתָּ גְבוּל בְּקֶרֶב נַפְשְׁךָ וְקָרָאתָ לְחֶלְקֵי נַפְשְׁךָ הַנִּפְרָדִים רִבֹּא רִבֲבוֹת שֵׁמוֹת. וְזֹאת נַפְשְׁךָ הַנִּפְרָדָה הָיְתָה בְקִרְבִּי לְעֶצֶם מֵעֲצָמָי.
שִׁירִי הַמַּר נָתַן אֶת-הֵד קוֹלוֹ בִשְׁמֵי כָּל-הַשָּׁמַיִם בְּתוֹךְ הֲמוֹן צִבְעֵי דְמָעוֹת וּשְׂמָחוֹת, זְוָעוֹת וְתִקְוֹת; גַּלִּים עֹלִים וְיוֹרְדִים, חֲלוֹמוֹת נְמוֹגִים וְנִבְרָאִים, וּבְקֶרֶב נַפְשִׁי הִנֵּה גַם תְּבוּסָתְךָ אֲשֶׁר הֲכִינוֹתָ לְךָ אַתָּה בְעֶצֶם יָדֶךָ.
הַקִּיר אֲשֶׁר הֲקיִמוֹתָ לְךָ צָבוּעַ תְּמוּנוֹת עַד-בְּלִי-מִסְפָּר עֲשׂוּיוֹת בְּמִצְבּוֹעַ הַלַּיְלָה וְהַיּוֹם וּמֵאַחֲרָיו הִנֵּה גַם הַכִּסֵּא אֲשֶׁר לְךָ וַחֲקֻקִּים עָלָיו אוֹתוֹת סְתָרִים רַבִּים, מְעֻקָּלִים וְנִפְלָאִים, וְאֵין בָּם אַף קַו אֶחָד יָשָׁר.
הַתִּפְאֶרֶת הַגְּדוֹלָה אֲשֶׁר לְךָ וַאֲשֶׁר לִי יַחְדָּו כִּסְּתָה אֶת-פְנֵי הַשָּׁמַיִם. כָּל-הָרוּחַ אֲשֶׁר מִסָּבִיב יִרְעַד לְקוֹלוֹת הַצְּלִילִים אֲשֶׁר לְךָ וַאֲשֶׁר לִי יַחְדָּו, וְדוֹרוֹת עַל-דּוֹרוֹת יַעַבְרוּ עָלֵינוּ כָכָה בְהֵעָלְמֵנוּ וּבְהִגָּלוֹתֵנוּ שְׁנֵינוּ – אַתָּה וַאֲנִי יַחְדָּו.
עב
הִנֵּה הוּא, הָאֶחָד הַפְּנִימִי, הַמֵּעִיר אֶת-נַפְשִׁי בְּמַגַּע יָדָיו הַנִּסְתָּרוֹת וְהַנֶּחְבָּאוֹת.
הִנֵּה הוּא הַמַּפִּיל אֶת-קְסָמָיו עַל-עֵינַי וּמְנַגֵּן בְּתַאֲוָה עַל-מֵיתְרֵי לִבִּי מִדֵּי אֲשֶׁר יַחֲלִיף בִּי אֶת-הַתַּעֲנוּגוֹת וְאֶת-הַמַּכְאוֹבִים פַּעַם כֹּה וּפַעַם כֹּה.
הִנֵּה הוּא הָאֹרֵג אֶת-אֶרֶג הַמַּיָּה אֲשֶׁר לוֹ בַחֲלִיפוֹת צִבְעֵי הַזָּהָב וְהַכֶּסֶף, הַתְּכֵלֶת וְהַיָּרֹק, וּמִבַּעַד לְמִכְפְּלוֹת הַשִּׂמְלָה הוּא שׁוֹלֵחַ אֶת-כַּפּוֹת רַגְלָיו אֲשֶׁר אִם אֶגַּע אֲלֵיהֶן וְשָׁכַחְתִּי אֶת-נַפְשִׁי.
יָמִים בָּאִים וְדוֹרוֹת חוֹלְפִים וְהוּא הַמֵּנִיעַ תָּמִיד אֶת-לִבִּי בְאַלְפֵי הַשֵּׁמוֹת הַשּׁוֹנִים וּבְמַרְאוֹת שׁוֹנִים וּבְסַעֲרוֹת גִּיל וּדְאָבוֹן שׁוֹנוֹת.
עג
לֹא בְאָמְרִי נוֹאָשׁ לַכֹּל אֶרְאֶה גְאֻלָּה לְנַפְשִׁי. בְּתוֹךְ אַלְפֵי כַבְלֵי תַעֲנוּגִים מוֹצֵא אֲנִי אֶת-הַחֻפְשָׁה חֹבֶקֶת אוֹתִי.
תָּמִיד אַתָּה מוֹסֵךְ לִי אֶת-מֶסֶךְ יֵינְךָ הַנִּבְחָר עִם-צְבָעָיו וְרֵיחוֹתָיו הַשּׁוֹנִים וְאֶת-כּוֹס הַחֶרֶשׂ אֲשֶׁר לִי תְמַלֵּא עַד-שְׂפָתוֹ.
בְּלַבַּת אֶשְׁךָ יַעֲלֶה עוֹלָמִי אֶת-מֵאוֹת מְנוֹרוֹתָיו הַשּׁוֹנוֹת וְיַעֲמִיד אוֹתָן לִפְנֵי הַמִּזְבֵּחַ אֲשֶׁר לְהֵיכָלֶךָ.
אֶת-שַׁעֲרֵי חוּשַׁי אֲשֶׁר-בִּי לֹא אֶסְגּוֹר עַד-נֶצַח. תַּעֲנוּגוֹת מַרְאֵה עֵינַי וּמִשְׁמַע אָזְנַי וּמַגַּע יָדַי יִהְיוּ מָקוֹר לְתַעֲנוּגֶיךָ.
כָּל-חֶזְיוֹנוֹתַי יִהְיוּ לְשַׁלְהֶבֶת תַּעֲנוּגוֹת וְכָל-מִשְׁאֲלוֹתַי יַבְשִׁילוּ פְרִי אַהֲבָה.
עד
הַיּוֹם חָלַף, הַצְּלָלִים יָרְדוּ עַל-פְּנֵי הָאֲדָמָה. הִנֵּה בָאָה הָעֵת לָצֵאת הַמַּיְמָה לְמַלֵּא אֶת-כַּדִּי.
רוּחַ הָעֶרֶב נֹשֵׂא אֶת-רִנַּת הַמַּיִם הַכְּבֵדָה. הִנֵּה הִיא קֹרֵאת לִי לָצֵאת אֶל-תּוֹךְ הַחֲשֵׁכָה. בָּרְחוֹב הַבֹּדֵד אֵין עֹבְרִים וְהוֹלְכִים עוֹד. רוּחַ צַח יָפוּחַ וְהַגַּלִּים מְרַקְּדִים עַל-פְּנֵי הַנַּחַל.
לֹא אֵדַע אִם אָשׁוּב הַבָּיְתָה. לֹא אֵדַע אֶת-מִי אֶפְגּוֹשׁ בַּדָּרֶךְ. שָׁם בִּשְׂפַת הַנַּחַל בָּאֳנִי שַׁיִט קְטַנָּה יוֹשֵׁב אִישׁ זָר לִי וּמְנַגֵּן בְּכִנּוֹרוֹ.
עה
מַתְּנוֹתֶיךָ אֲשֶׁר נָתַתָּ לָנוּ בְנֵי הַמָּוְתָה מְמַלְּאוֹת אֶת-כָּל-צְרָכֵינוּ – וּבְכָל-זֶה אֲנַחְנוּ שָׁבִים אֵלֶיךָ כְּפַעַם בְּפַעַם וּמִשְׁאֲלוֹתֵינוּ לֹא מִעֵטוּ.
הַנָּהָר עֹשֶׂה אֶת-מִשְׁלַחְתּוֹ דְּבַר יוֹם בְּיוֹמוֹ וּמְמַהֵר לָרוּץ אָרְחוֹ בֵּין שָׂדוֹת וּכְפָרִים – וּבְכָל-זֶה נֶחְפָּז זִרְמוֹ אֲשֶׁר אֵין קֵץ לוֹ לְהַגִּיעַ לִמְקוֹם-שָׁם תִּרְחַץ אֶת-כַּפּוֹת רַגְלֶיךָ.
בְּרֵיחַ הַנִּיחוֹחַ אֲשֶׁר לוֹ יַמְתִּיק הַפֶּרַח אֶת-הָרוּחַ – וּבְכָל-זֶה פָּעֳלוֹ הָאַחֲרוֹן יִהְיֶה לִהְיוֹת לְךָ לְקָרְבָּן כֻּלּוֹ.
לֹא תִדַּל הָאָרֶץ בִּהְיוֹתָהּ עוֹבֶדֶת לָךְ.
אֶת-דִּבְרֵי הַמְשֹורֵר יָבִין אִישׁ אִישׁ עַל-פִּי דַרְכּוֹ – וּבְכָל-זֶה הֲגוּת כֻּלָּם הָאַחֲרוֹנָה פֹּנָה רַק אֵלֶיךָ.
עו
הֲיוֹם עַל-יוֹם, אֲדוֹן חַיַּי, שׂוּמָה עָלַי לַעֲמוֹד לְפָנֶיךָ פָּנִים אֶל-פָּנִים? אִם בְּמֹעַל כַּפַּיִם שׂוּמָה עָלַי, אַתָּה אֲדוֹן כָּל-הָעוֹלָמוֹת, לַעֲמוֹד לְפָנֶיךָ פָּנִים אֶל-פָּנִים?
הֲתַחַת שָׁמֶיךָ הַגְּבֹהִים עָלַי לְהִתְיַצֵּב דּוּמָם וְגַלְמוּד וּבְלֵב עֲנָוָה שׂוּמָה עָלַי לַעֲמוֹד לְפָנֶיךָ פָּנִים אֶל-פָּנִים?
הַבְעוֹלָמְךָ אֲשֶׁר שָׁם עֲמֵלִים כָּל-הַיּוֹם, בְּקֶרֶב הָמוֹן נֶחְפָּז וּבְעוֹדִי מְטֹעַן עֲבוֹדָה וּמִלְחָמָה, שׂוּמָה עָלַי לַעֲמוֹד לְפָנֶיךָ פָּנִים אֶל-פָּנִים?
וְאִם פָּעֳלִי יִתֹּם עַל-פְּנֵי הָאֲדָמָה הַזֹּאת, הַאִם בָּדָד וּבְאֵין לָשׁוֹן תִּהְיֶה שׂוּמָה עָלַי, אַתָּה מֶלֶךְ הַמְּלָכִים, לַעֲמוֹד לְפָנֶיךָ פָּנִים אֶל-פָּנִים?
עז
יְדַעְתִּיךָ כִּי אַתָּה אֱלֹהַי, עַל-כֵּן אֶעֱמֹד מֵרָחוֹק – אַךְ לֹא יְדַעְתִּיךָ כִּי אַתָּה קְרוֹבִי לְבַעֲבוּר אוּכַל לְהִתְחַבֵּר אֵלֶיךָ. יְדַעְתִּיךָ כִּי אַתָּה אָבִי, עַל-כֵּן אֶכְרַע לְרַגְלֶיךָ – אַךְ לֹא אֶתְפֹּשׂ בְּיָדְךָ כִּתְפֹשׂ בְּיָד רֵע.
לֹא אֶעֱמֹד בַּאֲשֶׁר תֵּרֵד אֵלַי וּבַאֲשֶׁר תֹּאמַר לִי כִּי לִי אַתָּה, לְבַעֲבוּר אַצְמִיד אוֹתְךָ אֶל-לִבִּי לַעֲשׂוֹתְךָ לְחָבֵר לִי.
אָח אַתָּה לִי בֵין-אַחַי – אַךְ אֲנִי לֹא אֶתְבּוֹנֵן אֲלֵיהֶם וְלֹא אֲחַלֵּק עִמָּם אֶת-שְׂכָרִי, כִּי אֶת-כָּל-אֲשֶׁר-לִי אֶחֱצֶה רַק בֵּינִי וּבֵינֶךָ.
בְּטוֹב לִי וּבְרַע לִי לֹא עָמַדְתִי עִם-בְּנֵי אָדָם כִּי-אִם עִמְּךָ עָמָדְתִּי. יָרֵאתִי מִיָּאֵשׁ אֶת-חַיַּי וְלָכֵן לֹא אֶטְבּוֹל נַפְשִׁי בְּיַם-הַחַיִּים הַגָּדוֹל.
עח
אָז בִּהְיוֹת תֵּבֵל חֲדָשָׁה עוֹד וְהַכּוֹכָבִים הִזְהִירוּ כֻלָּם בְּזִיוָם הָרִאשׁוֹן, וַיִּקָּבְצוּ הָאֱלֹהִים וַיָּבֹאוּ וַיֵּשְׁבוּ יַחְדָּו וַיָּשִִׁירוּ לֵאמֹר: “הֶאָח, הֶאָח, הֶאָח, שָׁלֵם הֶחָזוֹן עַד-תַּכְלִית! הֶאָח, הֶאָח, הָיְתָה הַשִּׂמְחָה בְלִי שֶׁמֶץ דֹּפִי!”
וּפִתְאֹם וַיִּקְרָא הָאֶחָד: “רוֹאֶה אָנֹכִי כְמוֹ פֶרֶץ נָפַל בְּקִיר הַמְּאוֹרוֹת וְאֶחָד מִן הַכּוֹכָבִים אָבָד”.
וּמֵיתַר הַזָּהָב אֲשֶׁר לְנִבְלָם נִתַּק, שִׁירָם חָדַל, וַיֶּחֶרְדוּ כֻלָּם חֲרָדָה גְדוֹלָה וַיִּקְרְאוּ: “אָמְנָם כֵּן, הַכּוֹכָב הָאֹבֵד הָיָה הַטּוֹב מִכָּל-הַכּוֹכָבִים, צִיץ הַתִּפְאֶרֶת אֲשֶׁר לְכָל-הַשָּׁמָיִם!”
וּמִן הַיּוֹם הַהוּא יְבֻקַּשׁ הַכּוֹכָב הָאֹבֵד בְּלִי-מַעֲצוֹר, וּמִפֶּה לָפֶה תַּעֲבוֹר הַשְּׁמֻעָה כִּי בַאֲבֹד הַכּוֹכָב אָבַד לְתֵבֵל שַׁעֲשֻׁעָהּ הָאֶחָד.
וְרַק בִּהְיוֹת הַדְּמָמָה עֲמֻקָּה בַלַּיְלָה וְשִׂחֲקוּ הַכּוֹכָבִים וְהִתְלַחֲשׁוּ אִישׁ בְּאָזְנֵי אָחִיו וְאָמְרוּ: “לַשָּׁוְא הֵם מְבַקְּשִׁים! שָׁלֵם הֶחָזוֹן בַּכֹּל, לֹא יֶחְסַר דָּבָר!”
עט
אִם-זֶה גוֹרָלִי לְבִלְתִּי מְצֹא אוֹתְךָ בַּחַיִּים הָאֵלֶּה, כִּי-עַתָּה תֵּן נָא וְאֵדַע תָּמִיד בְּנַפְשִׁי כִּי נִסְתְּרָה מִמֶּנִּי חֲזוֹת פָּנֶיךָ – תֵּן נָא וְלֹא אֶשְׁכַּח אֶת-זֹאת לְרֶגַע וְאֶשָּׂא אֶת-מַכְאוֹב-דַּאֲגָתִי בְקֶרֶב חֲלוֹמוֹתַי וּבְהָקִיץ.
אִם חוֹלְפִים יָמַי בִּשְׁוָקִים מְלֵאֵי עָם בְּעוֹלָם זֶה וְיָדַי עֲמוּסוֹת מַשָּׂא בִצְעִי דְבַר יוֹם בְּיוֹמוֹ, כִּי-עַתָּה תֵּן נָא וְאֵדַע תָּמִיד בְּנַפְשִׁי כִּי דָבָר לֹא רָכַשְׁתִּי – תֵּן נָא וְלֹא אֶשְׁכַּח אֶת-זֹאת לְרֶגַע וְאֶשָּׂא אֶת-מַכְאוֹב-דַּאֲגָתִי בְקֶרֶב חֲלוֹמוֹתַי וּבְהָקִיץ.
כִּי אֵשֵׁב בְּפַאֲתֵי הַדֶּרֶךְ עָיֵף וְנֶאֱנָח מֵעָמָל, כִּי אַצִּיעַ לִי מִשְׁכָּב עַל-פְּנֵי עֲפַר הָאֲדָמָה, כִּי-עַתָּה תֵּן נָא וְאֵדַע תָּמִיד בְּנַפְשִׁי כִּי עוֹד רַב לְפָנַי הַדֶּרֶךְ – תֵּן נָא וְלֹא אֶשְׁכַּח אֶת-זֹאת לְרֶגַע וְאֶשָּׂא אֶת-מַכְאוֹב-דַּאֲגָתִי בְקֶרֶב חֲלוֹמוֹתַי וּבְהָקִיץ.
אִם לָבְשׁוּ חֲדָרַי אֶת-עֶדְיָם וְהַחֲלִילִים מְרִיעִים בְּקוֹל וְהַשְּׂחוֹק הוֹלֵךְ וְגָדוֹל, כִּי-עַתָּה תֵּן נָא וְאֵדַע תָּמִיד בְּנַפְשִׁי כִּי לְךָ לֹא קָרָאתִי לָבוֹא אֶל-בֵּיתִי – תֵּן נָא וְלֹא אֶשְׁכַּח אֶת-זֹאת לְרֶגַע וְאֶשָּׂא אֶת-מַכְאוֹב-דַּאֲגָתִי בְקֶרֶב חֲלוֹמוֹתַי וּבְהָקִיץ.
פ
אוֹי שִׁמְשִׁי אֲשֶׁר לָנֶצַח יַזְהִיר! דָּמִיתִי לִפְלֵיטַת עֲנַן-סְתָו הַתֹּעָה בַּשָּׁמַים לְלֹא הוֹעִיל. מַגַּע חֻמְּךָ לֹא הֵפִיץ עוֹד אֶת-אֵדִי לְמַעַן שִׂימֵנִי עִם-אוֹרְךָ לִהְיוֹת כְּאֶחָד, וַאֲנִי פֹה סֹפֵר אֶת-הַחֳדָשִׁים וְאֶת-הַשָּׁנִים הַמַּבְדִּילִים בֵּינִי וּבֵינֶךָ.
אִם-זֶה חֶפְצְךָ וְאִם-זֶה לְךָ שַׁעֲשֻׁעַ, כִּי-עַתָּה קַח אֶת-נַפְשִׁי הָרֵיקָה וְהַשָּׁטָה הַזֹּאת, מְשַׁח אוֹתָהּ בִּצְבָעִים, שִׂים עָלֶיהָ זָהָב, זְרֵה אוֹתָהּ עַל-פְּנֵי הָרוּחַ הַפּוֹחֵז וְזָרַעתָּ אוֹתָהּ לְנִפְלָאוֹת שׁוֹנוֹת.
וְאַחַר-כֵּן כִּי-יִהְיֶה חֶפְצְךָ לְכַלּוֹת אֶת-שַׁעֲשֻׁעֲךָ זֶה בַלַּיְלָה, תֵּן נָא וְאֶמַּס וְאֹבַד בַּחֹשֶׁך אוֹ בִשְׂחוֹק בָּקְרְךָ הַלָּבָן בְּקָרָה זַכָּה וּטְהוֹרָה.
פא
בַּיָּמִים אֲשֶׁר שָׁבַתִּי מִכָּל-מְלָאכָה הִתְעַצַּבְתִּי אֶל-לִבִּי עַל-דְּבַר הָעֵת הָאֹבֶדֶת חִנָּם. אַךְ הָעֵת לֹא אָבְדָה לִי, אֲדֹנִי! אַתָּה שַׂמְתָּ אֶת-כָּל-רֶגַע מֵרִגְעֵי חַיַּי אֶל-תַּחַת יָדֶךָ.
בְּסֵתֶר לֶב-הַיְּקוּם הָפַכְתָּ אַתָּה אֶת-כָּל-זֶרַע מַזְרִיעַ וַעֲשִׂיתוֹ לְצֶמַח, צִיץ הָפַכְתָּ לְפֶרַח וְטַרְפֵּי פְּרָחִים הָיוּ לַעֲצֵי פְרִי לָרֹב.
וַאֲנִי בִהְיוֹתִי עָיֵף וָאֶשְׁכַּב עַל-מִטָּתִי בַעֲצַלְתַּיִם וָאֶחְשׁוֹב כִּי שָׁבַת כָּל-מִפְעָל. אַךְ בַּבֹּקֶר הֱקִיצוֹתִי וְאֶרְאֶה וְהִנֵּה גַנִּי מָלֵא פִּלְאֵי פְרָחִים.
פב
בְּיָדְךָ, אֲדֹנָי, תִּהְיֶה הָעֵת בְּלִי קֵץ. אֵין סוֹפֵר לִסְפּוֹר אֶת-רְגָעֶיךָ.
יָמִים וְלֵילוֹת חוֹלְפִים, דּוֹרוֹת צָצִים וְנוֹבְלִים כְּמוֹ פְרָחִים. אָכֵן אַתָּה הוּא הַיּוֹדֵעַ לְחַכּוֹת!
שְׁנוֹת-מֵאָה אַחַר שְׁנוֹת-מֵאָה הוֹלְכוֹת וְאַתָּה יוֹשֵׁב וּמַשְׁלִים פֶּרַח קָטָן בְּמִדְבָּר.
לָנוּ אֵין עֵת לְהַאֲבִידָה חִנָּם, וּבְאֵין לָנוּ עֵת מְמַהֲרִים אֲנַחְנוּ לַחֲטוֹף עַל-יָמִין וְלִגְזוֹר עַל-שְׂמֹאל. עֲנִיִּים אֲנַחְנוּ עַד-מְאֹד לְבִלְתִּי יְרֹא מִלְּאַחֵר.
וְכָכָה עוֹבֶרֶת עִתִּי וַאֲנִי נוֹתֵן אוֹתָהּ לְכָל-נִקְשֶׁה וּלְכָל-מַר-נֶפֶש הַבָּא לְבַקֵּש – וּמִזְבַּחֲךָ רֵיק כָּלִיל מִכָּל-קָרְבָּן.
וְכִרְבוֹת הַיָּמִים כֵּן אֵחָפֵז, כִּי יָרֵאתִי פֶּן סָגוּר יִהְיֶה שַׁעַרְךָ – אַךְ רְאֵה הִנֵּה פֹה הָעֵת גְּדוֹלָה וַאֲרֻכָּה.
פג
אִמִּי! אַעֲדֶה-נָא עַל גַּרְגְּרוֹתַיִךְ שַׁרְשֶׁרֶת פְּנִינִים לֶקֶט דִּמְעוֹת עָצְבִּי.
רָקְמוּ הַכּוֹכָבִים אֶת-צְמִידֵיהֶם מִן-הָאוֹר לַעֲדוֹת אוֹתָם עַל-רַגְלַיִךְ, וַאֲנִי פֹה אֶקְשָׁר-לָךְ אֶת-עֶדְיִי עַל-לִבֵּךְ.
יְקָר וְשֵׁם-תִּפְאֶרֶת מִּמֵּך לִי, אַתְּ תִּתְּנִים וְאַתְּ תָּשׁוּבִי וּלְקַחְתִּם. אַךְ זֶה עָצְבִּי לִי הוּא לְבַדִּי, וְאִם הִקְרַבְתִּיו לָךְ לְקָרְבָּן וְגָמַלְתְּ לִי אַתְּ אֶת-חַסְדֵּךְ תַּחְתָּיו.
פד
זֶה הַמַּכְאוֹב בְּהִפָּרֵד אִישׁ מֵאָחִיו הוּא הַפָּרוּשׂ עַל-מְלוֹא כָל-הָאֲדָמָה וּמֵעִמּוֹ הִיא שׂוּמָה לְצוּרוֹת בְּאֵין מִסְפָּר בַּשָּׁמַיִם בְּלִי קֵץ.
זֶה הַמַּכְאוֹב בְּהִפָּרֵד אִישׁ מֵאָחִיו הוּא הַמַּבִּיט בְּדִמְמַת כָּל-לַיְלָה מִכּוֹכָב אֶל-כּוֹכָב וְנוֹתֵן הֵד זְמִירוֹתָיו בִּשְׁאוֹן רַעַשׁ הֶעָלִים בְּחַשְׁרַת הַגֶּשֶׁם אֲשֶׁר בְּלֵילֵי תַמּוּז.
זֶה הַמַּכְאוֹב הַפָּרוּשׂ עַל-כֹּל הוּא הַחֹדֵר אֶל-כָּל-אַהֲבָה וְאֶל-כָּל-חֵפֶץ, אֶל-כָּל-מַכְאוֹב וְאֶל-כָּל-תַּעֲנוּג אֲשֶׁר בְּמִשְׁכְּנוֹת הָאָדָם, וְהוּא אֲשֶׁר יִמּוֹג וַאֲשֶׁר יִשְׁטוֹף בְּאַלְפֵי קוֹלוֹת זִמְרָה בְּקֶרֶב לֵב מְשֹׁרְרִי.
פה
כִּי-יָצְאוּ גִבּוֹרֵי הַמִּלְחָמָה בַּפַּעַם הָרִאשׁוֹנָה מֵהֵיכַל נְשִׂיאָם – אֵיפֹה הָיְתָה גְבוּרָתָם? אֵיפֹה הָיָה נִשְׁקָם וַחֲלִיצָתָם?
הָיוּ פְנֵיהֶם כִּפְנֵי דַלִּים וְחִדְלֵי-יְשׁוּעָה וְהַחִצִּים נִתְּכוּ עֲלֵיהֶם כְּמוֹ גֶשֶׁם בְּיוֹם אֲשֶׁר-יָצְאוּ מֵהֵיכַל נְשִׂיאָם.
וְכִי-שָׁבוּ גִבּוֹרֵי הַמִּלְחָמָה אֶל-הֵיכַל נְשִׂיאָם – אֵיפֹה הָיְתָה גְבוּרָתָם?
הֵסִירוּ מֵעֲלֵיהֶם אֶת-חַרְבָּם, הֵסִירוּ מֵעֲלֵיהֶם אֶת-קַשְׁתָּם וְאֶת-חִצֵּיהֶם. שָׁלוֹם הָיָה חָרוּת עַל-מִצְחָם וְאֶת-פְרִי חַיֵּיהֶם עָזְבוּ מֵאַחֲרֵיהֶם בְּיוֹם אֲשֶׁר-שָׁבוּ אֶל-הֵיכַל נְשִׂיאָם.
פו
הַמָּוֶת זֶה-עַבְדְּךָ עוֹמֵד עַל-פִּתְחִי. עָבַר אָרְחוֹת-יָם לֹא-נוֹדָע וַיָּבֵא אֶת-קְרִיאָתְךָ אֶל-בֵּיתִי.
הַלַּיְלָה אָפֵל וְלִבִּי מָלֵא חֲרָדָה – וּבְכָל-זֶה אֶקַּח אֶת הַמְּנוֹרָה, אָפְתַּח אֶת-שְׁעָרַי וְאֶשְׁתַּחֲוֶה לְפָנָיו לְשָׁלוֹם. הֲלֹא מַלְאָכְךָ הוּא הָעוֹמֵד עַל-פִּתְחִי.
אֶכְרַע לוֹ בְמֹעַל כַּפַּיִם וּבִדְמָעוֹת. אֶכְרָע לוֹ וְאָשִׂים לִפְנֵי רַגְלָיו אֶת-אוֹצָר לִבִּי.
אָז יָשׁוּב מֵעָלַי אַחֲרֵי מַלְּאוֹ אֶת-מִשְׁלַחְתּוֹ וְצֵל עָכוֹר יַעֲזֹב אַחֲרָיו עַל-פְּנֵי בָקְרִי – וּבְבֵיתִי הֶעָזוּב יִשָּׁאֵר רַק גֵּוִי הַדַּל וְהָיָה זֶה קָרְבָּנִי הָאַחֲרוֹן לָךְ.
פז
נוֹאָש מִתִּקְוָה אֲנִי הוֹלֵךְ לְבַקְּשָׁהּ בְּכָל-פִּנּוֹת מִשְׁכָּנִי וְלֹא אֶמְצָאֶנָּה.
בֵּיתִי קָטֹן וְזֶה אֲשֶׁר-חָלַף מִשָּׁם רֶגַע אֶחָד לֹא יָשׁוּב וְלֹא יִמָּצֵא עוֹד.
אַךְ מְעוֹנְךָ, אֲדֹנָי, גָּדוֹל עַד-בְּלִי-קֵץ, וּבְבֹאִי לְבַקְּשָׁהּ וָאָבֹא עַד-פִּתְחֶךָ.
עָמַדְתִּי תַחַת-חֻפַּת הַזָּהָב אֲשֶׁר לִשְִׁמֵי עַרְבְּךָ וְנָשָׂאתִי אֶת-עֵינַי הָרְעֵבוֹת אֶל-פָּנֶיךָ.
בָּאתִי עַד-גְּבוּל חַיֵּי-עַד אֲשֶׁר-שָׁם לֹא יֹאבַד דָּבָר – לֹא תִקְוָה וְלֹא בִרְכַּת טוֹב וְלֹא פְּנֵי אִישׁ אֲשֶׁר-נִרְאוּ מִבֵּין דְּמָעוֹת.
אוֹיָה, טְבֹל אֶת-חַיַּי הָרֵיקִים בְּיָם זֶה, שְׁטֹף אוֹתָם בְּמַעֲמַקֵּי תְהוֹמוֹ. תֵּן נָא וְתָחוּשׁ נַפְשִׁי אֶת-הַמֶּתֶק הָאוֹבֵד אֲשֶׁר לְמַגָּעִי עִם-צְבָא כָל-הַיְקוּם.
פח
אֱלֹהֵי הַמִּקְדָּש אֲשֶׁר שָׁמֵם! מֵיתְרֵי וִינָהּ הַנִּתָּקִים לֹא יְזַמְּרוּ לְךָ עוֹד אֶת-תְּהִלָּתֶךָ. פַּעֲמוֹנֵי הָעֶרֶב לֹא יְבַשְּׂרוּ עוֹד אֶת-מוֹעֵד עֲבוֹדַת הַקֹּדֶשׁ. הָרוּחַ אֲשֶׁר עַל-סְבִיבֶךָ דּוּמָם וּמַחֲרִישׁ.
בִּזְבוּלְךָ הֶעָזוּב נֹשֵב רוּחַ הָאָבִיב, בִּרְכַּת שָׁלוֹם הוּא נֹשֵׂא מֵאֵת הַפְּרָחִים – הֵם הַפְּרָחִים אֲשֶׁר לֹא יוֹסִיפוּ עוֹד לִהְיוֹת לְקָרְבָּן עַל-מִזְבְּחֶךָ.
וְזֶה הַמַּקְרִיב לְךָ מֵעוֹדוֹ, תֹּעֶה עַתָּה בָאָרֶץ, שֹׁאֵל נְדָבוֹת וְהֵן לֹא נְתוּנוֹת לוֹ. וּלְעֵת עֶרֶב כַּאֲשֶׁר יִתְעָרְבוּ נִיצוֹצוֹת וּצְלָלִים בְּחֶשְׁכַת הָאֲדָמָה, אָז יָבֹא כוֹשֵׁל וְיָגֵעַ אֶל-מִקְדָּשְׁךָ אֲשֶׁר שָׁמֵם וּבְלִבּוֹ רָעָב.
יְמֵי חַגִּים רַבִּים יַעַבְרוּ עָלֶיךָ, אֱלֹהֵי הַמִּקְדָשׁ אֲשֶׁר שָׁמֵם, וְהָיְתָה רַק דְּמָמָה. לֵילוֹת תְּפִלָּה רַבִּים יַחַלְפוּ וְלֹא יֹעֲלוּ לְךָ נֵרוֹת.
עֲצַבִּים חֲדָשִׁים וְרַבִּים נַעֲשׂוּ בְיַד חָרָשִׁים אֳמָנִים וְאַחַר צָלְלוּ בְזֶרֶם-הַנְּשִׁיָּה הַקָּדוֹשׁ בְּבֹא עִתָּם.
רַק אֱלֹהֵי הַמִּקְדָשׁ אֲשֶׁר שָׁמֵם נִשְׁאָר לְבַדּוֹ עַד-נֶצַח בְּאֵין עוֹבֵד וּבְאֵין שָׂם אֶל-לֵב.
פט
אַל לִי עוֹד דַּבֵּר רָמִים וּבְקוֹל שָׁאוֹן – כִּי כָכָה חָפֵץ אֲדוֹנִי. מֵהַיּוֹם וָהָלְאָה אֶהֱפָךְ-לִי קוֹל מְלַחֲשִׁים. שְׂפַת לִבִּי תֵהָפֵךְ לְהֶמְיַת שִׁיר בִּדְמָמָה.
בְּנֵי-אָדָם נֶחְפָּזִים לְשׁוּק הַמֶּלֶךְ. כָּל-הַקּוֹנִים וְהַמּוֹכְרִים הִנֵּה נִקְבְּצוּ שָׁמָה. רַק לִי נִתְּנָה חֻפְשָׁה בַחֲצוֹת הַיּוֹם בְּטֶרֶם מוֹעֵד בְּעוֹד הָעֲבוֹדָה רַבָּה.
יָצִיצוּ נָא אֵפֹא הַפְּרָחִים בְּתוֹךְ גַּנִּי אַף אִם-עִתָּם לֹא בָאָה עוֹד. תָּבֹאנָה נָא גַם הַדְּבֹרִים בַּצָּהֳרַיִם וְעָנוּ אַחֲרֵיהֶם אֶת-הֶמְיָתָן הַיְּגֵעָה.
יָמִים רַבִּים עָבְרוּ לִי בְּמִלְחֶמֶת הַטּוֹב וְהָרָע, וְעַתָּה הִנֵּה הָיָה דָבָר עִם-בֶּן-שַׁעֲשֻׁעַי אֲשֶׁר הָיָה לִי בִימֵי הָעַצְלוּת לְבַקֵּשׁ מִמֶּנִּי לְהַצְמִיד אֶת-לִבִּי אֵלָיו. וַאֲנִי לֹא יָדַעְתִּי לָמָּה-זֶּה לִי עַתָּה הַקְּרִיאָה הַזֹּאת אֲשֶׁר נִקְרֵאתִי לְדָבָר אֵין-מוֹעִיל וְאֵין-חֵפֶץ בּוֹ!
צ
בְּיוֹם דְּפֹק הַמָּוֶת עַל-דַּלְתְּךָ, מַה-תֹּאמַר לָתֶת-לוֹ מִנְחָה?
הִנֵּה אֲנִי שָׂם לִפְנֵי אוֹרְחִי אֶת-כּוֹס-חַיַּי הַמְּלֵאָה – לֹא אֶתֶּן-לוֹ לַעֲבוֹר בְּיָדַיִם רֵיקוֹת.
אֶת-כָּל-מֶתֶק בְּצִירִי אֲשֶׁר לִימֵי סְתָוִי וְלֵילוֹת קֵיצִי, אֶת-כָּל-הַקָּצִיר וְכָל-הַלֶּקֶט אֲשֶׁר לַעֲמַל חַיַּי אָשִׂים לְפָנָיו בְּאַחֲרִית יָמַי בִּדְפֹק הַמָּוֶת עַל-דַּלְתִּי.
צא
הוֹי אַתָּה הַגְּמוּל הָאַחֲרוֹן אֲשֶׁר לְחַיַּי, אַתָּה הַמָּוֶת, אַתָּה מוֹתִי, בֹּא וּלְחַשׁ לִי אֶת-דְּבָרְךָ בְאָזְנִי!
מִיּוֹם אֶל-יוֹם צִפִּיתִי אֵלֶיךָ; לְמַעַנְךָ נָשָׂאתִי אֶת-מַנְעַמֵּי הַחַיִּים וְאֶת-מְצֻקּוֹתֵיהֶם.
כָּל-אֲשֶׁר הִנְנִי וַאֲשֶׁר-לִי וַאֲשֶׁר קִוִּיתִי וַאֲשֶׁר אָהַבְתִּי – הִנֵּה שָׁטַף כָּל-זֶה תָמִיד אֵלֶיךָ אֶל-תּוֹךְ מַעֲמַקֵּי סְתָרֶיךָ. זֶה מַבַּט-עֵינְךָ הָאַחֲרוֹן וְזוּ חַיַּי יִהְיוּ אֲחָדִים עַתָּה לָנֶצַח.
הָיוּ הַצִּיצִים לְמִקְלַעַת, נְכוֹנָה עֲטֶרֶת הַפְּרָחִים לֶחָתָן. הִנֵּה תַעֲזוֹב הַכַּלָּה אֶת-בֵּיתָהּ אַחֲרֵי הַחֲתֻנָּה וּתְקַדֵּם פְּנֵי אֲדוֹנָהּ יְחִידָהּ בְּדִמְמַת הַלַּיְלָה.
צב
יָדַעְתִּי כִּי-יָבֹא יוֹם וְנִסְתְּרוּ פְנֵי הָאֲדָמָה הַזֹּאת מִנֶּגֶד עֵינַי וְעָזְבוּ אוֹתִי חַיַּי דּוּמָם וְיָרַד הַמָּסָךְ הָאֲחָרוֹן עַל-עֵינָי.
רַק הַכּוֹכָבִים יַעַמְדוּ עַל-מִשְׁמַרְתָּם בַּלַּיְלָה וְהַשַּׁחַר יַעֲלֶה כְּבָרִאשׁוֹנָה וְהַיָּמִים יִסְעֲרוּ כְמוֹ גַלֵּי-יָם וְיִשְׂאוּ עִמָּהֶם שְׂמָחוֹת וּמְצוּקוֹת.
כִּי אַעֲלֶה עַל-לִבִּי אֶת-קֵץ-רְגָעַי זֶה וְסָר מנֶּגֶד עֵינַי הַגְּבוּל אֲשֶׁר לִרְגָעִים. אָז אַבִּיט לְאוֹר הַמָּוֶת אֶת-עוֹלָמְךָ עִם אוֹצְרוֹתָיו בְּאֵין דְּאָגָה. נִבְחָר בּוֹ כָּל-מוֹשָׁב דַּל, נִבְחָר בּוֹ כָּל-חֵלֶק-חַיִּים קָטָן!
וְזֶה אֲשֶׁר שָׁאַפְתִּי אֵלָיו לַשָּׁוְא וְזֶה אֲשֶׁר הִשַּׂגְתִּי – כָּל-זֶה יַעֲבָר-נָא וְיַחֲלוֹף. רַק תֵּן-לִי אֶת-זֶה אֲשֶׁר בָּזִיתִי תָמִיד וַאֲשֶׁר לֹא שָׂמְתִּי אֵלָיו לֵב.
צג
עַתָּה הנְנִי הוֹלֵךְ. אִמְרוּ לִי שָׁלוֹם, אֶחָי! הִנֵּה אָנֹכִי מִשְׁתַּחֲוֶה לָכֶם וְאָנֹכִי יוֹצֵא לַדָּרֶךְ.
פֹּה אָנֹכִי מֵשִׁיב אֶת-הַמַּפְתְּחוֹת אֲשֶׁר לְדַלְתִּי – וְאָנֹכִי מַשְׁמִיט יָדַי מִכָּל-מִשְׁפָּט אֲשֶׁר אֶל-הַבַּיִת הַזֶּה. רַק דְּבָרִים אֲחָדִים טוֹבִים אָנֹכִי שֹׁאֵל מֵעִמָּכֶם בְּאַחֲרִיתִי.
שְׁכֵנִים הָיִינוּ יָמִים רַבִּים, וַאֲנִי הִנֵּה קִבַּלְתִּי שִׁבְעָתַיִם מֵאֲשֶׁר יָכֹלְתִּי תֵּת. עַתָּה הִנֵּה עָלָה הַשַּׁחַר וְהַמְּנוֹרָה אֲשֶׁר הֵאִירָה לִי אֶת-פִּנָּתִי הַחֲשֵׁכָה הִנֵּה כָלָתָה. בָּאָה אֵלַי קְרִיאָה מִטַּעַם הַמַּלְכוּת וְאָנֹכִי נָכוֹן לַדָּרֶךְ.
צד
כֵּי אֵצֵא לַדֶּרֶךְ, וּנְתַתֶּם לִי אֶת-בִרְכַתְכֶם, רֵעָי! הַשָּׁמַיִם מַזְהִירִים בְּאוֹר הַשַּׁחַר וְדַרְכִּי נֶחְמָד.
אַל-נָא תִשְׁאֲלוּ מַה-זֶּה אָנֹכִי לוֹקֵחַ עִמִּי. הִנְנִי יוֹצֵא לַדֶּרֶךְ בְּיָדַיִם רֵיקוֹת וּבְלֵב מָלֵא תוֹחֶלֶת.
אֶת-עֲטֶרֶת הַפְּרָחִים אֲשֶׁר לְיוֹם חֲתֻנָּתִי אָשִׂים בְּרֹאשִׁי. אַל לְאִישׁ כָּמוֹנִי הָאַדֶּרֶת הָאֲדַמְדֶּמֶת אֲשֶׁר לְעוֹבְרֵי אֹרַח וְגַם אִם חַתְחַתִּים בַּדֶּרֶךְ וְרָעוֹת רַבּוֹת – לֹא אֵדַע יִרְאָה בְנַפְשִׁי.
כּוֹכַב-הַלַּיְלָה יַעֲלֶה כַּאֲשֶׁר תִּתֹּם דַּרְכִּי וְקִינוֹת תַּמְרוּרִים אֲשֶׁר לִזְמִירוֹת הָעֲלָטָה תִשָּׁמַעְנָה בְשַׁעֲרֵי חַצְרוֹת הַמֶּלֶךְ.
צה
לֹא אֶזְכּוֹר הָרֶגַע אֲשֶׁר צָעַדְתִּי בַּפַּעַם הָרִאשׁוֹנָה עַל-מִפְתַּן הַחַיִּים.
בַּמֶּה גָדַל כֹּחָם כִּי פֻתַּחְתִּי בְּתוֹךְ הַחִידָה הַגְּדוֹלָה הַזֹּאת כְּצִיץ הַיַּעַר בַּחֲצִי לָיְלָה?
כִּי רָאִיתִי אֶת-הָאוֹר בַּבֹּקֶר וְיָדַעְתִּי פִתְאֹם כִּי לֹא נָכְרִי אֲנִי עַל-פְּנֵי הָאֲדָמָה הַזֹּאת וְכִי דָבָר אֲשֶׁר לֹא יָדַעְתִּי מַה-הוּא וְלֹא יָדַעְתִּי שְׁמוֹ וְלֹא יָדַעְתִּי דְמוּת לוֹ לְקָחְנִי אֶל-בֵּין זְרוֹעוֹתָיו – הֲלֹא זֶה אִמִּי.
וְגַם בְּמוֹתִי יְבוֹאֵנִי דָבָר אֲשֶׁר לֹא-יָדַעְתִּי וִיהִי לִי נוֹדָע. וְיַעַן-כִּי אָהַבְתִּי אֶת הַחַיִּים הָאֵלֶּה, לָכֵן יָדַעְתִּי כִּי-כָכָה אֹהַב גַּם אֶת-הַמָּוֶת.
הִנֵּה בֹכֶה הַיֶּלֶד בְּהִלָּקְחוֹ מֵעִם-הַשַּׁד הַיְמָנִי אֲשֶׁר לְאִמּוֹ, אֶפֶס בְּעוֹד-רֶגַע וְנִחַם בַּשַּׁד הַשְּׂמָאלִי.
צו
כִּי אֵצֵא מִזֶּה, תְּהִי-נָא מִלַּת-הַפְּטוּרִים הָאַחֲרוֹנָה אֲשֶׁר לִי לֵאמֹר: כָּל-אֲשֶׁר רָאִיתִי פֹה אֵין טוֹב מִמֶּנּוּ.
טָעַמְתִּי מִן-הַמֶּתֶק הַנִּסְתָּר אֲשֶׁר לַלּוֹט הַזֶּה הַנָּפוֹץ עַל-פְּנֵי יַם-הָאוֹר וּבֵרַכְתִּיו – תְּהִי-נָא זֹאת מִלַּת-הַפְּטוּרִים הָאַחֲרוֹנָה אֲשֶׁר לִי.
בְּבֵית-שַׁעֲשֻׁעִים זֶה עִם-רִבּוֹא רִבֲבוֹת צוּרוֹתָיו הָיוּ שַׁעֲשֻׁעִים גַּם לִי. פֹּה רָאִיתִי אֶת-פְּנֵי-זֶה אֲשֶׁר אֵין לוֹ צוּרָה.
כָּל-בְּשָׂרִי וִיצֻרַי חָרְדוּ מִפְּנֵי מַגַּע-זֶה אֲשֶׁר נַעֲלָה מִכָּל-מַגַּע, וְאִם יֵשׁ-קֵץ אָז יָבֹא-נָא – תְּהִי-נָא זֹאת מִלַּת-הַפְּטוּרִים הָאַחֲרוֹנָה אֲשֶׁר לִי.
צז
כִּי שִׁעֲשַׁעְתִּי עִמְּךָ לֹא שָׁאַלְתִּי מֵעוֹדִי: מִי אַתָּה? לֹא יָדַעְתִּי מַעְצוֹר וְלֹא יָדַעְתִּי פַחַד וְחַיַּי הִלְּכוּ בִסְעָרָה.
בַּבֹּקֶר הַשְׁכֵּם עוֹרַרְתַּנִי מִשְּׁנָתִי כְּמוֹ חָבֵר נֶאֱמָן וְהוֹבַלְתַּנִי מִשִּׂמְחָה אֶל-שִׂמְחָה.
לֹא חָקַרְתִּי בַיָּמִים הָהֵם לָדַעַת אֶת-הֶגְיוֹן הַשִּׁירִים אֲשֶׁר שַׁרְתָּ לִי. חָרַד קוֹלִי לִקְרַאת צְלִילֵיהֶם וְלִבִּי רִקֵּד בִּי לְשִׁמְעָם.
עַתָּה הִנֵּה חָלְפָה עֵת הַשַּׁעֲשֻׁעִים – וּמָה הֶחָזוֹן אֲשֶׁר בָּא עָלַי פִּתְאֹם? הִנֵּה הָעוֹלָם וְעֵינָיו תְּלוּיוֹת אֶל-רַגְלֶיךָ וְהוּא עוֹמֵד לְפָנֶיךָ בְּיִרְאָה עִם-כָּל-כּוֹכָבָיו הַמַּחֲרִישִׁים.
צח
אַעְדְּךָ נִשְׁקִי וְעַטְרוֹת פְּרָחַי, כִּי הָיוּ לְךָ לְשָׁלָל בְּהִכָּנְעִי. לֹא כֹחִי הוּא לְהִמָּלֵט מִיַּד אֲשֶׁר גִּבּוֹר מִמֶּנִּי.
יָדַעְתִּי הֵיטֵב כִּי גַאֲוָתִי תִכָּנַע, כַּבְלֵי חַיַּי יִשָּׁבְרוּ בְּמַכְאוֹבוֹת לֹא-יִסָּפְרוּ וְלִבִּי הָרֵיק יִנְהַק בִּזְמִירָתוֹ כְמוֹ קָנֶה נָבוּב, עַד-כִּי תִמַּס אֶבֶן בִּדְמָעוֹת.
יָדַעְתִּי הֵיטֵב כִּי מֵאוֹת טַרְפֵּי הַלּוֹט לֹא לָנֶצַח יִהְיוּ סְגוּרִים וְסוֹד דִּבְשׁוֹ הַנִסְתָּר יִגָּלֶה.
מִתְּכֵלֶת הַשָּׁמַיִם תַּבִּיט עָלַי עַיִן וְתִקְרָא לִי בִדְמָמָה. לֹא יִשָּׁאֵר לִי דָבָר, לֹא דָבָר, וְרַק הַמָּוֶת יִקְרֵנִי לְרַגְלֶךָ.
צט
כִּי אַנַּח אֶת-הַמָּשׁוֹט מִיָּדִי, יָדַעְתִּי כִּי-תָבוֹא לְךָ הָעֵת לְקַחְתּוֹ אָתָּה. אֵת אֲשֶׁר-לַעֲשׂוֹת – יֵעָשֶׂה. אֶל-חִנָּם הַמִּלְחָמָה.
וְאַתָּה, לִבִּי, הֶרֶף יָדְךָ וּבִדְמָמָה שָׂא אֶת-דְּבַר הִכָּנְעֶךָ. שְׂמַח בְּחֶלְקְךָ הַטּוֹב כִּי תָנוּחַ דּוּמָם בַּאֲשֶׁר נִתַּן לְךָ מָקוֹם.
מְנוֹרוֹתַי תִּכְבֶּינָה לְכָל-רוּחַ קַל אֲשֶׁר יִשַּׁב בָּהֶן וְאִם אֲנַסֶּה לָשׁוּב וּלְהַעֲלוֹתָן וְשָׁכַחְתִּי אֶת-כָּל אֲשֶׁר מִסָּבִיב לִי.
אַךְ הַפַּעַם הַזֹּאת חָכַמְתִּי וַאֲחַכֶּה בַחֹשֶׁךְ וְאֶת-מַחֲצַלְתִּי אַצִּיעַ לִי עַל-פְּנֵי הָאֲדָמָה. וְאַתָּה אִם יִהְיֶה עִם-לְבָבְךָ, אֲדֹנָי, וּבָאתָ דּוּמָם וְכוֹנַנְתָּ בָזֶה אֶת-מוֹשָׁבֶךָ.
ק
אֶצְלָל-נָא בְּמַעֲמַקֵּי יַם-הַצוּרוֹת, כִּי קִוִּיתִי לִמְצֹא שָׁם אֶת-מִבְחַר הַפְּנִינִים אֲשֶׁר לַחֲדַל כָּל-צוּרָה.
אַל לִי לָשׁוּט עוֹד מֵחֹף אֶל-חֹף בְּסִירָתִי הַמְסֹעָרָה. הִנֵּה חָלְפוּ הַיָּמִים אֲשֶׁר זֶה הָיָה כָּל-מְשׂושִׂי לִהְיוֹת מוּטָל מִגַּל אֶל-גָּל.
עַתָּה הִנֵּה צָמְאָה נַפְשִׁי לָמוּת בֵּינוֹת לִבְנֵי אֵין-מָוֶת.
בְּהֵיכַל שְׁאוֹל עֲמֻקָּה, אֲשֶׁר שָׁם תִּרְעַשׁ הַזִּמְרָה עַל-פִּי מֵיתָרִים אִלְּמִים, שָׁם אָעִיר אֶת-נֶבֶל-חַיָּי.
אֲכוֹנְנֵהוּ וַאֲכִינֵהוּ לְשִׁירֵי עַד, וּבְהִשָּׁמַע קוֹל נַאֲקַת הַצְּלִיל הָאַחֲרוֹן וְאַנַּח אֶת-נִבְלִי בִדְמָמָה לְרַגְלֵי-זֶה אֲשֶׁר לוֹ הַדְּמָמָה.
קא
בִּזְמִירוֹתַי בִּקַּשְׁתִּיךָ כָּל-חַיָּי. הֵן הֵנָּה אֲשֶׁר נִהֲגוּנִי מִדֶּלֶת אֶל-דֶּלֶת וְעַל-פִּיהֶן יָדַעְתִּי אֶת-אֲשֶׁר מִסָּבִיב לִי מִדֵּי בַקְּשִׁי אֶת-עוֹלָמִי וּמִדֵּי נָגְעִי אֵלָיו.
שִׁירַי הֵם אֲשֶׁר פִּתְּחוּ לִי אֶת-אָזְנִי לְכָל-לִמּוּדַי אֲשֶׁר לָמַדְתִּי מֵעוֹדִי; הֵם נְתָנוּנִי לְהַבִּיט אֶת-נְתִיבוֹת הַסְּתָרִים וְהֵם גִּלּוּ לְנֶגֶד רוּחִי כּוֹכָבִים רַבִּים בִּרְקִיעַ לִבִּי.
הֵם הוֹלִיכוּנִי כָל-הַיּוֹם בֵּין-תַעֲלוּמוֹת אַרְצוֹת הַתַּעֲנֻגוֹת וְהַמְּצוּקוֹת – אַךְ מַה-מִּשְׁפַּט שַׁעֲרֵי הַהֵיכָל אֲשֶׁר הֱבִיאוּנִי שָׁמָּה בָּעֶרֶב בְּקֵץ דַּרְכִּי?
קב
הִתְהַלַּלְתִּי בְאָזְנֵי בְנֵי-אָדָם כִּי יְדַעְתִּיךָ. בְּכָל-מִפְעָלַי רָאוּ אֶת-תְּמוּנוֹתֶיךָ וָיָּבֹאוּ וַיִּשְׁאָלוּנִי: “מִי הוּא?” וַאֲנִי לֹא יָדַעְתִּי מָה אֶעֱנָם. אָז אֹמַר: “חַי אֲנִי אִם יָדַעְתִּי לְהַגִּיד”. וְהֵם יְנַאֲצוּנִי וְיֵלְכוּ מִמֶּנִּי וְיִלְעֲגוּ לִי – וְאַתָּה יוֹשֵׁב וּמְשַׂחֵק.
אָשִׂיחָה תָמִיד בְּשִׁירַי אֶת-שִׂיחִי עַל-אוֹדוֹתֶיךָ. מִלִּבִּי תִשְׁתַּפֵּךְ הַתַּעֲלֻמָה. וְהֵם יָבֹאוּ וְיִשְׁאָלוּנִי: “הַגֶּד-נָא לָנוּ אֶת-הֶהָגוּת הַצְּפוּנָה בָהֶם”. וַאֲנִי לֹא יָדַעְתִּי מָה אֶעֱנֵם. אָז אֹמַר: “הוֹי, מִי יוֹדֵעַ אֶת-הָגוּתָם!” וְהֵם יִלְעֲגוּ לִי וְיֵלְכוּ לָהֶם – וְאַתָּה יוֹשֵׁב וּמְשַׂחֵק.
קג
עִם-בִּרְכָתִי הָאַחַת, בִּרְכַּת שָׁלוֹם אֵלֶיךָ, אֱלֹהַי, תֶּן-נָא וְיֵרוֹמוּ כָל-חוּשַׁי בִּי וְנָגְעוּ אֶל-הָעוֹלָם אֲשֶׁר לְרַגְלֶיךָ.
כְּעָב מְטַר-תַּמּוּז הַשֹּׁאֵף לְמַטָּה עִם-סֵבֶל מֵימָיו אֲשֶׁר לֹא שֻׁפְּכוּ כֵּן יֵט-נָא גַם רוּחִי בִי לְמַטָּה אֶל-שַׁעַרְךָ עִם-בִּרְכַּת-הַשָּׁלוֹם הָאַחַת אֵלֶיךָ.
מִי-יִתֵּן וְאָסְפוּ יַחַד כָּל-זְמִירוֹתַי אֶת-צְלִילֵיהֶן הַשּׁוֹנִים וְהָיוּ לְשֶׁטֶף אֶחָד וְשָׁטְפוּ לְתוֹךְ יַם-הַדְּמָמָה עִם-בִּרְכַּת-הַשָּׁלוֹם הָאַחַת אֵלֶיךָ.
כַּעֲדַת עֲגוּרִים שֹׁאֲפִים הַבַּיְתָה אֲשֶׁר יִסְעוּ לַיְלָה וָיוֹם לָעוּף אֶל-קִנֵּיהֶן בֶּהָרִים, כֵּן תֶּן-נָא וְשָׁאֲפוּ כָל-חַיַּי לָבוֹא אֶל-בֵּית הַנֶּצַח אֲשֶׁר לָהֶם עִם-בִּרְכַּת-הַשָּׁלוֹם הָאַחַת אֵלֶיךָ.