כַּאֲשֶׁר יָשֹׁקּוּ עֲבֵי סְעָרָה בַּשָּׁמַיִם וְגִשְׁמֵי סִיוָן יֵרְדוּ אָרְצָה, –

אָז יָבוֹא רוּחַ לָח מִמִּזְרָח וְהִלֵּךְ וְעָבַר עַל־הָעֲרָבָה וְחִלֵּל עַל־פִּי שַׂק־חֲלִילוֹ בֵּין־עֲצֵי הַבַּמְבּוֹ.

וַהֲמוֹנֵי פְּרָחִים יֵצְאוּ פִתְאֹם עַל־פְּנֵי הַשָּׂדֶה, וְאֵין אִישׁ יוֹדֵעַ מֵאַיִן בָּאוּ, וְהֵם מְפַזְּזִים בְּמִצְהֲלוֹת שׁוֹבָבִים עַל־פְּנֵי הַדֶּשֶׁא.

אָמְנָם חָשַׁבְתִּי בְלִבִּי, אִמִּי, כִּי הוֹלְכִים הַפְּרָחִים גַּם־הֵם אֶל־בֵּית־סֵפֶר אֲשֶׁר מִתַּחַת לַאֲדָמָה.

וְחֹק לִמֻדִּים לָּהֶם לַעֲשׁוֹתוֹ וּלְכַלוֹתוֹ בְעִתּוֹ, וְהַדְּלָתוֹת סְגוּרוֹת בַּעֲדָם, וּבִהְיוֹת עִם־לִבָּם לָצֵאת חוּצָה לְשַׁעֲשֻׁעֵיהֶם בְּטֶרֶם בּוֹא מוֹעֵד לָהֶם, וְהִצִּיג אוֹתָם הַמּוֹרֶה בְּפִנַּת זָוִית.

בְּבֹא עֵת הַגֶּשֶׁם וּבָאוּ לָהֶם יְמֵי חַג חֻפְשָׁתָם.

הָעֲנָפִים יִתְדַּפְּקוּ בַיַּעַר יַחְדָּו, הֶעָלִים יִרְעֲשׁוּ לָאָרֶץ בִּמְשׁוּבַת רוּחַ, עָבֵי הָרַעַם יִמְחֲאוּ כַּפֵּיהֶם הַחֲזָקוֹת, וְיַלְדֵי הַפְּרָחִים יִתְפָּרְצוּ הַחוּצָה בִּלְבוּשׁ אָדֹם וְצָהֹב וְלָבָן.

הֲתֵדְעִי לָךְ, אִמִּי? – מָעוֹן לָהֶם בַּשָּׁמַיִם אֲשֶׁר שָׁם הַכּוֹכָבִים!

הַאִם לֹא רָאִיתְ כִּי־תַּעֲרוֹג נַפְשָׁם כָּכָה לָבוֹא שָׁמָּה? הַאִם לֹא תֵּדְעִי לָמָה הֵם נֶחְפָּזִים כָּכָה?

וְאָמְנָם לִבִּי מַגִּיד לִי אֶל־מִי הֵם נֹשְׂאִים אֶת־כַּפֵּיהֶם: אֵם לָהֶם שָׁמָּה כַּאֲשֶׁר גַּם־לִי אֵם.