רקע
יהודה הלוי
[אָסִיר מְשַׁחֵר אֶת פְּנַי רַבּוֹ]
mנחלת הכלל [?]
tשירה

 

ג

אָסִיר מְשַׁחֵר אֶת פְּנַי רַבּוֹ

בַּהֲרִיעוֹ יִנָּצֵל מִתְּנוּפַת חַרְבּוֹ

אֲדֹנָי אֳלֹהָיו עִמּוֹ וּתְרוּעַת מֶלֶךְ בּוֹ.

גָּמַר פִּקּוּדָיו בֵּין שְׁנֵי לְבָאוֹת

דֶּרֶךְ הֵיכַל מֶלֶךְ רָץ לְהֵרָאוֹת

מֶלֶךְ יִשְׂרָאֵל וְגֹאֲלוֹ אֲדֹנָי צְבָאוֹת

הַיּוֹם אֶזָּכַר בֵּינוֹת נֶאֱמָנָי

וִאֶפָּקֵד בְּאֹמְרִי לִקְהַל אֱמוּנָי

הָרִיעוּ לִפְנֵי הַמֶלֶךְ אֲדֹנָי

יוֹם הֲכִינוֹתוֹ וְאֶל דִּין הַיְקוּם יְעַדְתּוֹ

אֲדֹנָי לְמִשְׁפָּט שַׂמְתּוֹ

וְצוּר לְהוֹכִיחַ יְסַדְתּוֹ קָדוֹשׁ

זֵכֶר עָשָׂה לְחֶבֶל נַחֲלָתוֹ

חֶמְלָתוֹ הֵעִיר כִּי שָׁמַע אֶנְקָתוֹ

וַיִּזְכֹּר אֱלֹֹהִים אֵת בְּרִיתוֹ

טֶרֶף נָתַן לִירֵאָיו וְצֹאן יָדָיו

יוֹם עָמְדָם לַמִשְׁפָט כִּי הַכֹּל עֲבָדָיו

וַיִּזְכֹּר לָהֶם בְּרִיתוֹ וַיִּנָּחֵם כְּרֹב חֲסָדָיו

כְּהִתָּפֵשׂ בְּיַד חָזָק מִמֶּנּוּ

לוֹ הָמוּ מֵעָיו וַיֹּאמֶר רַחֵם אֲרַחֲמֶנּוּ

כִּי מִדֵּי דַּבְּרִי בּוֹ זָכֹר אֶזְכְּרֶנּוּ

מַאָז פֵּאַרְתָּנוּ עַל כָּל שֹׁכְנֵי עָפָר

נוֹרָאוֹת הֶרְאִיתָנוּ עַד אֵין מִסְפָּר

אֶת הַקּוֹלֹת וְאֶת הַלַּפִּידִים וְאֵת קוֹל הַשֹּׁפָר

סֶלָה נָתַן מַרְכְּבוֹתָיו יְשׁוּעָה

עֶדְרוֹ בִקֵּר לֶאֱסֹף אֶת הַצֹּלֶעָה

עָלָה אֱלֹהִים בִּתְרוּעָה

פְּזוּרֵי קְצָוֹת מִגּוֹי אֶל גּוֹי נָסָעוּ

צַפוּ דֶרֶךְ כַּיוֹם כִּי תָרִיעוּ וְתִתְקָעוּ

כִּנְשֹא נֵס הָרִים תִּרְאוּ וְכִתְקֹעַ שׁוֹפָר תִּשְׁמָעוּ

יָהּ הַקְשֵׁב וְהָשֵׁב דְּחוּפִים הַדְּחוּיִם

מִבָּשָׁן מִבֵּין שִׁנֵּי אֲרָיִים

לֵאוֹר בְּאוֹר הַחַיִים קָדוֹשׁ.

המלצות קוראים
תגיות