משירת ערב (תרגומים) / יהודה הלוי
אַשִׁישׁוֹת מִבְּלִי יַיִן 🔗
אַשִׁישׁוֹת מִבְּלִי יַיִן כְּבֵדוֹת
וְהֵם חֶרֶשׂ כְּכָל‑חַרְשֵׂי אֲדָמָה
וְאוּלָם מָלְאוּ יַיִן – וְקַלּוּ
כְּמוֹ תֵקַל גְּוִיָּה בַּנְּשָׁמָה.
יוֹם שִׁעֲשַׁעְתִּיהוּ עֲלֵי בִרְכַּי 🔗
יוֹם שִׁעֲשַׁעְתִּיהוּ עֲלֵי בִרְכַּי
וַיַרְא תְּמוּנָתוֹ בְאִישׁוֹנָי,
נָשַׁק שְׁתֵּי עֵינַי מְתַעְתֵּעַ –
אֶת‑ תָּאֳרוֹ נָשַׁק וְלֹא עֵינָי!
נְקַלּוֹתִי וְדַלּוֹתִי לְפֵרוּד 🔗
נְקַלּוֹתִי וְדַלּוֹתִי לְפֵרוּד
צְבִי וַיִּהְיוּ כַצֵּל יְצוּרָי,
עֲדֵי שַׂבְתִּי וְלֹא מֵרֹב שְׁנוֹתַי
(וְהֵן עֵדַי – שׁנֵי חַיַּי מְגוּרָי!)
אֲבָל שַׂבְתִּי בְּבִגְדוֹ בִי, וְאִלּוּ
יְשִׁיבֵנִי – יְשׁוּבוּן לִי נְעוּרָי.