הַלֵּל תְּמַלֵּל לְמָלֵא לֹא חָסַר
נִשְׁמַת כָּל חַי וְרוּחַ כָּל בָּשָׂר.
אֵין לְךָ דִמְיוֹן וְאֵין לְךָ עֶרֶךְ,
יָחִיד, אֲשֶׁר לְךָ תִכְרַע כָּל בֶּרֶךְ,
אָנָה מְקוֹמְךָ וְאֵין לְךָ דֶרֶךְ,
מוֹלִיךְ שִׁבְעָה עַל שְׁנֵים הֶעָשָׂר.
בּוֹרֵא שִׁבְעָה יְסוֹבְבוּן עַל שִׁבְעָה
וְכֵן אַרְבָּעָה כְּנֶגֶד אַרְבָּעָה,
זְכֹר נָא לְחֶבְלָךְ בְּרִית חוֹב וּשְׁבוּעָה,
כִּי אַתָּה שַׂחְתָּ לְקַיֵּם כָּל אִסָּר.
רָזוֹת תַּעֲבֹרְנָה עַל יְדֵי מוֹנֶה
וְעִיר עַל תִּלָּהּ מְהֵרָה תִבְנֶה
וְשָׁמָּה דֶגֶל מוּל דֶּגֶל יַחֲנֶה
וּכְאֵב יְרַחֵם עַל הַבֵּן הַמְיֻסָּר.
הַכֹּל יִכְלֶה – וְזִכְרָךְ לֹא יִכְלֶה,
הַכֹּל יִבְלֶה – וְשִׁמְךָ לֹא יִבְלֶה,
הַכֹּל חָסֵר – וְאַתָּה מָלֵא,
כִּי בְךָ יִדַּל דַּל, גַּם בְּךָ יָשֹׁר שָׂר.
מֶלֶךְ גָּדוֹל עַל כָּל אֱלֹהִים,
נוֹרָא וְנִשְׂגָּב מִשְּׁמֵי גְבוֹהִים,
הַכֹּל מִמְּךָ פּוֹחֲדִים וְרוֹהִים –
וְעַבְדְּךָ בְיִשְׁעֲךָ מְהֵרָה יְבֻשָּׂר.