רקע
יהודה הלוי
[נפשי פדות רע אשר אמצא בפיו]
mנחלת הכלל [?]
tשירה

נַפְשִׁי פְּדוּת רֵעַ אֲשֶר אֶמְצָא בְּפִיו

כָּל מִשְׁאֲלוֹת לֵב כִּי בְזֹאת פָּדָנִי

יִסֹּב לְבָבוֹ עַל דְּבַר סוֹדִי וְכֵן

כָּל מַחְשְׁבוֹתָיו אֵדְעָה גַם אָנִי

חֵלֶק בְּנַפְשִׁי לוֹ וְלִי חֵלֶק בְּמוֹ

נַפְשׁוֹ וְנִסִיתִיו וְהוּא נִסָּנִי

כָּל מַעֲשַׂי חֶפְצוֹ וְחֶפְצִי מַעֲשָׁיו

כִּי הֶאֱמַנְתִּי פִיו וְלֹא הִמְרָנִי

שַׂמְתִּיו בְּתוֹךְ נֶפֶשׁ וְלֵב נִכְבָּד מְאֹד

מִנִּי עֲלֵי נַפְשִׁי וְכֵן שָׂמָנִי

לוּ כָּל קְרָבַי אֶתְּנָה בוֹ לַזְּמָן

צָלְחָה סְחֹרָתי וְלֹא רִמָּנִי

המלצות קוראים
תגיות