Josef Carmi

[חי במוֹדָנָה במחצית הראשוֹנה של המאה הי"ז]

תוֹכֵחָה (קֶטַע)

אֶרֶץ אֶרֶץ אָרֶץ מַה־תֶּהֱמִי עָלַי / וְתֹאחֲזִי בְשׁוּלַי / לְהַסְתִּירֵנִי

בְּסֵתֶר אָהֳלֵךְ / וְלִשְׁכַּב עוֹד אֶצְלֵךְ / אִם תְּרוֹפַפְנָה עַמּוּדַיִךְ /

וְתִמּוֹטְנָה יְסוֹדוֹתַיִךְ / הֵן בָּךְ יַד הַהֶעְדֵּר הוֹיָה / וְכוֹסֵךְ רֹאשׁ

רְוָיָה / לֹא יִנָּקֶה כָל בָּךְ נוֹגֵעַ / אִם־חָכָם אִם־מִשְׁתַּגֵּע / אֲדַמֵּךְ

לְאֵשֶׁת זְנוּנִים / יְקָרָה הִיא מִפְּנִינִים /הַצְּמִידִים עַל־יָדֶיָה

וּצְרוֹר הַמֹּר בֵּין שָׁדֶיהָ / קְוצֻּוֹתֶיהָ בְּזָהָב תַּעְצֹר / וְשֵׁשׁ

וְאַרְגָּמָן תִּקְשֹׁר / וְהִנֵּה תַּחְתֶּיהָ תַעֲמֹד הַבֶּהָרֶת / נֶגַע צָרַעַת מַמְאָרֶת.

אֶרֶץ כָּכָה רִמִּיתִינִי / וְהַכְרֵעַ הִכְרַעְתִּינִי / כִּי אַךְ לַאֲוֵיר הָעוֹלָם

הוּבֵאתִי / מֵאִתָּךְ נִקְרֵאתִי / וַתַּעַבְרִי לְפָנַי / כְּעֶרֶךְ שָׁנַי /

בְּכֵלִים מִכֵּלִים שׁוֹנִים / וְרוּחַ הַחַיָּה בָּאוֹפַנִּים / הֵן לִמַּדְתִּינִי

מִנְּעוּרַי / לְבִלְתִּי שְׁמֹעַ לְקוֹל מוֹרַי / עַד מִפִּרְיֵךְ יַשְׂבִּיעוּנִי /

וּבִנְאוֹת דֶּשֶׁא יִרְעוּנִי /וְכִי נַפְתּוּלֵי אֱלֹהִים נִפְתַּלְתִּי / כִּי

בְּבֵית הַמִּדְרָשׁ שֻׁתַּלְתִּי / תִּתְרָאִי לִי בְעָרְמָה / בְּבִגְדֵי־חֹפֶשׁ

וְרִקְמָה / אָז אֶתְאַו לְאֵפוֹד בַּד וּמְעִיל / וְעַד אֵינֶנּוּ לְפִי צָמִיד

פָּתִיל / אַחֲרֵי־כֵן בְּאִסְתִּירָא בִלְגִינָא קִישׁ קִישׁ קַרְיָא / מָעָה

וְדִינָר וּפוּנְדְּיוֹן / סֶלַע דַּרְכּוֹן וְדַרְכְּמוֹן / תָּשׁוּבִי אֵלַי שְׁלִישִׁיָּה /

וּבִלְעָדָם נֶאֱלַמְתִּי דוּמִיָּה / וְכִי שָׁרְשִׁי פָתוּחַ אֱלֵי־מָיִם / יַתְחִיל

לְהָצִיץ מִיּוֹמָיִם / אוֹתוֹ תַשְׁחִיתִי וְתַכְרִיתִי בְהַמְצָאוֹתַיִךְ / כִּי

תִקְחִינִי בַּחֲלַקְלַקּוֹתַיִךְ / לָשׁוּט בָּאָרֶץ וּלְהִתְהַלֵּךְ בָּהּ / לְאָרְכָּהּ

וּלְרָחְבָּהּ / עַל־הֶהָרִים הָרָמִים / וְלִרְכֹּב אֳנִיּוֹת בְּלֵב יַמִּים /

בַּמִּדְבָּר וּבָעֲרָבָה / מִדַּמֶּשֶׂק עַד־חוֹבָה / וּדְבַר יְיָ / כְּסֵפֶר

הֶחָתוּם לְעֵינָי / כִּי תֹאמְרִי "מַה־בֶּצַע בְּדָמֶךָ / כִּי יִמְלְאוּ

יָמֶיךָ / וְשָׁכַבְתָּ עִם־אֲבוֹתֶיךָ / וְכָל־יְקָר לֹא רָאֲתָה עֵינֶךָ / הֲלֹא

טוֹב לָךְ / עוֹדְךָ בָּחוּר וָרַךְ / לֶאֱחֹז בָּזֶה וְגַם מִזֶּה /כְּבֹא מוֹעֵד

צֵאתֶךָ / תִּכָּבֵד וְתֵשֵׁב בְּבֵיתֶךָ / וְתִקַּח מִפִּרְיוֹ וְתֹאכַל" / וְכִי

בְאֵלֶּה כַּף רַגְלַי / לֹא נִסּוּ וּמַעְגָּלַי / הֵן תַּרְהִיבֵנִי בְנַפְשִׁי עֹז /

לֵירֵד אֶל־גִּנַּת אֱגוֹז / רַחַם וְרַחֲמָתַיִם / עֶרֶב וָבֹקֶר וְצָהֳרַיִם /

וְשָׁמָּה אֶרְוֶה דֹדִים / אֶתְעַלֵּס בָּאֳהָבִים / אוֹ לָלֶכֶת אֶל־מִשְׁתֵּה

הַיַּיִן / עַד מוֹתָרִי מִן־הַבְּהֵמָה אָיִן / אוֹ לַחֲגֹר חֶרֶב עַל־

חֲלָצַיִם / קַסְדָּא וְשִׁרְיוֹן וּמְגָפַיִּם / אוֹ לִלְבּשׁ כְּתֹנֶת פַּסִּים /

בְּגֵאָה וְגָאוֹן וַחֲמָסִים / אוֹ בְכִנּוֹר שִׁיר עֲגָבִים הַחְבִּיר / וְאֵשׁ

זָרָה בִּלְבָבוֹת הַבְעִיר / וְנוֹסַף עַל־אֵלֶּה כַּמֶּה וְכַמָּה / אֶרֶץ

רַבַּת הַמְּהוּמָה /אֲשֶׁר בָּם גְּדוּד תִּגְדֹדִי / וְנֶפֶשׁ יְקָרָה תָצוּדִי.

נַפְשִׁי נַפְשִׁי אִם הָאֲרוּרָה הַזֹּאת / לַאֲלָפִים וְלִרְבָבוֹת / חֲלָלִים

הִפִּילָה / הֵן לֹא נִתְבּוֹנֲנָה וְנַשְׂכִּילָה / הֲנֹאמְרָה שָׁלוֹם / וְהִנֵּה

חֲלוֹם / הֲלֵב נַקְשֶׁה / וְהַנּוֹשֶׁה יַשֶּׁה / הֲנִיגַע לְהַעֲשִׁיר / וְהִנֵּה

מָוֶת בַּשִּׁיר / הֲנַעֲלֶה אֵבֶר / וּמָחָר בַּקֶּבֶר / כִּי גַם־בָּנוּ הִפִּילָה

הַגּוֹרָל / וּשְׁתֵה גַם־אַתָּה וְהֵעָרֵל / הֵן אָמְרָה בִלְבָבָהּ / וַתֶּאְסֹר

אֶת־רִכְבָּהּ עִם אַף וְחֵמָה / לַעֲרֹךְ מִלְחָמָה / כִּי רָשָׁע רַע

כְּבֹא יוֹם נָפְלוֹ / אֶרֶץ מִתְקוֹמָמָה לוֹ.