רקע
משה בן יעקב אבן עזרא
[כֹּחַ לֹא עָצַרְתִּי]
mנחלת הכלל [?]
tשירה

לקרובה א'


כֹּחַ לֹא עָצַרְתִּי לִפְנֵי הַמֶּלֶךְ

אִם תַּעֲלֶה חֲמַת הַמֶּלֶךְ: [ש"ב' יא, כ]

נִבְעַת אֲנִי מִלִּפְנֵי הַמֶּלֶךְ

נַהַם כַּכְּפִיר אֵימַת מֶלֶךְ: [מש' כ, ב]

יוֹם צֵאת מִשְׁפָּטִי מִלִּפְנֵי הַמֶּלֶךְ

יִזְכָּר-נָא אֲדֹנִי הַמֶּלֶךְ: [ש"ב' יד, יא]

מְבַשֵּׂר מֵאֵת פְּנֵי הַמֶּלֶךְ

מִי אַתָּה קָרָאתָ אֶל הַמֶּלֶךְ: [ש"א' כו, יד]

שַוְעֲךָ שָׁמַע וַיְצַו הַמֶּלֶךְ

שֶׁיָבוֹא אַחֲרֵי הַמֶּלֶךְ: [קה' ב, יב]

הֱבִיאוּהוּ לִפְנֵי הַמֶּלֶךְ

הַמְשָׁרְתִים אֶת פְּנֵי הַמֶּלֶךְ: [אס' א, י]

בִּכְיוֹ הִכְנִיסוֹ בְּהֵיכַל הַמֶּלֶךְ

בֵּית אֲדֹנָי וּלְבֵית הַמֶּלֶךְ: [מל"א' י, יב]

רְנָנָיו יָבִיאוּ בְחַדְרֵי הַמֶּלֶךְ

רֹאֵי פְּנֵי הַמֶּלֶךְ: [אס' א, יד]

יָלִיצוּ יֹשֶׁר לִפְנֵי הַמֶּלֶךְ

יַעֲשֶׂה אֲדֹנִי הַמֶּלֶךְ: [דהי"א' כא, כג]

עֵת יִשָּׁפְטוּ גוֹיִם עַל פְּנֵי הַמֶּלֶךְ

עֶשֶׂר יָדוֹת לִי בַמֶּלֶךְ: [ש"ב' יט, מד]

קֹדֶם קָרְאִי יִשְּׁמַע הַמֶּלֶךְ

קוֹלִי אֲדֹנִי הַמֶּלֶךְ: [ש"א' כו, יז]

בִּעוּתֵי קִצְפּוֹ וַחֲמַת הַמֶּלֶךְ

בְּלֵב אוֹיְבֵי הַמֶּלֶךְ: [תה' מה, ו]

מַפִּיל אֲנִי תְחִנָּתִי לִפְנֵי הַמֶּלֶךְ

בְּבֵית קֹדֶשׁ וּמִקְדַּשׁ מֶלֶךְ: [עמ' ז, יג]

המלצות קוראים
תגיות