– – ͝ – – – ͝ – – – –

יָרֵא וְרַךְ לֵבָב, וְאֵיךְ פָּחַדְתָּ

לַיְלָה וְיוֹמָם עַל־דְּבַר אִשְׁתֶּךָ

וּלְבָשְׁתְּךָ כָזֹאת לְחֶרְפָּתֶךָ

כִּי עַרְשְׂךָ בִּכְסוּת רְתֵת רִפָּדְתָּ.

הִנֵּה כְאַיָּלִים הֲלֹא רָקַדְתָּ

מִפֶּהֹ וְגַם מִפֹּה, בְּתוֹךְ בֵּיתֶךָ

רַעַד וּפַלָּצוּת, סְבִיבוֹתֶיךָ

יוֹקְשִׁים הֲלֹא תִרְאֶה וְלֹא נִלְכָּדְתָּ.

הַשְׁלֵךְ מְעִיל קִנְאָה וְסוּת הַפַּחַד

מֵעִמְּךָ הָסֵר, וְשִׂימָה שֵׂבֶר

עַל־יַעֲלַת־חֵן אוֹֽתְךָ אוֹהָבֶת.

בִּזְדוֹֽנְךָ וּבְמֶרְיְךָ גַּם־יַחַד

אִם תַּעֲמֹד, תִּהְיֶה לְךָ אוֹיָבֶת

וּשְׂחוֹק יְהִי שִׁמְךָ בְּפִי כָּל־גָּבֶר.