מֶלֶךְ בְּיָפְיוֹ תֶחֱזֶינָה עֵינֶיךָ
(ישעיה ל“ג, י”ז)
כּוֹכָב מַזְהִיר עוֹלֶה שָׁם בָּרָקִיעַ
מִנֹּגַהּ נֶגְדוֹ מְשַׁלֵּחַ קַרְנָיִם
הִנֵּה הוּא לִשְׁמֵי אַרְצֵנוּ הִגִּיעַ
נֶחְמָד לַמַּרְאֶה וְתַאֲוָה לָעֵינָיִם
בְּרָן־יַחַד כָּל־כּוֹכְבֵי אוֹר רִנָּה יִשָּׂאוּ
וְכָל־בְּנֵי אֱלֹהִים יָרִיעוּ הֵדָד יִקְרָאוּ!
שִׂישִׂי גַלִּיצִיָּה צַהֲלִי וּשְׂמָחִי
כּוֹכַב אוֹרְךָ זֶה עָלַיִךְ זוֹרֵחַ
הָרִיעִי לִקְרָאתוֹ כִּי הַיּוֹם תִּצְלָחִי
הִנֵּה יִשְׁעֵךְ בָּא אָשְׁרֵךְ פּוֹרֵחַ
שְׂאִי סָבִיב עֵינַיִךְ הָאִירִי פָּנָיִךְ
בֶּן־מֶלֶךְ בְּיָפְיוֹ תֶחֱזֶינָה עֵינָיִךְ!
הִתְיַפִּי גַלִּיצִיָּה לִבְשִׁי תִפְאֶרֶת
עֲדִי עֲדִי זָהָב יַפִּי חוֹמוֹתַיִךְ
הִתְפָּאֲרִי הִכּוֹנִי אֶרֶץ מְאֻשֶּׁרֶת
וְיָבוֹא בֶן־מֶלֶךְ הַכָּבוֹד שְׁעָרַיִךְ
מִי זֶה בֶן־מֶלֶךְ הַכָּבוֹד הָאוֹרֵחַ?
רֻדָלְף בֶּן פְרַנְץ יוֹסֵף מוֹשֵׁל מְנַצֵּחַ
רֵאשִׁית בּוֹאוֹ אֵלַיִךְ זֹאת הַפָּעַם
לִשְׁכּוֹן כָּבוֹד בְּתוֹכֵכִי גַלִּיצִיָּה
מֶלֶךְ וְחָכָם מוֹשֵׁל מַשְׂכִּיל בְּטוּב טָעַם
לְשֵׁבֶט מַלְכוּתוֹ כִּפְלַיִם לְתוּשִׁיָּה
כֶּתֶר תּוֹרָה וְכֶתֶר מַלְכוּת מִשָּׁמָיִם
הֵמָּה יְכַלְּלוּ יָפְיוֹ מָנָה אַפָּיִם!
מַה־נִּכְבַּדְתְּ הַיּוֹם אַתְּ לְבוּב עִיר הוֹמִיָּה
כִּי בָךְ תִּדְרֹךְ נַפְשׁוֹ עֹז בְּהַדְרַת קֹדֶשׁ
בָּךְ קִרְיָה נֶאֱמָנָה בִּירַת גַּלִּיצִיָּה
הַיּוֹם בַּשְּׁבִיעִי בַּשֵּׁנִי לַחֹדֶשׁ!
הִנֵּה זֶה הוֹד וְהָדָר יְשַׁוֶּה עָלָיִךְ
בֶּן מֶלֶךְ בְּיָפְיוֹ תֶּחֱזֶינָה עֵינָיִךְ!
גַּם יִשְׂרָאֵל כָּעַמִּים יִשְׂמַח בַּשָּׁעַר
לִקְרַאת בֶּן מַלְכּוֹ יֵצֵא בְּהַדְרַת קֹדֶשׁ
כָּל־קְדוֹשָׁיו עִמּוֹ כַּזָּקֵן כַּנָּעַר
הַיּוֹם בַּשְּׁבִיעִי בַּשֵּׁנִי לַחֹדֶשׁ
גַּם עָלָיו כּוֹכָב זֶה יְשַׁלַּח קַרְנָיִם
בֶּן־מַלְכּוֹ בְּיָפְיוֹ יֶחֱזֶה בָעֵינָיִם!
דָּרַךְ כּוֹכָב מִבֵּית הַבְּסְבֻּרְגְּ אוֹר זָרוּעַ
וְאַדְמַת גַּלִּיצִיָּה נִקְדְּשָׁה בִּכְבוֹדוֹ
חֹטֶר מִגֶּזַע רֻדָלְף צַדִּיק יָדוּעַ
צֹאן מַרְעִיתוֹ יְחַכֵּם וְעִם יְשָׁרִים סוֹדוֹ
יוֹם זֶה יְפֹאָר יוֹם סְגֻלָּה כְדִבְרֵי יָמֵינוּ
בּוֹ בֶּן־מֶלֶךְ בְּיָפְיוֹ תֶּחֱזֶינָה עֵינֵינוּ!
בן־יהודה.