כתובת: על פטירת אחי דון יוסף אשר ימיו קמטו בלא עת
לִבִּי יְעוֹרֵר הִי וְיָרִים קוֹל נְהִי / עַל מַחֲמַד עֵינִי וּמַר אַצְרִיחַ
אֶדְאַב וְאֶתְעַצַּב בְּלֵב נִכְאָב כְאָב / עַל בֵּן אֲשֶׁר יֹאהַב וְגִיל אַשְׁכִּיחַ
אֶבְכֶּה בְלֵב נִדְכֶּה וְכַף אַכֶּה וּבִי / לִבִּי שְׁאוֹן עָצְבִי כְסִיר יַרְתִּיחַ
אֶלְבַּשׁ בְּצוּקִי שַׂק מְקוֹם בַּהַט וְדָר / דַּרְדָּר בְּגַנִּי דָר וְקוֹץ הִצְמִיחַ
נִכְלָם וְנֶאְלָם אֶשְׁכְּנָה וָאֶתְּנָה / עַל דַּל שְׂפָתַי מַחֲסֹם וּבְרִיחַ 5
מַר אֶצְרְחָה רֹאשׁ אֶקְרְחָה גַם אֶשְׁכְּחָה / שִׂמְחָה וְגִיל מֵאָהֳלִי אַבְרִיחַ
אֵיךְ אֶמְצְאָה נַחַת וְלֹא אֵחַת בְּעֵת / אוֹתִי בְרֹגֶז אַף בְּכִי יַטְרִיחַ