רקע
אברהם אבן עזרא
אל אלהים כלתה נפשי
mנחלת הכלל [?]
tשירה

[אל אלהים כלתה נפשי] / ר' אברהם אבן-עזרא


אֶל אֱלֹהִים כָּלְתָה נַפְשִׁי, / אֶזְכְּרֶנוּ וּתְחִי נַפְשִׁי.


אֶל יְשׁוּעוֹת אֵלִי אוֹחֵל, / יַאֲמִין בּוֹ לֵבָב זוֹחֵל,

אִם יְחַיֶּה אוֹ יָמִית – חֶלְ- / קִי יְיָ, אָמְרָה נַפְשִׁי.


בַּהֲסִירִי אֶת לֵב וָלֵב / אֶצְעֲקָה אֶל אֵל מִטּוּב לֵב,

בּוֹ הֲגִיגִי וּכְמוֹ חֵלֶב / אוֹ כְדֶשֶׁן תִּשְׂבַּע נַפְשִׁי.


רָאֲתָה עֵינוֹ כָּל נֶעְלָם, / עִם אֲדוֹן כֹּל אֶסְכֹּן אֶשְׁלָם.

אֶרְצְעָה אָזְנִי וּלְעוֹלָם / אֶעֱבֹד, לֹא אֵצֵא חָפְשִׁי.


מָתְקָה בִּשְׁמוֹ כּוֹס רַעַל / לִי וְלֹא אֶשְׁאַל מַה פָּעַל,

אַעֲלֶה אֶת מַהְלָלוֹ עַל / פִּי וְעַתָּה יָרוּם רֹאשִׁי.

המלצות קוראים
תגיות