סימן: משה קטן
מָרוֹם אַיֵּה חֲסָדֶיךָ / נִשְׁבַּעְתָּ לַחֲסִידֶיךָ
שׁוּבָה אֲדֹנָי עַד מָתָי / וְהִנָּחֵם עַל עֲבָדֶיךָ: [תה' צ, יג]
שׁוּבָה לָעֵדֶר וְצֹאן טֶרֶף / נְתַתּוֹ בְּפִי עוֹבְדֵי תֶרֶףהַצֵּל פְּלִיטָיו וְאַל תֶּרֶף / יָדֶיךָ מֵעֲבָדֶיךָ: [יהוש' י, ו]
הוֹזִים בְּשִׁבְיָם וְנִרְדָּמִים / עוֹרֵר, סְדוּרוֹת עוֹלָמִים,חוּס נָא וְנַחֵם שׁוֹמֵמִים / וְדַבֵּר עַל לֵב עֲבָדֶיךָ: [ש"ב, יט, ח]
קוֹמֵם וְהַצֵּב גְּבוּלֶיךּ / וּבְנֵה מְכוֹן בֵּית זְבוּלֶךָוְיִשַּע הֲדָרְךָ לְפָעֱלֶיךָ / יֵרָאֵה אֶל עֲבָדֶיךָ: [תה' צ, טו]
טָבוּעַ בְּמֵי חֲרוֹנֶיךָ / דַּל הוּא וְחָרֵד לְדִינֶךָיִזְכֶּה וְתִיקַר בְּעֵינֶיךָ / נַפְשִׁי וְנֶפֶשׁ עֲבָדֶיךָ: [מל"ב א,יג]
נְשָׂא חֵטְא מְגֹאָל וְאִם תִּרְחָק / וְקָרֵב בְּקָרְאוֹ וְאַל תִּרְחָקוְזֵכֶר לְאַבְרָהָם לְיִצְחָק / וּלְיִשְׂרָאֵל עֲבָדֶיךָ: [שמ' לב, יג]