רקע
יוסף אבן זבארה
[האריה והשועל]
mנחלת הכלל [?]
Eמשלים

הָאַרְיֵה הָיָה אוֹהֵב אֶת הַשּׁוּעָל בְּכָל לְבָבוֹ / וּמַרְחִיב לוֹ וּמְקָרְבוֹ, / וְלֹא הָיָה הַשּׁוּעָל בּוֹטֵחַ בּוֹ וַיִּתְנַכֵּל אוֹתוֹ לַהֲמִיתוֹ, / כִּי הָיְתָה עַל פָּנָיו יִרְאָתוֹ. / וַיְהִי יוֹם אֶחָד בָּא הַשּׁוּעָל אֶל בֵּית הָאַרְיֵה, וְהוּא כּוֹאֵב וְצוֹוֵחַ. וַיֹּאמֶר לוֹ הָאַרְיֵה “מַה לְּךָ, יְדִיד נַפְשִׁי?” / וַיֹּאמֶר לוֹ הַשּׁוּעָל “כְּאֵב גָּדוֹל אֲחָזַנִי בְרֹאשִׁי”. / וַיֹּאמֶר הָאַרְיֵה לַשּׁוּעָל “וּמַה לַּעֲשׂוֹת לְךָ לְהָסִיר אֶת הַכְּאֵב?” אָמַר הַשּׁוּעָל “שָׁמַעְתִּי כִּי הָרוֹפְאִים מֵאֶרֶץ הָעֲרָב צִוּוּ עַל בַּעַל כְּאֵב הָרֹאשׁ לֶאֱסֹר יָדָיו וְרַגְלָיו וְיֵרָפֵא מִכְּאֵבוֹ”. וַיֹּאמֶר הָאַרְיֵה “אֲנִי אֶאֱסָרְךָ כִדְבָרֶיךָ / אוּלַי יָסוּר הַכְּאֵב בֶּאֱסָרֶיך ָ”. / וַיִּקַּח הָאַרְיֵה חֶבֶל חָדָשׁ וַיֶּאֱסֹר יָדָיו וְרַגְלָיו / וַיֹּאמֶר הַשּׁוּעָל, כִּי סָר הַכְּאֵב מֵעָלָיו / וַיַּתִּירֵהוּ וְלֹא שָׁב הַכְּאֵב אֵלָיו.

וַיְהִי לְיָמִים אֲחָדִים וַיִּמְצָא אֶת הָאַרְיֵה כְאֵב גָּדוֹל בְּרֹאשׁוֹ כִּי כֵן מִנְהָגוֹ וְדָתוֹ. וַיֵּלֵךְ אֶל הַשּׁוּעָל וַיֹּאמֶר לוֹ “אָחִי הַשּׁוּעָל, אֲחָזַנִי כְאֵב גָּדוֹל בְּרֹאשִׁי, / עַד לָמוּת אֶשְׁאַל נַפְשִׁי. / אֱסֹר מַהֵר יָדַי וְרַגְלַי בַּחֲבָלֶיךָ, / אוּלַי יָסוּר הַכְּאֵב מֵעָלַי כַּאֲשֶׁר סָר מֵעָלֶיךָ”. / וַיִּקַּח הַשּׁוּעָל יְתָרִים לַחִים וַיֶּאֱסֹר אוֹתוֹ הֵיטֵב, וַיֵּלֶךְ מֵאִתּוֹ וַיַּעַזְבֵהוּ / וַיָּבֵא אֲבָנִים גְּדוֹלוֹת וַיַּך ְ בָּהֶם עַל רֹאשׁוֹ וַיַּהַרְגֵהוּ.

המלצות קוראים
תגיות