רקע
יהודה הלוי
[כמה גדרת בעבי]
mנחלת הכלל [?]
tשירה

כַּמָּה גָדַרְתָּ בַּעֲבִי

וְעָלַי הִכְבַּדְתָּ עֹל וְלֹא עֲזַבְתִּיךָ

יוֹדֵעַ וָעֵד אַפְּךָ עֲדֵי מָתָי

יוֹחֵר המּוֹעֵד וַאֲנִי בְּתוּגוֹתָי

אַךְ אֵין לִי סֹעֵד בִּלְתְּךָ בְּצָרוֹתָי

אוֹתִי עָצַרְתָּ בַשְׁבִי

וְגַם שָׁם נֶחְמַדְתָּ לִּי וְשָׁם עֲבַדְתִּיךָ

הָנְחַלְתִּי יָמִים שָׁוְא וְרִיק נְחַלְתִּימוֹ

נָשָׂאתִי אֵמִים עַל שְׁמָךְ נְשָׂאתִימוֹ

אוֹחִיל נִחֻמִים מֵאֲזֵי שְׁמַעְתִּימוֹ

אוֹתָם נָצַרְתָּ לִי וּבִי

פּלָאִים הֶעְמַדְתָּ בַּעֲדָם זְכַרְתִּיךָ

וּבְנֵי הָאָמָה הֹרְגֵי אֲדֹנֵיהֶם

וּגְבִירָה תַמָּה נִקְלְתָה בְעֵינֵיהֶם

צֹעֶקֶת לָמָּה יִשְמְעוּ בְאָזְנֵיהֶם

כִּי אַתְּ עָזַרְתָּ אוֹיְבִי

וְלִי לֹא נוֹעַדְתָּ כַּאֲשֶׁר שְׁחַרְתִּיךָ

דֹּרְשִׁי מִצָּרָה בָּרְחוֹב עֲנִיתִיךָ

שִׂיחָךְ אֶזְכֹּרָה לִי וְאֵיךְ נְשִׁיתִיךָ

וּבְיוֹם בּוֹ קָצְרָה יָדְךָ קְרָאתִיךָ

אֵיךְ הִתְנַכַּרְתָּ הַצְּבִי

וּמִגּוֹי נִכְחַדְתָּ הִנְנִי עֲזַרְתִּיךָ

הֵן אִם יִסַּרִתִי אוֹתְךָ בְּשִׁבְיֶךָ

וּשְׁמִי נָתַתִּי קַשְׁתְּךָ וְתֶלְיֶךָ

גַּם מֵעֵת שַׁרְתִּי לַחְצְךָ וְעָנְיֶךָ

מֵאֲשֶׁר יָקַרְתָּ אֹהֲבִי

בְּעֵינַי נִכְבַּדְתָּ וַאֲנִי אֲהַבְתִּיךָ.

המלצות קוראים
תגיות