רקע
יהודה הלוי
[ירוחם בך יתום אסיר תקוה]
mנחלת הכלל [?]
tשירה

יְרֻחַם בְּךָ יָתוֹם אֲסִיר תִּקְוָה

וְלִבּוֹ בְּגַחְלֵי הָעֳנִי נִכְוָה

יְחַכֶּה וְנַפְשׁוֹ מֵחֲכוֹת דָּוָה

וְיַחְלֹם בְּשׁוּבְךָ אֶת-שְׁבוּת חֵילָךְ כְּאַסִּיר פְּדוּת חָלָם

הֲמוֹן רַחֲמָיו יָעִיר לְבֶן-צָעִיר

בְּטֶרֶם חֲפֹץ הָאַהֲבָה תָּעִיר

הֲקוֹלְךָ בְּנִי זֶה בֵּין בְּנֵי שֵׂעִיר

כְּאוֹב מֵאֲדָמָה אֶשְׁמְעָה קוֹלָךְ וְזַעְקַת כְּפִיר קוֹלָם

וְהָיָה בְּיוֹם תַּגְמוּל וְשִׁלּוּמִים

לְהַפְלִיא עֲשׂוֹת בֵּינְךָ וּבֵין עַמִּים

אֲנֹפֵף מְטַר נָקָם וְטַל רַחְמִים

רְצוֹנִי וּבִרְכָתִי יְהִי טַלָּךְ וְזַעְמִי יְהִי טַלָּם

דְּבָרִי לְךָ נֶאְמָן וְלֹא יִשְׁנֶה

אֲשֶׁר סוֹרֲרִים הָרְסוּ אֲנִי אֶבְנֶה

הֲתִצְעַק וְצֹפֶה לָךְ בְּקוֹל יַעְנֶה

אֲסִיר אֹיְבָיו קוּמָה רְאֵה צִלָּךְ אֱלֹהִים וְסָר צִלָּם

הֲטוֹב אָמְרָךְ נוֹאָשׁ וְאֵל עֶזְרָךְ

וְתִדְאָג עֲלֵי שִׁבְרָךְ וְהוּא שִׂבְרָךְ

מְעַט קָט וְתִשְׂמַח בַּעֲרֹךְ נֵרָךְ

יְמֵי אֶבְלְךָ שָׁלְמוּ וְהָיָה לָךְ אֲדֹנָי לְאוֹר עוֹלָם.

המלצות קוראים
תגיות