יְדִידִי הֲשָׁכַחְתָּ חֲנֹתְךָ בְּבֵין שָׁדַי

וְלָמָּה מְכַרְתַּנִי צְמִיתֻת לְמַעְבִדָי

הֲלֹא אָז בְּאֶרֶץ לֹא זְרוּעָה רְדַפְתִּיךָ

וְשֵׂעִיר וְהַר פָּארָן וְסִינַי וְסִין עֵדָי

וְהָיוּ לְךָ דּוֹדַי וְהָיָה רְצוֹנְךָ בִּי

וְאֵיךְ תַּחֲלֹק עַתָּה כְּבוֹדִי לְבִלְעָדָי

דְּחוּיָה אֱלֵי שֵׂעִיר הֲדוּפָה עֲדֵי קֵדָר

בְּחוּנָה בְּכוּר יָוָן מְעֻנָּה בְּעֹל מָדָי

הֲיֵשׁ בִּלְתְּךָ גֹּאֵל וּבִלְתִּי אֲסִיר תִּקְוָה

תְּנָה-עֻזְּךָ לִי כִּי לְךָ אֶתְּנָה דוֹדָי.