רקע
יהודה הלוי
[ישראל בחירי אל עבדיך ועדיך]
mנחלת הכלל [?]
tשירה

יִשְׂרָאֵל בְּחִירֵי אֵל עֲבָדֶיךָ וְעֵדֶיךָ

בְּשִׂיחָתָם וּמִלָּתָם מְיַחֲדִים שֵׁם כְּבוֹדֶךָ

מִתְאַוִּים וּמְחַוִּים תְּהִלָתְךָ וְהוֹדֶךָ

גָּדַלְתָּ מְאֹד אַתָּה הוּא אֲדֹנָי לְבַדֶּךָ

הֵיךְ יוּכַל אֱנוֹשׁ סָכָל לְחַוֹּת אֶת הֲדָרֶךָ

נַעֲלֵיתָ וְנִפְלֵאתָ וְעַיִן לֹא תְשׁוּרֶךָ

וּשְׂרָפִים מַקִּיפִים אֶת כִּסֵּא יְקָרֶךָ

וּבִגְבוּרָה וְתִפְאָרָה תְּכַלְכֵּל אֶת יְצוּרֶיךָ

לְךָ הַכֹּל בְּךָ הַכֹּל וְעַל הַכֹּל חֲסָדֶיךָ.

וְאִם אָנִי אֱנוֹשׁ עָנִי וְנִבְזֶה וּשְׁפַל רוּחַ

בְּלִי חָכְמָה וְאֵין עָצְמָה וְאֵין אוֹנִים וְאֵין כֹּחַ

חֲדַל ישֶׁר מְעַט כֹּשֶר אֲבָל נִסְמָךְ וּבָטוּחַ

לְהוֹדוֹת לְךָ כְּרֹב גָּדְלְךָ עֲרב שִׂיחִי כְּנִיחוֹחַ

אֵל אֶחָד בְּלִי כַחַד בָּרוּךְ שֵׁם כְּבוֹדֶךָ

דְּרָכֶיךָ וְחֻקֶּיךָ הֲבִינֵנִי וְחָנֵּנִי

רְעֵה אוֹתִי עֲדֵי מוֹתִי וּמֵעָפָר הֲרִימֵנִי

זְכֹר אַהֲבָה מְאֹד רַבָּה אֲשֶׁר מֵאָז אֲהַבְתָּנִי

וְיוֹם צָרָה לְךָ אֶקְרָא רְצֵה שִׂיחִי וְעָרְבֵנִי

וְהֵיטִיבָה וְהָשִׁיבָה לְצִיּוֹן נִין עֲבָדֶיךָ

הֲדָפוּנִי חֲלָפוּנִי בְּנֵי עֵשָׂו וְיִשְׁמָעֵאל

זֶה טֹרֵף וְזֶה מְחָרֵף וְזֶה מֹאֵס וְזֶה גֹּעֵל

הַשְׁפִּילֵם וְהַפִּילֵם כְּמוֹ סִיסְרָא בְּיַד יָעֵל

צוּר מַקְשִׁיב חִישׁ לְהָשִׁיב מְגֹרָשָה וְתִבָּעֵל

וְעָזְרֵנִי וְשִׂימֵנִי לְרֹאשׁ גּוֹיִם וְאוֹדֶךָ.

המלצות קוראים
תגיות