יָדֹעַ תֵּדַע פְּנֵי צֹאנֶךָ

אֲשֶׁר הִגְלוּם צָרִים מִמְּעוֹנֶיךָ

וֶהֱפִיצוּם בְּכָל הַר עֲצֶרֶת מוֹנֶיךָ

הֲלֹא אַתָּה אֲבִיהֶם וְהֵם בָּנֶיךָ

וְאֵיךְ הַצַּר יְנַהֲגֵם לְנֶגֶד עֵינֶיךָ

אַיֵּה רַחֲמֶיךָ וַהֲמוֹן חִנֶּיךָ

עַל מִי נָטַשְׁתָּ מְעַט צֹאנֶךָ

צֹאנְךָ מַעֲרִיצִי בְּיַד צַר עָרִיצִי

יֹרֶה בַחֵצִי וְיִכְרֹת בַּחֵצִי

עַד קֵץ מוֹעֵד מוֹעֲדִים וָחֵצִי

הָקְדְּרוּ מַרְאֵיהֶם וְהוּעַם תָּאֳרֵהֶם

וְנִפְזְרוּ כְּאִלּוּ אֵין אֲדֹנֵיהֶם

אַרְיֵה לִפְנֵיהֶם וְדֹב אַחֲרֵיהֶם

וּבְאֶרֶץ מְלֵחָה הוּשַׂם מִרְעֵהֶם

וּבְמִרְעֶה טוֹב לֹא רָעוּם בַּעֲלֵיהֶם

וְעַבְדָּם וַאֲחִיהֶם הֵם אֲדֹנֵיהֶם

אוֹי לְבָנִים גָּלוּ מִשֻּׁלְחַן אֲבִיהֶם

רְפָא נָא אֵל מַחֲצִי וְכַלֵּה כָל מֹחֲצִי

תְּהִי לְעַמְּךָ מוֹצִיא מִתְּהוֹמוֹת כְּמוֹ צִי

וַחֲזִיר תַּחֲזִיר לְבִלְתִּי יְחִיתֵם

וְהַרְחֵק גַּעְתָּם מֵאָהֳלֵי גַעְתָּם

כִּי קָצְרָה דַעְתָּם יוֹם שִׁמְשָׁם נֶעְתָּם

וּזְמַן קִצָּם נִסְתַּם וְנֶחְתָּם

אִם עֲוֹנָם לֹא תַם זְכֹר צִדְקַת תָּם

וְהָשֵׁב עַל רָאשָׁם כְּמֵאָז מִצְנַפְתָּם

וְתַזְהִיר נִיצוֹצִי וְתִתֵּן צִיצִי

וְתַפְרִיחַ צִיצִי וְתַזְרִיחַ צִיצִי

דֹּרְשֵׁי רָעָתִי מְתֵי רִשְׁעָתָיִם

הֱבִיאוּנִי בְּכוּר אֵשׁ וְעִמְקֵי מָיִם

וְשָׂמוּ לְעִיִּים אֶת יְרוּשָׁלָיִם

וְהִשְׁלִיכוּ בְחֵמָה יְהוּדָה וְאֶפְרָיִם

אִם אֶשְׁאַל סוֹד נֶעְלָם מֵעֵינָיִם

יַעֲנוּ חַכְמֵי קְדוּמַת יוֹמָיִם

עַד יַשְׁקִיף וְיֵרֶא אֲדֹנָי מִשָּׁמָיִם

וְיָצִיץ מַעֲרִיצִי לְכַנֵּס אֶת פּוּצִי

וְיִגְדֹּר אֶת פִּרְצִי בְּמִשְׁפַּחַת הַפַּרְצִי.