יְהוֹסֵף, קַח לְךָ סֵפֶר, בְּחַרְתִּיו
לְךָ מִטּוּב לְשׁוֹן קֵדָר וְעֵיפָה!
כְּתַבְתִיו – וַחֲנִית-הֶרֶג מְלֻטָּשׁ
בְּיָדֵינוּ, וְהַחֶרֶב שְׁלוּפָה,
וְהַמָּוֶת יְצַו צָבָא לְהַחְלִיף
בְּצָבָא, אֶת צְבָאיִם, וַחֲלִיפָה.
וְלֹא אֶחְדַּל לְהַשְׂכִּילָךְ, וְאִם עַל
סְבִיבִי פָּעֲרָה פִיהָ אֲסִיפָה,
לְמַעַן מָצְאֲךָ חָכְמָה – מְיֻפֶּה
לְנַפְשִׁי מִמְּצֹא צָרַי נְגִיפָה.
קְחָה אוֹתוֹ וְשִׂיחַ בּוֹ וְצֵא מִן
קְהִלַּת לַעֲגֵי לָשׁוֹן וְשָׂפָה,
וְדַע כִּי כָל נְבוֹן דָּבָר – כְּמוֹ עֵץ-
פְּרִי מָתוֹק, וְעָלֵהוּ תְּרוּפָה,
וְהַפֶּתִי כְּעֵץ-יַעַר, אֲשֶׁר סוֹף
נְצָרָיו וַעֲנָפָיו אֶל שְׁרֵפָה.