רקע
יהודה הלוי
[מי יתנני כפר לעפר ישקני]
mנחלת הכלל [?]
tשירה

מִי יִתְּנֵנִי כֹּפֶר לְעֹפֶר יַשְׁקֵנִי

צוּפִי וְיֵינִי מִבֵּין שְׁתֵּי שִׂפְתוֹת שָׁנִי

אֶת שַׁעֲשׁוּעִי אֶזְכֹּר וְטוּב יַרְחֵי קֶדֶם

עֵת בֵּין זְרוֹעִי הָיָה אֲחִי שֶׁמֶשׁ רֹדֵם

מִפִּיו גְּבִיעִי אֶמְצֶה בְדוֹלַח עִם אֹדֶם

בֵּינוֹ וּבֵינִי יַד אַהֲבָה תִּסְעָדֵנִי

וּתְחַבְּרֵנִי אֵלָיו וְלֹא תַחְטִיאֵנִי

עֹשֵׁק לְבָבִי עָלַי חֲמָסִי לֹא עָלָיו

עֵת רַב כְּאֵבִי יוֹם רָחֳקִי מֵאֹהָלָיו

וְיִּפְגְּעָה בִי אוּלַי יְשִׁיבֵנִי אֵלָיו

וַיִּמְשְׁכֵנִי חוּט מִזְּמָן זָר יוֹרֵנִי

כִּי יִשְׂטְמֵנִי דַּרְכֵי פְרִידָה יוֹרֵנִי

יַם סוּף יְדִידַי מוּל יָם דְּמָעַי כַּצִּיּוֹת

כִּי עַל כְּבֵדַי עֵינַי בְּלִי רַחְמָנִיּוֹת

מִיּוֹם צְעָדַי דָּרְכוּ אֲרָצוֹת נָכְרִיּוֹת

עוֹנִי בְעֵינִי יִתֵּן לְפָנַי יָם שֵׁנִי

פֶּן יִשְׁטְפֵנִי אֶפְחַד וְאֵין מִי יַמְשֵׁנִי

אֶשְׁכַּח בְּדָוִיד כָּל זֹאת וְאֶזְכֹּר טוֹבוֹתָי

לָתֵת כְּרָבִיד עַל מַהֲלָלָיו שִׁירוֹתָי

אֶגְעַר בְּמַכְבִּיד אֶבְלִי וְאַרְבֶּה צִבְאוֹתָי

אַשְׁכִּיר אֲזֵנִי מִדַּם זְמָן יַשְׁכִּירֵנִי

וּלְגָרְשֵׁנִי נִכָּר וְלֹא יַכִּירֵנִי

יוֹנָה תְקַנֵּן בֵּין הַהֲדָס בִּי תִּתְבּוֹנֵן

עֵת שִׁיר אֲשַׁנֵּן אוֹ עַל זְמַנִּי אֶתְאוֹנֵן

קוֹלָהּ תְּחַנֵּן אֵלַי כְּעַלְמָה תִּתְרוֹנֵן

באן סידי באני אלקרדש תנתבאן

דשת אלזמאן בן כלוד בן אלדיאן.

המלצות קוראים
תגיות