רקע
אברהם אבן עזרא
סְלִיחָה
mנחלת הכלל [?]
tשירה

אֶשְׁתַּחֲוֶה אַפַּיִם אַרְצָה,

כִּי אֵין לְמַטָּה מִמֶּנָּה,

אֶתְנַפֵּל לִפְנֵי עֶלְיוֹן,

גָּבֹהַּ עַל-כָּל-גְּבֹהִים.

בַּמָּה אֲקַדֵּם פָּנָיו?

כִּי אִם-בְּרוּחִי! אֲשֶׁר הוּא מֵאִתּוֹ,

בְּמִבְחַר גּוּפָתִי הוּא יְחַיֶּהָ -

וְאֵין לְאִישׁ נִכְבָּד מִנַּפְשׁוֹ.

רֹאשׁ וְסוֹף אֵין לִגְדֻלָּתו ֹ -

וּלְשׁוֹנִי אֵיךְ תְּגַדְּלֶנּוּ?

רָחוֹק רָחוֹק מִשְּׁמֵי הַשָּׁמַיִם,

וְקָרוֹב קָרוֹב מֵעַצְמִי וּבְשָׂרִי!

הִנֵּה-בָאתִי לְךָ אֱלֹהָי,

כִּי-אֵין מוֹעִיל זוּלָתֶךָ;

הֲלֹא כָל-צְבָא הַשָּׁמַיִם וְהָאָרֶץ

כֻּלָּם נִבְרָאִים כָּמֹנִי,

מֵהֶם אֵיךְ אֶדְרשׁ תְּשׁוּעָה -

וּתְשׁוּעַת כָּל-יְצוּר כָּזָב?

מָנוֹס אֵין לְעֶבֶד

בִּלְתִּי לַאֲשֶׁר קָנָהוּ! -

מָה אֲחַשְּׁבָה לָדַעַת?

וְיָדַעְתִּי כִּי-לְהֵיטִיב לִי בְרָאתָנִי.

מִסְּפֹר עָצְמוּ חֲסָדֶיךָ -

וּמֵחוֹל הַיָּם חַטֹּאתָי.

עַיִן אֵיךְ אֶשָּׂא אֵלֶיךָ?

וְהִיא-גַם-הִיא חָטָאָה.

עוֹד מַה-יַעֲנוּ שְׂפָתָי?

גַּם-הֵמָּה הִרְשִׁיעוּ!

זְדוֹן לִבִּי עָשָׂה לְנַפְשִׁי

אֲשֶׁר אוֹיֵב לֹא-יוּכַל עֲשׂהוּ,

זַלְעָפָה אֲחָזַתְנִי מִמֶּנּוּ -

אוֹי-לִי כִי-מָרִיתִי!

רֹעַ יִצְרִי הִתְעַנִי,

כִּי לֹא-הָיָה רְצוֹנִי לְהַכְעִיסֶךָ,

רָעוֹתַי לִי לְבַדִּי הֵרֵעוּ -

וְאַתָּה לְבַדְּךָ תַעֲשֶׂה חֶסֶד!

הוֹדִיעֵנִי דֶרֶךְ יוֹעִילֵנִי,

כִּי כָל יָדַעְתִּי אַתָּה הוֹדַעְתָּנִי.

הִשְׁמַעְתִּי דִבְרֵי לִבִּי לְאָזְנַי -

וְאַתָּה תִּשְׁמַע הַשָּׁמָיִם!

המלצות קוראים
תגיות