רקע
יהודה הלוי
[ירומון מסילותי והעקוב יישר]
mנחלת הכלל [?]
tשירה

יְרֻמוּן מְסִלּוֹתַי וְהָעָקֹב יִישַר

וְתַחֲנוּן תְּפִלּוֹתַי בְּעֵינֵי אֵל יִכְשַר

וּמֵיטַב תְּהִלּוֹתַי בְּבֵית קָדְשִׁי יוּשָר

וּבְצִיץ הַזָּהָב כֹּהֵן מָשִיחַ אֶל אֲדֹנָיו יִתְרַצֶּה

הִנֵּה לְךָ עֵינִי עֶזְרִי מֵאָיִן

מָתַי תְּבִיאֵנִי אֶל בֵּית הַיָּיִן

וְהוֹדְךָ תַרְאֵנִי רְאוּת עַיִן בְּעַיִן

וּבְעֲלוֹת הַלַּהַב קְטָרְתִּי תָרִיחַ וּבְדָרְשִי תִמָּצֵא

וְכַמָּה עֵינַי אֶשָּא וְאֵשֵׁב בַּחֹשֶׁךְ

וְתַחַת מַעֲמָסָה זְמַנִּי יִמָּשֵׁךְ

בְּמַשָּׂא בְנֵי מַשָּׂא וּבְמֶשֶךְ עֹל מֶשֶׁךְ

הָאֹמְרִים הַב הַב וְאֵין מִי יַשְבִּיחַ אֶת שְׁאוֹנָם הַיּוֹצֵא

דְּרוּכַת כָּל נַעַל וּבְכָל יָד מְשׁוּכָה

תִּשְתֶּה כּוֹס רַעַל בְּאַהֲבָתְךָ מְסוּכָה

וְתִקְרָאֲךָ אֶל עָל לְבַד לְךָ הַמְּלוּכָה

מְשֹׁל אַתְּ בִּי וּרְהַב וְעָלַי הַטְרִיחַ עֹל וְחָפְשִׁי לֹא אֵצֵא

הֱנִיאַנִי אוֹיֵב בְּהַעְתִּירוֹ עָלָי

כִּי פִצְעֵי אֹהֵב נֶאֱמָנִים אֵלָי

וְכִרְבוֹת צִיר וּכְאֵב יִרְבּוּ מַהֲלָלָי

כִּי אֶת אֲשֶׁר יֶאֱהַב אֲדֹנָי יוֹכִיחַ וּכְאָב אֶת בֵּן יִרְצֶה.

לשמחת תורה

המלצות קוראים
תגיות