רקע
יהודה הלוי
[כימי הנעורים מי יתנני]
mנחלת הכלל [?]
tשירה

כִּימֵי הַנְּעוּרִים מִי יִתְּנֵנִי

אֶקְרָא אֶל אֱלוֹהַּ וַיַּעֲנֵנִי

יֶעֶרְבוּ לְנַפְשִׁי עִתּוֹת קְדוּמוֹת

אַרְגָּמָן לְבוּשִׁי וּכְלִי רְקָמוֹת

יָצָאתִי לְאִישִׁי בִּמְחוֹל עֲלָמוֹת

רָאָנִי יְדִידִי וַיַּחְמְדֵנִי

מָשַׁךְ בַּעֲבֹתוֹת וַיִּלְכְּדֵנִי

הִגִּיעוּ לְחֶפְצִי יָמִים לְפָנָי

קוֹל הַתּוֹר בְּאַרְצִי נִשְׁמַע בְּאָזְנָי

וַאֲנִי אָז בְּלַחְצִי בִּידֵי מְעַנָּי

יָשַׁנְתִּי וְדוֹדִי יְעוֹדְדֵנִי

וּלְעִתּוֹת אֲהָבִים יְעַתְּדֵנִי

וַיִּפְרֹשׂ יְדִידִי כַּנְפֵי חֲסָדָיו

עָלַי, אַף בְּיָדִי נָתַן צְמִידָיו

דִּכָּה מַעֲבִידִי הִסְגִּיר שְׂרִידָיו

יוֹם קִוּוּ רְשָׁעִים לְאַבְּדֵנִי

תֹּאחְזֵנִי יְמִינוֹ לְסַעֲדֵנִי

דָּגוּל מֵרְבָבָה הִקְדִּישׁ קְרֻאָיו

מֵאֶרֶץ עֲרָבָה בָּא עִם צְבָאָיו

יוֹם דָּת שֶׁאֲהֵבָהּ הִנְחִיל יְרֵאָיו

תּוֹרָתוֹ וְחֻקָּיו יְלַמְּדֵנִי

אַף נֶגֶד מְלָכִים יְכַבְּדֵנִי

הַיּוֹם בַּעֲוֹנִי נַפְשִׁי יְבֵשָׁה

מֵחַדְרֵי מְעוֹנִי הִנְנִי גְרוּשָׁה

עַד יָבֹא אֲדוֹנִי בִּבְרִית חֲדָשָׁה

עוֹד יִשְׁלַח מְבַשֵּׂר וְיִפְקְדֵנִי

יָשִׂים מַחֲשַׁכִּים אוֹר בַּעֲדֵנִי.

המלצות קוראים
תגיות