רקע
יהודה הלוי
[ידידי אל אני אקרא אליכם]
mנחלת הכלל [?]
tשירה

יְדִידֵי אֵל אֲנִי אֶקְרָא אֲלֵיכֶם

שְׁמָעוּנִי וְשִׂימוּ לִי לְבַבְכֶם

הֲלֹא לָכֶם לְהוֹדוֹת שֵׁם אֲדֹנָי

אֲשֶׁר גָּבַר מְאֹד חַסְדּוֹ עֲלֵיכֶם

וְגַם מָאַס בְּגוֹיֵי הָאֲרָצוֹת

וּבָחַר בַּאֲבוֹתֵיכֶם וּבָכֶם

דְּבָרוֹ כִּי בְּחַרְתֶּם בּוֹ לְעָבְדוֹ

וְלוּ חֶרֶב תְּהִי עַל צַוְּארֵיכֶם

הֲלִיכַתְכֶם בְּתוֹרוֹתָיו וְחֻקָּיו

וְעַל יִחוּד שְׁמוֹ לִשְׁפֹּךְ דְּמֵיכֶם

וְלָאֵשׁ נַפְשְׁכֶם עָלָיו מְסַרְתֶּם

וְנִמְשַׁלְתֶּם לְאַבְרָהָם אֲבִיכֶם

וְאָרְחוֹתָיו וּמִשְׁפָּטָיו שְׁמַעְתֶּם

וְלִמַּדְתֶּם דְּרָכָיו אֶת בְּנֵיכֶם

וְאֹרַח הַצְּדָקָה בָּם אֲחַזְתֶּם

וּבַחֶסֶד תְּפַשְׂתֶּם כָּל יְמֵיכֶם

וְעַל אַהְבַת אֲבוֹתֵיכֶם עֲמַדְתֶּם

וּמִי יוּכַל לְכַבּוֹת אַהֲבַתְכֶם

וְזוֹ הִיא דַּרְכְּכֶם מֵאָז וְלָעַד

וְהִיא דֶּרֶךְ בְּנֵיכֶם אַחֲרֵיכֶם

וְאַשְׁרֵיכֶם בְּחֵלֶק שֶׁיְּרַשְׁתֶּם

וְטוֹב לָכֶם בִּיפִי נַחֲלַתְכֶם

וּמַה יָּפָה יְרֻשּׁתְכֶם וּמַה טוֹב

וּמַה נָעִים וּמַה עָצוּם שְׂכַרְכֶם

תְּנוּ תּוֹדָה לְיוֹצֶרְכֶם דְּעוּ כִּי

לְיִחוּדוֹ וְלִכְבוֹדוֹ יְצַרְכֶם

וְשִׂישׂוּ צַהֲלוּ רָנּוּ וְשִׂמְחוּ

בְּיוֹם שִׂמְחַת פְּלוֹנִי זֶה אֲחִיכֶם

צְאוּ וּרְאוּ חֲתֻנָּתוֹ וְשִׁירוּ

לְמַעְטִירוֹ וְהַרְבּוּ מַהֲלַלְכֶם

אֲנִי אֶשְׂמַח בְּשִׂמְחָתוֹ וְאַחְבִּיר

אֲמָרַי בּוֹ לְעֵינֵי כָּל קְהַלְכֶם

וְאַגִּיד אֶת שִׁבְחוֹ תּוֹךְ שְׁבַחְכֶם

וּמַהְלָלוֹ בְּקֶרֶב מַהֲלַלְכֶם

בְּיַעַן כִּי נְדִיב לֵב הוּא וְשׁוֹעַ

וּמַעְשֵׂהוּ לְיֹפִי מַעֲשֵׂיכֶם

יְחִי לָעַד וְיַאְרִיךְ אֵל שְׁנוֹתָיו

וּבִרְכָתוֹ יְצַוֶּה לוֹ וְלָכֶם

וְשִׂמְחָתוֹ יְשִׂימֶהָ תְחִלָּה

לְשִׂמְחַתְכֶם וְיָחִישׁ אֶת פְּדוּתְכֶם

וְיִגְאָלְכֶם בְּחֹדֶש זֶה כְּגָאַל

אֲבוֹתֵיכֶם וְיָשִׁיב אֶת שְׁבוּתְכֶם

וְאָז יֹאמַר לְחַדֵּשׁ אֶת יְמֵיכֶם

כְּמוֹ קֶדֶם וְיֵיטִיב אַחֲרִיתְכֶם

כְּמוֹ אֶרֶץ וְשָׁמַיִם חֲדָשִׁים

לְפָנָיו זַרְעָם יַעְמֹד וְשִׁמְכֶם.

המלצות קוראים
תגיות